ព័ត៌មានជាតិ

លុបបំបាត់ភាព ក្រិនក្រេះ កុមារដោយបន្ថែមបបរខាប់គ្រប់គ្រឿង

បានផុស

២ years មុន

នៅ

ថ្ងៃចន្ទ ៩ មករា ២០២៣

ដោយ

កុមារក្រេះក្រិន កុមារ ដែល ខ្វះអាហារូបត្ថម្ភ មិនលូតលាស់ ស្គាំងស្គមដូច្នេះគួរតែមាតាទាំងឡាយងាកមកធ្វើបបរខាប់គ្រប់គ្រឿងឲ្យកូនញ៉ាំដើម្បីរក្សាភាព ភាពលូតលាស់របស់កុមារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវេទិកាមួយដែលរៀបចំឡើងដោយអង្គការវឌ្ឍនភាព សហការជាមួយអង្គការ ភ្លេនអន្តរជាតិ បានធ្វើពិធីបបរខាប់គ្រប់គ្រឿងដល់ម៉ែៗ ផ្ដល់ឱ្យកូនញ៉ាំដើម្បីសុខភាពល្អរបស់កូនគ្រប់ៗគ្នា។

អ្នកស្រី សួនម៉ាច បុគ្គលិកនៅមណ្ឌលសុខភាព ថាឡាបរិវ៉ាត់ ផ្នែកអាហារូបត្ថម្ភបានបង្ហាញការធ្វើបបរខាប់គ្រប់គ្រឿងជូនដល់ម៉ែ”ៗ បញ្ជាក់នៃការធ្វើបបរនេះដើម្បីយកទៅអនុវត្ត និង ធ្វើឲ្យកូនៗញាំ។ អ្នកស្រីបញ្ជាក់ថា បបរខាប់គ្រប់គ្រឿង ជាការបន្ថែមទៅលើការបំបៅដោះកូនដោយទឹកដោះម្តាយ ពី អាយុ៦ ខែ ដល់ ១២ខែ។ ក្រោយពីមានការ ចុះ អប់រំផ្សព្វផ្សាយ ដល់ ម៉ែៗគេសង្កេតឃើញថា ឥឡូវនេះម៉ែៗយល់ដឹងច្រើនហើយងាកមកធ្វើបបរខាប់គ្រប់គ្រឿង ឲ្យកូនញាំ។

ដោយឡែកអ្នកស្រី វ៉ាន់តង បានឲ្យដឹងថា ក្រោយពីទទួលការអប់រំណែនាំពី អង្គការវឌ្ឍនៈសង្គម អ្នកស្រីគិតថា ការធ្វើបបរខាប់គ្រប់គ្រឿង គឺមានសារៈសំខាន់ណាស់។ ដើម្បីអប់រំដល់ប្រជាពលរដ្ឋ ដែលជា ម្ដាយ គ្រប់ៗរូប ឲ្យងាកមកដាំបន្លែគ្រប់មុខនៅ ផ្ទះ ទុក ធ្វើបបរខាប់ គ្រប់គ្រឿងឱ្យកូនញ៉ាំបន្ថែមលើការបំបៅដោះកូនមួយមុខទៀត។

ដោយឡែកអ្នកស្រី វ៉ាន់ធារ៉ាវិញបន្តថា ឥឡូវនេះខ្ញុំបាន កាត់បន្ថយ ថវិកាមួយកម្រិតដោយមានការចុះមកអប់រំណែនាំរបស់អង្គការ ឃើញថា ពេលនេះកូនរបស់ខ្ញុំមានសុខភាពល្អ បញ្ញា វាងវៃ ហើយពុំសូវឈឺទៀត។

គេសង្កេតឃើញថា ម៉ែៗដែលជាស្ត្រីមេផ្ទះមានការយល់ដឹងច្រើនពីសុខភាព កូនរបស់គាត់។ដែលលោកនាយករងអង្គការភ្លែនអន្តរជាតិកម្ពុជាមានប្រសាសន៍ដោយបញ្ជាក់ថា កម្មវិធីនេះមានសារៈសំខាន់ណាស់ ដែលយើងផ្ដោតទៅលើអាហារូបត្ថម្ភបើសិនជា កុមារដែលខ្វះអាហារូបត្ថម្ភធ្ងន់ធ្ងរវិញ យើងត្រូវយកគាត់មកព្យាបាល នៅមណ្ឌលសុខភាព។ មួយទៀតបើសិនជាគាត់ ខ្វះអាហារូបត្ថម្ភស្រួចស្រាល់ ឬ មធ្យម យើងនឹងអាចផ្ដល់ ជានំ ឲ្យគាត់បរិភោគ ដើម្បី ឲ្យគាត់អាចស្ដារសុខភាពគាត់ឡើងវិញ។

ការចុះអប់រំ និង ផ្សព្វផ្សាយពី ការធ្វើបបរខាប់គ្រប់គ្រឿង ទៅដល់ម៉ែៗ ឲ្យកូនៗ នៅភូមិស្រែឫស្សី ឃុំស្រែឫស្សី ស្រុកថាឡាបរិវ៉ាត់ ខេត្តស្ទឹងត្រែង ដែលជាសារអប់រំមួយ ពីការធ្វើបបរខាប់គ្រប់គ្រឿងដល់កុមារ អាយុ ពី ៦ខែ ដល់ ១២ខែដើម្បីឲ្យកុមារមានសុខភាពល្អ៕

ដោយ ៖ រុងរឿង