​ឱកាស​សម្រាប់​​សិស្សទើប​ប្រឡង​បាក់ឌុប​ ​តែ​មិន​ដឹងគួរ​រៀន​ជំនាញ​អ្វី

សម្រាប់សិស្សានុសិស្សដែលទើបប្រឡងសញ្ញាបត្រមធ្យមសិក្សាទុតិយភូមិ ហើយមិនទាន់ដឹងថា គួររៀនអ្វី ហើយធ្វើម៉េចទើបដឹងថាខ្លួនចូលចិត្តជំនាញអ្វី និងគួរសិក្សាជំនាញនោះនៅទីណាខ្លះនោះ អាចចូលរួមកម្មវិធី “ពិព័រណ៍ជំនាញ និងសាកលវិទ្យាល័យ” ដែលជាឱកាសស្វែងយល់ពីចំណេះ ជំនាញ បទពិសោធន៍ និងឱកាសផ្សេងៗ។

កម្មវិធី “ពិព័រណ៍ជំនាញ និងសាកលវិទ្យាល័យ” គាំទ្រដោយក្រសួងអប់រំ យុវជន និងកីឡា ប្រារព្ធនៅ វិទ្យាស្ថានបច្ចេកវិទ្យាកម្ពុជា (សាលាតិចណូ) ចាប់ពីថ្ងៃទី០៦ ដល់ថ្ងៃទី០៧ ខែមករា ឆ្នាំ២០២៣ ចូលរួម ឥតគិតថ្លៃ។

កម្មវិធី​ពិព័រណ៍​ជំនាញ​ ​និង​សាកលវិទ្យាល័យ​២​០​២​៣​នេះ​ ​រៀបចំ​ឡើង​ ​ក្នុង​គោលបំណង​ធំ​ៗ​ ​ចំនួន​៣​ ​គឺ​ ​ចែករំលែក​រាល់​បទពិសោធន៍​ ​និង​តម្រង់​ទិស​ចាប់​យក​មុខជំនាញ​សិក្សា​ឆ្លើយតប​ទី​ផ្សារ​ការងារ​, ​ស្វែងរក​ឱកាស​ក្នុង​ការ​អភិវឌ្ឍ​សមត្ថភាព​ ​ចំណេះ​ ​ជំនាញ​, ​ជ​ម្រុ​ញ​ឱ្យ​យុវជន​មាន​ភាព​ក្លាហាន​ក្នុង​ការប្រកួតប្រជែង​រាល់​កម្មវិធី​អប់រំ​។​

​ក្នុងកម្មវិធីតែមួយ ទទួលបានព័ត៌មាន និងអត្ថប្រយោជន៍ជាច្រើន ដោយមិនចាំបាច់ធ្វើដំណើរច្រើនកន្លែង និងចំណាយពេលវេលាយូរ។ ក្រៅពី​កា​រដាក់​បង្ហាញ​អំពី​ព័ត៌មាន​សាកលវិទ្យាល័យ​ ​ក្នុង​នោះ​ក៏មាន​កម្មវិធី​ចែករំលែក​បទពិសោធន៍​ ​នៃ​ការ​ជ្រើសរើស​ជំនាញ​សិក្សា​ ​ក៏ដូចជា​អាជីព​ការងារ​ ​ដែល​មាន​ការចូលរួម​ពីសំណាក់​វាគ្មិនកិត្តិយស សាស្ត្រាចារ្យ តំណាង​មកពី​សាកលវិទ្យាល័យ​រដ្ឋ​ ​និង​ឯកជន​ផ្សេងៗ​គ្នា​ ​មក​ចែករំលែក​បទពិសោធន៍​ផង​ដែរ​។

​គួរ​បញ្ជាក់ថា​ ការជ្រើសរើសមុខជំនាញសិក្សានៅថ្នាក់ឧត្ដមសិក្សា គឺជាសិទ្ធិរបស់សិស្សនិស្សិត។ ពួកគាត់អាចមានសិទ្ធិសេរីភាពជ្រើសរើសជំនាញ ឬមុខវិជ្ជាសិក្សាតាមការស្រឡាញ់ពេញចិត្តរបស់ខ្លួន៕