ព័ត៌មានជាតិ
កម្មវិធីសប្បុរសធម៌លើកទី១២ បានវិត្រឡប់មកវិញហើយ នៅសាកលវិទ្យាល័យភូមិន្ទភ្នំពេញ
ក្រោយពីផ្អាកដំណើរការសិក្សារយៈពេល ២ឆ្នាំ សាកលវិទ្យាល័យភូមិន្ទភ្នំពេញ បានបើកឱ្យមានកម្មវិធីសប្បុរសធម៌លើកទី១២ឡើងមកជាថ្មីម្តងទៀត រយៈពេល ៣ថ្ងៃ នៅថ្ងៃទី១៣ ដល់ថ្ងៃទី១៥ ខែមករា ឆ្នាំ២០២៣ ខាងមុខនេះ នៅសាកលវិទ្យាល័យភូមិន្ទភ្នំពេញតែម្តង។

កម្មវិធីសប្បុរសធម៌នេះ ក៏ជាឱកាសមួយនៃការគោរពខួប ៦៣ឆ្នាំ របស់សាកលវិទ្យាល័យភូមិន្ទភ្នំពេញផងដែរ។ កម្មវិធីនេះធ្វើឡើងក្នុងគោលបំណងរៃអង្គាសថវិកាមួយចំនួនដែលបានមកពីការលក់នៅក្នុងស្តង់នីមួយៗក្នុងកម្មវិធី និងពីនិស្សិត ក៏ដូចជាសាធារណជនទូទៅ ដើម្បីជួយទៅដល់ជនក្រីក្រ ដែលជួបផលលំបាក និងកំពុងត្រូវការជំនួយ។


កម្មវិធីសប្បុរសធម៌លើកទី១២នេះ មានជាការប្រគុំតន្រ្តី លេងល្បែងប្រជាប្រិយ ការរាំលេងកម្សាន្តផ្សេងៗ ព្រមទាំងមានជាការលក់ម្ហូបអាហារ ភេសជ្ជៈ ទំនិញ ឬវត្ថុអនុស្សាវរីយ៍ សេវាកម្ម និងពាណិជ្ជកម្មផ្សេងផងដែរ។ ក្នុងនោះ អ្នកលក់ភាគច្រើនជានិស្សិតដែលសិក្សានៅសាកលវិទ្យាល័យភូមិន្ទផ្ទាល់ និងក្រុមហ៊ុន ឬ ស្ថាប័នឯកជនផ្សេងៗទៀត។

ជាមួយគ្នានេះ ចំពោះអ្នកដែលមានបំណងចង់រៀបចំជាស្តង់លក់ម្ហូបអាហារ ឬសម្ភារៈផ្សេងៗ ខាងសាកលវិទ្យាល័យ ក៏ចាប់ផ្តើមបើកទទួលការជួលស្តង់ចាប់ពីថ្ងៃផ្សាយដំណឹង រហូតដល់ថ្ងៃទី១០ ខែមករា ឆ្នាំ២០២៣។ ចំណែកឯ តម្លៃស្តង់រយៈពេល ៣ថ្ងៃនេះគឺ ៣០០ដុល្លារ ក្នុងមួយស្តង់។ កម្មវិធីសប្បុរសធម៌លើកទី១២នេះ ត្រូវបានរៀបចំឡើងដោយសាកលវិទ្យាល័យភូមិន្ទភ្នំពេញ, កាកបាទក្រហមកម្ពុជា និង សហភាពសហព័ន្ធយុវជនកម្ពុជា (ស.ស.យ.ក)៕
ដោយ៖ អុន ស្រីមាន

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ