ក្រុមហ៊ុន ខេ​ម​បូ​ឌា​ន ដេ​រី​វ៉េ​ទីវ អ៊ិ​ច​ឆេង បរិច្ចាគ​ថវិកា​១​ម៉ឺន​ដុល្លារ​ តាមរយៈ​សម្តេច​តេ​ជោ ហ៊ុន សែន ដើម្បី​ជួយសង្គ្រោះ​ប្រជាពលរដ្ឋ​រងគ្រោះ​ដោយសារ​ទឹកជំនន់ – Kampuchea Thmey Daily
Connect with us

ព័ត៌មានជាតិ

ក្រុមហ៊ុន ខេ​ម​បូ​ឌា​ន ដេ​រី​វ៉េ​ទីវ អ៊ិ​ច​ឆេង បរិច្ចាគ​ថវិកា​១​ម៉ឺន​ដុល្លារ​ តាមរយៈ​សម្តេច​តេ​ជោ ហ៊ុន សែន ដើម្បី​ជួយសង្គ្រោះ​ប្រជាពលរដ្ឋ​រងគ្រោះ​ដោយសារ​ទឹកជំនន់

Published

on

​នា​ថ្ងៃទី​២៨ ខែតុលា ឆ្នាំ​២០២០ ក្រុមហ៊ុន ខេ​ម​បូ​ឌា​ន ដេ​រី​វ៉េ​ទីវ អ៊ិ​ច​ឆេង ដែល​ជា​ក្រុមហ៊ុន​ឈានមុខ​គេ​មួយ​នៅ​ក្នុង​វិស័យ​ឧបករណ៍​និស្សន្ទ​នៅ​កម្ពុជា បាន​បរិច្ចាគ​ថវិកា​ចំនួន​១​ម៉ឺន​ដុល្លារ តាមរយៈ​សម្ដេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដើម្បី​ជួយសង្គ្រោះ​ប្រជាពលរដ្ឋ​ដែល​រងគ្រោះ​ដោយសារ​ទឹកជំនន់​។

​បើ​យោង​តាម​គណៈកម្មាធិការ​ជាតិ​គ្រប់គ្រង​គ្រោះ​មហន្តរាយ ជំនន់​ទឹកភ្លៀង​បាន​វាយប្រហារ​ប្រជាពលរដ្ឋ​ប្រហែល​៤​ម៉ឺន​គ្រួសារ​ នៅ​ក្នុង​ខេត្ត​មួយ​ចំនួន​នៃ​ប្រទេស​កម្ពុជា ដែល​ជំរុញ​ឲ្យ​ពួកគាត់​ត្រូវ​ជម្លៀស​ខ្លួន​ទៅ​រក​កន្លែង​សុវត្ថិភាព និង​ស្ថិត​ក្នុង​ស្ថានភាព​ខ្វះខាត​នូវ​តម្រូវការ​ស្បៀង និង​របស់របរ​ប្រើប្រាស់​ចាំបាច់​សម្រាប់​ជួយសង្គ្រោះ​ជីវិត​។

​លោកជំទាវ ឆាយ លក្ខិណា អគ្គនាយិកា​នៃ​ក្រុមហ៊ុន ខេ​ម​បូ​ឌា​ន ដេ​រី​វ៉េ​ទីវ អ៊ិ​ច​ឆេង បាន​មានប្រសាសន៍ថា​៖ «​ការបរិច្ចាគ​នេះ គឺជា​ការចូលរួមចំណែក​ជួយ​សង្គមជាតិ ជាពិសេស​ប្រជាពលរដ្ឋ​ដែល​រង​ផលប៉ះពាល់​ពី​ទឹកជំនន់ ហើយក៏​ជា​ឆ្លើយតប​ទៅនឹង​ការអំពាវនាវ​របស់​ស​ម្ដេច​តេ​ជោ ហ៊ុន សែន ក្នុងការ​ទប់ទល់​នឹង​គ្រោះទឹកជំនន់ ព្រមទាំង​កាត់បន្ថយ​ជា​អតិបរមា​នូវ​ទុក្ខលំបាក និង​ហានិភ័យ​ដល់​អាយុជីវិត​របស់​ប្រជាពលរដ្ឋ​​»។

​នៅលើ​ទំព័រ​ហ្វេ​ស​ប៊ុ​ក​ផ្លូវការ​របស់​សម្តេច​តេ​ជោ ហ៊ុន សែន សម្ដេច​បាន​ថ្លែងអំណរគុណ​ដល់​ក្រុមហ៊ុន ខេ​ម​បូ​ឌា​ន ដេ​រី​វ៉េ​ទីវ អ៊ិ​ច​ឆេង ក៏ដូចជា​សប្បុរសជន​នានា ដែល​បាន​ចូលរួម​បរិច្ចាគ​ជួយ​ដល់​ប្រជាពលរដ្ឋ ដែល​កំពុង​រងគ្រោះ​ដោយសារ​ជំនន់​ទឹកភ្លៀង​នា​ពេល​នេះ​៕

អត្ថបទពាណិជកម្ម

ចុច Like Facebook កម្ពុជាថ្មី

ជីវិតកម្សាន្ដ6 hours ago

តោះ​ចូលរួម​ទាំងអស់គ្នា ! ហ៊ុយ យ៉ា​ឡេង បំផុស​យុទ្ធនាការ​ម្នាក់​១​ដុល្លារ​ជួយ​សម្រួល​ទុក្ខលំបាក​តាៗ​ស៊ីក្លូ​ជាង​៣០០​នាក់​

ព័ត៌មានជាតិ7 hours ago

លោក​ឧ​ត្តម​សេនីយ៍​ចុះសួរសុខទុក្ខ មេ​អាវុធហត្ថ​ខណ្ឌ​ដង្កោ​ដែលមាន​ជំងឺ​ធ្ងន់ធ្ងរ

ព័ត៌មានជាតិ7 hours ago

សំណុំរឿង​បាញ់​ឲ្យ​ស្លាប់​ប្រពន្ធ​របួស​កូន តុលាការ​ផ្ដន្ទាទោស​១២​ឆ្នាំ

ព័ត៌មានជាតិ8 hours ago

តោះ​ចូលរួម​ទាំងអស់គ្នា ! ហ៊ុយ យ៉ា​ឡេង បំផុស​យុទ្ធនាការ​ម្នាក់​១​ដុល្លារ​ជួយ​សម្រួល​ទុក្ខលំបាក​តាៗ​ស៊ីក្លូ​ជាង​៣០០​នាក់​

ព័ត៌មានជាតិ9 hours ago

ការបង្ក​សម្លេង​រំខាន ទោះបី​មិន​សម្លាប់​ជីវិត​មនុស្ស​ក៏ដោយ តែ​បង្ក​ផលប៉ះពាល់​ដល់​អ្នកដទៃ ជាពិសេស​អ្នកជំងឺ​តាម​មន្ទីរពេទ្យ​

ព័ត៌មានពេញនិយម