ព័ត៌មានជាតិ

ដើមថ្នាំជក់ ក្លាយជាទម្លាប់ ដែលអ្នកស្រុកក្រូចឆ្មារដាំជាប្រចាំ

បានផុស

៤ years មុន

នៅ

ថ្ងៃអាទិត្យ ១០ មករា ២០២១

ដោយ

ដើមថ្នាំជក់ ភាគច្រើនដែលកសិករយើងតែងដាំដុះ នៅតាមដងទន្លេមេគង្គអាស្រ័យ ដោយសារដីល្បាប់សម្បូរទៅដោយជីជាតិ និងសម្បូរទឹកផង ក៏ដោយសារតែប្រភេទដំណាំនេះ តម្រូវការទឹកប្រើប្រាស់ច្រើន ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្អូនស្រី ណារី ដែលឪពុកតែងដាំដើមថ្នាំជក់នេះ ជារៀងរាល់ឆ្នាំមិនដែលខកខានឡើយមិនថាតែគ្រួសារប្អូននោះឡើយ ក្នុងតំបន់នោះតែងតែដាំថ្នាំជក់ជាប្រចាំ។ ណារី បន្តថាដំណាំថ្នាំជក់ត្រូវការជ្រើសរើសដី និងតម្រូវការទឹកច្រើន។ ដោយការដាំដើមថ្នាំ ត្រូវការសាបព្រោះពូជជាមុនក្នុងរយៈពេល១ខែទៅដាំនៅពេលមានកម្ពស់១តឹក ដោយប្រើរយៈពេល២ខែបន្តទៀតទើបអាចកាត់ស្លឹកប្រមូលផល។ ចំណែកការដាំដើមថ្នាំជក់គេរាប់គិតជាចំនួនកូនដោយកសិករយើងខ្លះអាចដាំបានពីចំនួន៣ម៉ឺនទៅ៥ម៉ឺនកូន ហើយបានក្លាយជាទម្លាប់យូរឆ្នាំមកហើយ។

របៀបប្រមូលផលថ្នាំជក់ គឺត្រូវកាត់ស្លឹកថ្នាំយកមកចំហុយទៀតដោយប្រើការឆ្អើររយៈពេល៥ថ្ងៃបន្តទៀត។ ប្អូនស្រី ណារីបន្តទៀតថា រដូវដាំថ្នាំជក់ គឺចាប់ផ្តើមបីខែកញ្ញា រហូតដល់ពេលប្រមូលផលចុងខែកុម្ភៈ។ ដោយឡែកតម្លៃលក់ចេញថ្នាំជក់ក្រោយពីចំហុយស្លឹកថ្នាំហើយអាចលក់បានក្នុង១គីឡូក្រាមចាប់ពី៦ពាន់ទៅ៧ពាន់រៀលមិនសូវជាចំណេញទេ ដោយសារការចំណាយទុនច្រើនក៏ប៉ុន្តែហេតុតែជាទម្លាប់ក៏ចេះតែដាំទៅ ហើយបើមិនដាំនោះទេអាចបាត់បង់នូវមុខរបរនេះទាំងស្រុង៕

អត្ថបទ៖ កញ្ញា វ៉ាត