ព័ត៌មានជាតិ

សង់រោងកាត់ចំណងដៃមុនកម្មវិធី២ថ្ងៃ ខណៈពេលអ្នកដំណើរប្រតិកម្ម ព្រោះសង់ពេញផ្លូវ

បានផុស

៣ years មុន

នៅ

ថ្ងៃសៅរ៍ ៩ មករា ២០២១

ដោយ

រោងកាត់ចំណងដៃមួយបានសាងសង់មុនកម្មវិធី២ថ្ងៃ ដែលស្ថិតនៅតាមបណ្តោយផ្លូវបេតុងចូលទៅផ្សារបឹងព្រលឹតធ្វើឲ្យអ្នកដំណើរអ៊ូរទាំយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីប្រជាពលរដ្ឋ ដែលរស់នៅក្នុងភូមិអូរអណ្តូងទី១ សង្កាត់ព្រែកប្រា ខណ្ឌច្បារអំពៅបាននិយាយថា រោងការនេះ សាងសង់ពេញលើកំណាត់ផ្លូវបេតុងតាំងពីថ្ងៃទី៨ ខែមករា ខណៈដែលកម្មវិធីត្រូវប្រព្រឹត្តិធ្វើឡើងនៅថ្ងៃទី១០ ខែមករា។ អ្វីដែលអ្នកដំណើរនាំរអ៊ូរទាំនោះ គឺម្ចាស់កម្មវិធីសាងសង់រោងពេញលើផ្លូវ ដោយក្នុងបំណងមិនឲ្យធ្វើដំណើរឆ្លងកាត់។ តាមប្រភពពីប្រជាពលរដ្ឋ បានឲ្យដឹងថា ពីមុនមកធ្លាប់មានកម្មវិធីអញ្ចឹងដែរ ប៉ុន្តែម្ចាស់កម្មវិធី គេសង់ពាក់កណ្តាលផ្លូវទុកពាក់កណ្តាលឲ្យបើកបររថយន្តបាន ខុសប្លែករោងការនេះ គឺសង់ពេញផ្លូវ។

លោក វ៉ាន់ បូ រស់នៅសង្កាត់ព្រែកប្រា បាននិយាយថា មិនគួរសង់រោងការពេញលើផ្លូវបែបនេះ គួរណាតែសង់មួយចំហៀងផ្លូវទើបមិនបង្កផលប៉ះពាល់ដល់អ្នកធ្វើដំណើរ។ ប្រជាពលរដ្ឋបាននិយាយថា មានផ្លូវសម្រាប់បញ្ចៀសចរាចរណ៍មួយដែរ ប៉ុន្តែផ្លូវបញ្ចៀសរៀងតូចចង្អៀត។ ទាក់ទិនទៅការសាងសង់រោងការពេញលើផ្លូវនេះ កម្ពុជាថ្មីបានសាកសួរទៅលោក ងឹន ធីរ៉ូ ចៅសង្កាត់ព្រែកប្រាផងដែរ ប៉ុន្តែលោកកំពុងមានជំងឺ៕

អត្ថបទ៖ នរា

Related Topics:ខណ្ឌច្បារអំពៅ