ការវាយតម្លៃលើបញ្ជីឈ្មោះទណ្ឌិត ដើម្បីស្នើសុំបន្ធូរបន្ថយទោស និងលើកលែងទោស គឺធ្វើឡើងទៅលើទណ្ឌិតទូទៅ

អ្នកនាំពាក្យក្រសួងយុត្តិធម៌ បានអះអាងថា ការវាយតម្លៃលើបញ្ជីឈ្មោះទណ្ឌិត ដើម្បីស្នើសុំបន្ធូរបន្ថយទោស និងលើកលែងទោស គឺធ្វើឡើងទៅលើទណ្ឌិតទូទៅ ដោយមិនបានគិតថា ពួកគេជាអ្នកនយោបាយ ឬជាសកម្មជនគណបក្សនយោបាយណាមួយ នោះទេ។

ការអះអាងនេះ បន្ទាប់ពីមានមតិខ្លះនិយាយថា ការលើកលែង និងបន្ធូរបន្ថយទោសទណ្ឌិត ក្នុងឱកាសទិវាជ័យជម្នះ ៧ មករា ២០២៣ ដោយមិនមានឈ្មោះសកម្មជនអតីតបក្សប្រឆាំងថា ជារឿងអយុត្តិធម៌ និងមានការរើសអើងផ្នែកនយោបាយ។

ពាក់ព័ន្ធនឹងមតិទាំងនេះ លោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ មានប្រសាសន៍ប្រាប់កម្ពុជាថ្មី នៅព្រឹកថ្ងៃទី ៦ ខែមករានេះថា ការវាយតម្លៃលើបញ្ជីឈ្មោះទណ្ឌិត ដើម្បីស្នើសុំបន្ធូរបន្ថយទោស និងលើកលែងទោស គឺផ្អែកទៅលើគោលការណ៍ច្បាប់ និងលក្ខខណ្ឌ ដែលមានចែងក្នុងច្បាប់ ព្រមទាំងមានគណៈកម្មការវាយតម្លៃត្រឹមត្រូវ ចាប់តាំងពីពន្ធនាគារថ្នាក់រាជធានី-ខេត្ត ដល់ថ្នាក់ជាតិ។

លោក ជិន ម៉ាលីន បានបញ្ជាក់ថា ការវាយតម្លៃលើបញ្ជីឈ្មោះទណ្ឌិត ដើម្បីស្នើសុំបន្ធូរបន្ថយទោស និងលើកលែងទោស មិនបានគិតថា ពួកគេជាអ្នកនយោបាយ ឬជាសកម្មជនគណបក្សនយោបាយណាមួយនោះទេ តែវាយតម្លៃជាទូទៅ ដោយផ្អែកលើលក្ខខណ្ឌ ដែលមានបញ្ញាត្តិក្នុងច្បាប់ជាធរមាន។

លោកឲ្យដឹងយ៉ាងដូច្នេះថា «ការវាយតម្លៃហ្នឹង មិនបានពិនិត្យទៅលើលក្ខខណ្ឌថា គាត់អ្នកនយោបាយ ឬមិននយោបាយ សកម្មជន ឬក៏មិនសកម្មជននោះទេ យើងពិនិត្យជាទូទៅ ហើយផ្អែកទៅលើលក្ខ​ខណ្ឌ ដែលមានបញ្ញាត្តិនៅក្នុងច្បាប់ បានសេចក្ដីថា គ្រប់លក្ខខណ្ឌ ទទួលបានការវាយតម្លៃថា អាចទទួលបានការលើកលែងទោស និងបន្ធូរបន្ថយទោសបាន អាហ្នឹងគឺគាត់ត្រូវបានអនុញ្ញាត ចូលទៅក្នុងបញ្ជីដែលត្រូវលើកលែងទោស និងបន្ធូរបន្ថយទោស»។

អ្នកនាំពាក្យក្រសួងយុត្តិធម៌ បានគូសបញ្ជាក់ទៀតថា ការវិនិច្ឆ័យរបស់គណៈកម្មការជាតិពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស មិនបានផ្ដោតទៅលើថា អ្នកទោសនោះជាសកម្មជន ឬមិនមែនជាសកម្មជន ឬអ្នកមកពីមជ្ឈដ្ឋានណាមួយនោះទេ តែត្រូវពិនិត្យជាទូទៅ។

លោក គឹម សន្តិភាព រដ្ឋលេខាធិការ និងជាអ្នកនាំពាក្យក្រសួងយុត្តិធម៌មួយរូបទៀត បានឲ្យដឹងកាលពីពេលថ្មីៗនេះថា ក្នុងឱកាសទិវាជ័យជម្នះលើរបបប្រល័យពូជសាសន៍ ដែលនឹងប្រព្រឹត្តទៅ នាថ្ងៃទី ៧ ខែមករា ឆ្នាំ ២០២៣ ខាងមុខនេះ គណៈកម្មការជាតិពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស បានបញ្ជូនសំណើគោរពជូនសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដើម្បីពិនិត្យ និងសម្រេចស្នើសុំព្រះមហាក្សត្រ ផ្តល់ការអនុគ្រោះទោសដល់ទណ្ឌិតសរុបចំនួន ២៨៣នាក់ ដោយក្នុងស្រ្ដីចំនួន ២៧ នាក់។

បញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស រួមមាន៖

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​-បន្ថយទោស ៣ខែ ចំនួន ២១៥នាក់

-បន្ថយទោស ៦ខែ ចំនួន ៥៤នាក់

-បន្ថយទោស ៩ខែ ចំនួន ១១នាក់

-ការបន្ថយទោស ១២ខែ ចំនួន ២នាក់

-លើកលែងទោសម្នាក់៕

អត្ថបទ៖ ឃួន សុភ័ក្រ