ព័ត៌មានជាតិ
លោក ជា សុផារ៉ា៖ ព្រះពុទ្ធប្បដិមាលើភ្នំបូកគោ ជាមជ្ឈមណ្ឌលទេសចរណ៍សាសនាធំ លើពិភពលោក
លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី បានលើកឡើងថា ព្រះពុទ្ធប្បដិមាលើកំពូលភ្នំបូកគោ
នឹងក្លាយជាមជ្ឈមណ្ឌលទេសចរណ៍សាសនាដ៏ធំនៅកម្ពុជា និងពិភពលោក។

ការថ្លែងនេះ ធ្វើឡើងនៅក្នុងពិធីបើកការដ្ឋានសាងសង់ព្រះពុទ្ធប្បដិមា កម្ពស់ ១០៨ ម៉ែត្រ ធំ និងខ្ពស់ជាងគេនៅកម្ពុជា បានបើកការដ្ឋានសាងសង់ជាផ្លូវការ នៅព្រឹកថ្ងៃទី៤ ខែ មករា ឆ្នាំ ២០២៣នេះ។

លោក ជា សុផារ៉ា មានប្រសាសន៍បន្តថា ទន្ទឹមនឹងការអភិវឌ្ឍលើភ្នំបូកគោ លោកមើលឃើញថា ក្រុមហ៊ុនសុខាអូតែល បានយកចិត្តទុកដាក់លើវិស័យវប្បធម៌ ទំនៀមទម្លាប់ប្រពៃណី ដ៏ផូរផង់របស់ប្រជាពលរដ្ឋខ្មែរ ដ៏យូរលង់ណាស់មកហើយ។ ព្រះពុទ្ធប្បដិមាដែលនឹងសាងសង់នេះ មានកម្ពស់ខ្ពស់ជាងគេនៅកម្ពុជា និងខ្ពស់ក្នុងចំណោមពុទ្ធបដិមានៅលើពិភពលោក។ ព្រះពុទ្ធប្បដិមានេះ នឹងក្លាយជាមជ្ឈមណ្ឌលទេសចរណ៍ព្រះពុទ្ធសាសនាដ៏ធំមួយនៅកម្ពុជា។

លោក ម៉ៅ ធនិន អភិបាលខេត្តកំពត បានលើកឡើងថា ការសាងសង់ព្រះពុទ្ធប្បដិមានេះ គឺជាសមិទ្ធផលថ្មីមួយទៀតក្នុងចំណោមការអភិវឌ្ឍជាច្រើននៅក្នុងខេត្តកំពត។ លោក មានប្រសាសន៍បន្តថា សមិទ្ធផលថ្មីនេះ ដើរតួសំខាន់ក្នុងការរួមចំណែកលើកកម្ពស់ការប្រតិបត្តិព្រះពុទ្ធសាសនា ក្នុងនាមជាប្រទេសប្រកាន់ខ្ជាប់ព្រះពុទ្ធសាសនា សាសនារបស់រដ្ឋ។

លោកស្រី សុខ ចន្ថា តំណាងក្រុមហ៊ុនសាងសង់ សុខា អូតែល បានឱ្យដឹងថា ព្រះពុទ្ធបដិមានេះសាងសង់នៅលើខ្នងភ្នំបូកគោ ដែលមាននីវ៉ូដីកម្ពស់ ៩៦២ ម៉ែត្រ ពីផ្ទៃសមុទ្រក្នុងភូមិសាស្រ្តវាលស្រែ ៥០០ និងឧទ្យានជាតិព្រះមុនីវង្សបូកគោ ដោយសាងសង់ពីបេតុងអាមេ មានពណ៌មាស។

លោកស្រី សុខ ចន្ថា លើកឡើងថា គម្រោងសាងសង់នេះចំណាយថវិកាប្រមាណ ៣០ លានដុល្លារ ដោយប្រើរយៈពេល ៤ឆ្នាំ ដើម្បីបញ្ចប់គម្រោង។

ព្រះពុទ្ធប្បដិមាបែរព្រះភក្រ្តទៅទិសខាងកើត មានកម្ពស់ ១០៨ ម៉ែត្រពីនីវ៉ូ សូន្យ នៃខឿនផ្ទាល់ដីដល់កំពូលព្រះម៉ូលី ដែលតំណាងឱ្យមង្គលទាំង ១០៨ របស់ព្រះអង្គ ទ្រង់គង់ភ្នែននៅលើបល្ល័ង្កផ្កាឈូករាងរង្វង់តំណាងឱ្យវាលវដ្ដសង្សារដែលក្បាច់រចនារបស់ព្រះបល្ល័ង្កនេះ យកតាមលំនាំនៃផ្នែកមួយរបស់ប្រាសាទដំរីក្រាប នៃរចនាបថភ្នំគូលែន ក្នុងរជ្ជកាលព្រះបាទជ័យវរ្ម័នទី២ នាសតវត្សរ៍ទី៩៕
អត្ថបទ៖ ទួន សុផល



-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១០ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ