ព័ត៌មានជាតិ

អាជ្ញាធរបង្ហាញហេតុផលខ្លះៗជុំវិញការប៉ះពាល់ជើងម៉ែត្រ ក្នុងការអភិវឌ្ឍផ្លូវ៣៨ខ្សែ

បានផុស

៣ years មុន

នៅ

ថ្ងៃសៅរ៍ ៩ មករា ២០២១

ដោយ

ថ្លែងក្នុងកិច្ចប្រជុំសាមញ្ញលើកទី២០ របស់ក្រុមប្រឹក្សាខេត្តសៀមរាប កាលពីថ្ងៃទី ០៨ ខែ មករា ឆ្នាំ២០២១ លោក ទៀ សីហា អភិបាលខេត្តសៀមរាប បានអរគុណចំពោះទឹកចិត្តប្រជាពលរដ្ឋក្នុងក្រុងសៀមរាប ជាពិសេសអ្នកមានលំនៅឋាន នៅតាមដងមាត់ស្ទឹងសៀមរាប ដែលសហការ និងស្ម័គ្រចិត្តរុះ រើលំនៅឋានរបស់ខ្លួនទៅកាន់ទីកន្លែងថ្មី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា ប្រជាពលរដ្ឋរុះរើលំនៅឋាន និងរបងខ្លះ បានរងផលប៉ះពាល់ជើងម៉ែត្រ ក្នុងការចូលរួមអភិវឌ្ឍផ្លូវទាំង៣៨ខ្សែ ក្នុងក្រុងសៀមរាប ខណៈអាជ្ញាធរខេត្ត មិនអាចសម្របសម្រួលបានឡើយ ចំពោះការអនុវត្តទៅតាមជើងម៉ែត្រដែលមានបញ្ហា ។

លោក អ៊ាន ឃុន ប្រធានស្ដីទី ក្រុមប្រឹក្សាខេត្តសៀមរាប បានអរគុណដល់ប្រមុខរាជរដ្ឋាភិបាល ដែល ផ្ដល់ថវិកា សាងសង់ផ្លូវ ចំនួន៣៨ខ្សែ ក្នុងក្រុងសៀមរាប ដែលជាការអភិវឌ្ឍការកែលំអសោភណភាពក្រុង ។

សូមបញ្ជាក់ថា ហេដ្ឋារចនាសម្ព័ន្ធផ្លូវទាំង៣៨ខ្សែ ក្នុងខេត្តសៀមរាប មានប្រវែងសរុប ១០០គីឡូម៉ែត្រ ត្រូវបានសាងសង់ដោយអង្គភាពចំនួន៦ និងបែងចែកជា៤ប្រភេទ ដោយ ចាក់បេតុងកៅស៊ូ សមស្របតាមទំហំចរាចរណ៍ និងគ្រោងចំណាយថវិកាប្រមាណ ១៥០លានដុល្លារ ហើយនឹងបញ្ចប់ការសាងសង់នៅត្រឹមឆ្នាំ២០២១៕។

អត្ថបទ ៖ គឿនវេត