ព័ត៌មានជាតិ
ក្រុមការងារអន្តរក្រសួង បើកកិច្ចពិគ្រោះយោបល់ សម្រាប់ទិញវ៉ាក់សាំងបង្ការជំងឺកូវីដ ឲ្យបានលឿន
លោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ ក្រសួងសេដ្ឋកិច្ចនិងហិរញ្ញបានមានប្រសាសន៍ឲ្យដឹងថា ជំងឺកូវីដ-១៩ មានភាពពាក់ព័ន្ធយ៉ាងជិតស្និទ្ធ ទៅនឹងសេដ្ឋកិច្ច ពោលគឺប្រសិនបើមិនបានគ្រប់គ្រងស្ថានភាពនៃជំងឺនេះ បានល្អនោះទេ នឹងធ្វើឲ្យមានការប៉ះពាល់ដល់សេដ្ឋកិច្ចខ្លាំង។
លោកបានបន្តថា ក្រោមការដឹកនាំដ៏ប៉ិនប្រសព្វ វ័យឆ្លាត និងម៉ឺងម៉ាត់របស់ សម្តេចតេជោ ហ៊ុន សែន ដែលជាប្រមុខនៃរាជរដ្ឋាភិបាល ធ្វើឲ្យកម្ពុជាយើងមានសមត្ថភាព និងលទ្ធភាពអាចគ្រប់គ្រងសភាពការណ៍វិបត្តិនៃជំងឺកូវីដ-១៩ បានល្អប្រសើរ ទោះបីកម្ពុជាជាប្រទេសតូច ហើយធនធានមានកម្រិតក្តី។ ទន្ទឹមនឹងនេះ សេដ្ឋកិច្ចកម្ពុជា នៅតែមានភាពរឹងមាំ ទោះបីកំណើនមានសន្ទុះថមថយខ្លះក្តី។ ហើយរាជរដ្ឋាភិបាលកំពុងតែគិត គូររៀបចំយុទ្ធសាស្ត្រស្តារសេដ្ឋកិច្ចឡើងវិញ ដើម្បីធ្វើឲ្យសេដ្ឋកិច្ចកម្ពុជាអាចងើបឡើងវិញ បានឆាប់រហ័ស និងឲ្យកាន់តែខ្ពស់ជាងមុនពេលមានវិបត្តិជំងឺកូវីដ-១៩។ លោកបានឲ្យដឹងបែបនេះ នៅក្នុងកិច្ចប្រជុំលើកទី១នៃក្រុមការងារអន្តរក្រសួងទទួលបន្ទុកការចរចា និងការពិគ្រោះយោបល់ទិញវ៉ាក់សាំងបង្ការជំងឺកូវីដ-១៩ កាលពីចុងសប្តាហ៍នេះ ដោយមានការអញ្ជើញចូលរួមពីសំណាក់អស់លោក លោកស្រី តំណាងក្រសួងស្ថាប័នពាក់ព័ន្ធ ដែលជាសមាជិកសមាជិកាក្រុមការងារ។ លោករដ្ឋមន្ត្រីប្រតិភូ បន្តមានប្រសាសន៍ថា ទោះពីការអភិវឌ្ឍន៍វ៉ាក់សាំងមកទល់នឹងពេលនេះ កាន់តែរីក ចម្រើនទៅមុខ ហើយមានប្រទេសខ្លះបានចាប់ផ្តើមការចាក់វ៉ាក់សាំងជាបណ្តើរៗក្តី តែចំណោទអំពីប្រសិទ្ធភាពនៃវ៉ាក់សាំងទាំងនោះ នៅតែមិនទាន់មានភាពច្បាស់លាស់ទាំងស្រុងនៅឡើយ ព្រោះពិភពលោកនៅមិនទាន់អាចផ្តើមការចាក់វ៉ាក់សាំងជាទូទៅ ( general vaccine roll out) នៅឡើយទេ ហើយអង្គការសុខភាពពិភពលោក (WHO) ទើបតែផ្តល់ការអនុញ្ញាតឲ្យប្រើប្រាស់វ៉ាក់សាំង Pfizer/BioNTech សម្រាប់តែករណីបន្ទាន់ (emergency use) ប៉ុណ្ណោះ។ តែទោះបីយ៉ាងណាក៏ដោយ លោកបានបន្តថា ពិតណាស់ថា ទោះបីវ៉ាក់សាំងមិនមែនជាដំណោះស្រាយមាសតែមួយគត់ សម្រាប់លុបបំបាត់ជំងឺកូវីដ-១៩ ក្តីតែវត្តមាននៃវ៉ាក់សាំង ក៏មានភាពចាំបាច់ណាស់ សម្រាប់ការយកឈ្នះលើជំងឺកូវីដ-១៩ ទាំងស្រុងដែរ។
អង្គប្រជុំអន្តរក្រសួង បានធ្វើបានពិភាក្សា និងពិគ្រោះយោបល់អំពីយុទ្ធសាស្ត្រ និងផែនការធ្វើលទ្ធកម្មទិញវ៉ាក់សាំងបង្ការជំងឺកូវីដ-១៩ ដើម្បីផ្តល់ជូនប្រជាជនកម្ពុជាឲ្យបានលឿន និងឆាប់រហ័ស សមល្មមនឹងតម្រូវការកម្ពុជា ដោយធានាបាននូវសុវត្ថិភាព, គុណភាព និងប្រសិទ្ធភាព ព្រមទាំងឲ្យមានភាពឆ្លើយឆ្លងគ្នាទៅនឹងផែនការចាក់វ៉ាក់សាំងផងដែរ ព្រោះវ៉ាក់សាំងដែលទិញមកហើយ មិនអាចទុកយូរពេកបាននោះទេ។ អង្គប្រជុំក៏បានពិភាក្សាផងដែរ ពាក់ព័ន្ធនឹងការកំណត់ គោលការណ៍ទិញ និងបែងចែក ព្រមទាំងបរិមាណវ៉ាក់សាំង ទាំងសម្រាប់ការប្រើប្រាស់ក្នុងករណីបន្ទាន់ (emergency use) និង ទាំងសម្រាប់ការប្រើប្រាស់ជាទូទៅ (general vaccine roll out)។
គួរបញ្ជាក់បន្ថែមថា គិតមកទល់នឹងពេលនេះ ចំនួនអ្នកឆ្លងរហូតដល់ជាង ៨៨លាននាក់ និងអ្នកស្លាប់ដោយសារជំងឺនេះដល់ជាង ១,៩ លាននាក់ហើយ ហើយរលកថ្មីនៃការរីករាលដាលនៃជំងឺនេះ បាន និងកំពុងបង្កើតឲ្យមានក្តី បារម្ភថែមទៀត ពិសេសការរំពឹងទុកអំពីការស្រាកស្រាន្តនៃជំងឺកូវីដ-១៩ ដែលអាចនឹងធ្វើឲ្យសេដ្ឋកិច្ចពិភពលោកអាចងើបខ្ពស់ឡើងវិញ៕
អត្ថបទ៖ វត្តី
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ស្ថាបនិក World Rice Conference គាំទ្រកម្ពុជានៅក្នុងការធ្វើជាម្ចាស់ផ្ទះរៀបចំសន្និសីទស្រូវអង្ករពិភពលោក សម្រាប់ឆ្នាំ២០២៥
រដ្ឋមន្ត្រី នេត្រ ភក្ត្រា៖ រហូតមកដល់ពេលនេះ និងតទៅអនាគត គ្មានគណបក្សណាមួយមកអាចជំនួសបក្សប្រជាជនកម្ពុជាក្នុងការដឹកនាំរាជរដ្ឋាភិបាលបានឡើយ
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
រដ្ឋមន្ត្រី៖ កិច្ចសហប្រតិបត្តិរវាងអាមេរិក-កម្ពុជា សម្រេចផ្លែផ្កាលើការអភិវឌ្ឍវិស័យសុខាភិបាល ពិសេសលើកកម្ពស់សុខុមាលភាពប្រជាជនកម្ពុជា
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ត្រាំ បន្ទោស បៃដិន ខ្លាំងៗថា បើអាមេរិក មិនចេញមុខធានាឲ្យអ៊ុយក្រែនចូលណាតូ សង្គ្រាមរុស្ស៊ីក៏មិនផ្ទុះឡើងដែរ
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
Los Angeles កើតភ្លើងឆេះព្រៃច្រើនឡើងៗ បន្ថែមទៀត ឈានដល់កម្រិតគ្រោះថ្នាក់ធ្ងន់ធ្ងរបំផុត ពិបាកគ្រប់គ្រង
-
ព័ត៌មានជាតិ៧ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៩ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៧ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៧ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៧ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៧ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»