ព័ត៌មានជាតិ
លោក ម៉ប់ សារិន៖ ទោះឆ្លងកាត់វិបត្តិកូវីដ១៩ និងបញ្ហាសង្រ្គាមរុស្ស៊ី-អ៊ុយក្រែន ភ្នំពេញនៅតែបន្តកសាងសមិទ្ធផល ហេដ្ឋារចនាសម្ព័ន្ធរូបវ័ន្តឥតឈប់ឈរ
ភ្នំពេញ ៖ លោក ម៉ប់ សារិន ប្រធានក្រុមប្រឹក្សា រាជធានីភ្នំពេញបានមានប្រសាសន៍លើកឡើងថា ទោះឆ្លងកាត់វិបត្តិកូវីដ១៩ និងបញ្ហាសង្រ្គាមរុស្ស៊ី-អ៊ុយក្រែន ភ្នំពេញនៅតែបន្តកសាងសមិទ្ធផល ហេដ្ឋារចនាសម្ព័ន្ធរូបវ័ន្តឥតឈប់ឈរ។
ប្រធានក្រុមប្រឹក្សារាជធានីភ្នំពេញរូបនេះ បានថ្លែងនូវការកោតសរសើរ ចំពោះរដ្ឋបាលរាជធានីភ្នំពេញ ដែលបានបំពេញការងារបានយ៉ាងល្អក្នុងឆ្នាំ២០២២កន្លងមកនេះ មានទាំងការអភិវឌ្ឍន៍រាជធានី ទាំងកិច្ចការពារសន្តិសុខ សុវត្ថិភាព សណ្ដាប់ធ្នាប់សាធារណៈ ពិសេស គឺកិច្ចការពារ កិច្ចប្រជុំអាស៊ាន ដែលមានថ្នាក់ដឹកនាំកំពូលលំដាប់ពិភពលោកមកចូលរួម រហូតទទួលបានការគាំទ្រយ៉ាងពេញទំហឹងពីជាតិ និងអន្តរជាតិ ។
ការកោតសរសើរបែបនេះរបស់ក្រុមប្រឹក្សារាជធានីភ្នំពេញបានធ្វើឡើង ក្នុងកិច្ចប្រជុំសាមញ្ញលើកទី៤៤ របស់ក្រុមប្រឹក្សារាជធានីភ្នំពេញអាណត្តិទី៣ក្រោមអធិបតីភាពលោក ម៉ប់ សារិន ប្រធានកប្រឹក្សារាជធានីភ្នំពេញ និងលោក ឃួង ស្រេង អភិបាលនៃគណៈអភិបាលរាជធានីភ្នំពេញនៅព្រឹកថ្ងៃទី១២ មករាឆ្នាំ២០២៣នៅសាលារាជធានីភ្នំពេញ។
លោក ម៉ប់ សារិន ប្រធានក្រុមប្រឹក្សា រាជធានីភ្នំពេញបានមានប្រសាសន៍លើកឡើងថា រាជរដ្ឋាភិបាល រដ្ឋបាលរាជធានីភ្នំពេញ និងក្រុមការងារគ្រប់ជំនាញ ក្នុងឆ្នាំ ២០២២កន្លងមកនេះ បានខិតខំបំពេញភារកិច្ចយ៉ាងសកម្មដោយទទួលបាននូវលទ្ធផល និងស្នាដៃគួរ ជាទីមោទនៈ ជាក់ស្ដែងធ្វើឱ្យបានសម្រេចនូវស្នាដៃធំៗជាច្រើនដូចជា ការកែលម្អសោភ័ណភាព រាជធានីភ្នំពេញ ការសហការរៀបចំថែរក្សា ការពារ សន្តិសុខ សុវត្ថិភាព សណ្ដាប់ធ្នាប់សាធារណៈ ដូចជាការធានាការពារ រាល់ពិធីបុណ្យជាតិ និងព្រឹត្តិការណ៍អន្តរជាតិធំៗ ពិសេសកិច្ចប្រជុំអាស៊ាន ដែលមានថ្នាក់ដឹកនាំកំពូលលំដាប់ពិភពលោកមកចូលរួម និងទទួលបានការគាំទ្រពីជាតិ និងអន្តរជាតិ ជាពិសេសនៅពេលកិច្ចប្រជុំអាស៊ានលើកទី៤០ លើកទី៤១ កិច្ចប្រជុំវេទិកាអភិបាលក្រុង ASEAN ឆ្នាំ២០២២ កិច្ចប្រជុំអភិបាលរាជធានី-រដ្ឋធានីអាស៊ាន និងព្រឹត្តិការណ៍«បើកបិទ»ការប្រកួតកីឡា ជាតិបានល្អប្រសើរ។ល។
លោកម៉ប់ សារិនបន្តថា បើទោះបីនៅមានសេសសល់ជំងឺរាតត្បាតកូវីដ-១៩ និងផលវិបាកលេច ចេញពីសង្គ្រាមរុស្ស៊ី-អ៊ុយក្រែន តែការកសាងសមិទ្ធផល ហេដ្ឋារចនាសម្ព័ន្ធរូបវ័ន្តនៅបន្តអនុវត្ត គួរឱ្យកត់សម្គាល់ ដែលធ្វើឱ្យរាជធានីភ្នំពេញកាន់តែស្រស់បំព្រងមិនចាញ់ទីក្រុងនៃបណ្តាប្រទេស ជឿនលឿនឡើយ ពិសេសក្រោយពីបើកដំណើរការសង្គមសេដ្ឋកិច្ចឡើងវិញ សកម្មភាពគ្រប់វិស័យ បានផ្ដើមរស់រវើក ក្នុងនោះគួរកត់សម្គាល់ទេសចរណ៍ក្នុងស្រុកមានចលនាខ្លាំង ។ ចំពោះការងារបរិស្ថាន អនាម័យ និងការគ្រប់គ្រងសំណល់វិញ រដ្ឋបាលរាជធានីភ្នំពេញ បានជំរុញអោយរដ្ឋាករស្វ័យតគ្រប់គ្រងសំណល់រឹងសំរាមរាជធានីភ្នំពេញ ប្រមូល និងដឹកជញ្ជូនសំរាមបានស្អាតល្អ គិតជាមធ្យមបានប្រមាណ ៣៥៧៨,៣៧តោនក្នុងមួយថ្ងៃ៕
ដោយ ៖ ស្រីរ័ត្ន
ស្នងការខេត្តបន្ទាយមានជ័យ ៖ បុណ្យចូលឆ្នាំថ្មីខាងមុននេះ ហាមច្រកទឹកក្នុងថង់ គប់ដាក់គ្នា
Update! សង្ស័យផ្ដើមពីផ្ទុះធុងហ្គាស ទើបឆេះឃ្លាំងរោងចក្រ៣ រាលដាលដល់ផ្ទះពលរដ្ឋ០៤ខ្នង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១១ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១០ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់