ព័ត៌មានជាតិ

អគារពាណិជ្ជកម្ម AP Plaza បើកដំណើរការសាកល្បង ជាមួយក្ដីរំពឹងខ្ពស់

បានផុស

២ years មុន

នៅ

ថ្ងៃពុធ ១១ មករា ២០២៣

ដោយ

គម្រោងអាគារពាណិជ្ជកម្ម AP Plaza ដែលវិនិយោគដល់អ្នកអភិវឌ្ឍន៍វិស័យអចលនទ្រព្យសិង្ហបុរី ស្ថិតនៅចំកណ្ដាលទីក្រុងភ្នំពេញ ពោលគឺស្ថិតលើមហាវិថីព្រះមុនីវង្ស (ខាងត្បូងវត្តកោះ) បានបើកដំណើរការសាកល្បងហើយ ដោយរំពឹងខ្ពស់ នឹងទទួលបានការគាំទ្រពីម្ចាស់អាជីវកម្មនានា ពិសេសសហគ្រិនវ័យក្មេងនៅកម្ពុជា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Anthony ONG អ្នកអភិវឌ្ឍន៍គម្រោងអាគារពាណិជ្ជកម្មនេះ បានថ្លែងក្នុងកម្មវិធី VVIP Preview and Networking Event នៅថ្ងៃទី១១ ខែមករា ឆ្នាំ២០២៣ នេះថា AP Plaza បង្កើតឡើងដើម្បីផ្ដល់ភាពងាយស្រួលក្នុងការបើកអាជីវកម្មផ្សេងៗ ជាមួយសេវាកម្មជាច្រើន រួមមានសណ្ឋាគារ ផ្សារទំនើប ធនាគារ អាហារដ្ឋាន គ្លីនិក មជ្ឈមណ្ឌលសិក្សា ការិយាល័យ និងសេវាកម្មផ្សេងៗទៀត ។

អាគារពាណិជ្ជកម្មនេះ ត្រូវបានបង្កើតឡើងដោយអ្នកអភិវឌ្ឍន៍សិង្ហបុរី ពោលគឺក្រុមហ៊ុន Spring CJW Development Pte Ltd និងក្រុមហ៊ុន Parkway Group ជាមួយនឹងគំនិតនៃការកសាងមជ្ឈមណ្ឌលពាណិជ្ជកម្មទំនើប និងរួមចំណែកដល់ការអភិវឌ្ឍន៍ទីក្រុង ពិសេសគឺការផ្ដល់វេទិកាសម្រាប់សហគ្រិនវ័យក្មេងកម្ពុជា ដើម្បីសម្រេចក្ដីសុបិនរបស់ខ្លួន ក្នុងការបើកអាជីវកម្មផ្សេងៗ ។

លោកឧកញ៉ា ឃាង ពុទ្ធី នាយកប្រតិបត្តិក្រុមហ៊ុន Khompound ដែលជាដៃគូសហប្រតិបត្តិការរបស់គម្រោង AP Plaza បានគូបញ្ជាក់ថា គម្រោងនេះ ប្រៀបបាននឹងទំនើបខ្នាតតូច ដែលកំពុងមានការពេញនិយមខ្លាំង ទាំងនៅកម្ពុជា និងក្នុងតំបន់ ។ ដូច្នេះលោករំពឹងថា គម្រោង AP Plaza នឹងរួមចំណែកយ៉ាងសំខាន់ ក្នុងការផ្ដល់ឱកាសដល់អ្នកប្រកបអាជីវកម្មផ្សេងៗ ក៏ដូចជាសេដ្ឋកិច្ចជាតិផងដែរ ៕