ព័ត៌មានជាតិ
គិតត្រឹមថ្ងៃទី៧មករា ខេត្តជាប់ព្រំដែន ទទួលពលករខ្មែរមកពីថៃ ជាង១ម៉ឺន២ពាន់នាក់
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានឲ្យដឹងថា ចាប់ពីថ្ងៃទី២០ ខែធ្នូ ឆ្នាំ២០២០ រហូតមកដល់ថ្ងៃទី៧ ខែមករា ឆ្នាំ២០២១ ខេត្តជាប់ព្រំដែនទទួលបានពលករខ្មែរមកពីថៃ ចំនួន១២០៨៨នាក់។
បើតាមក្រសួងសុខាភិបាលបានឲ្យដឹងថា គិតត្រឹមម៉ោង៧ថ្ងៃទី១០ ខែមករា ឆ្នាំ២០២១នេះ កម្ពុជារកឃើញអ្នកឆ្លងកូវីដ១៩ ចំនួន ៣៩១នាក់ ក្នុងនោះព្យាបាលជាសះស្បើយចំនួន ៣៧១នាក់ និងអ្នកជំងឺ២០នាក់ កំពុងសម្រាកព្យាបាលនៅមន្ទីរពេទ្យ។ ក្នុងចំណោមអ្នកជំងឺសរុបចំនួន៣៩១នាក់នោះ មានពលករថៃចំនួន២៦នាក់ នៅខេត្តបាត់ដំបង៦នាក់ ព្យាបាលជាសះស្បើយ២នាក់ខេត្តប៉ៃលិន១៣នាក់ជាសះស្បើយ៦នាក់ និងខេត្តបន្ទាយមានជ័យ៧នាក់។ យ៉ាងណាក៏ដោយ លោកស្រីបានបន្តថា កម្ពុជាបានគ្រប់គ្រងពលករខ្មែរមកពីថៃបានល្អប្រសើរ បើទោះបីជាមានពលករខ្មែរមួយចំនួនតូច គេចវេះមិនព្រមធ្វើចត្តាឡីស័កក៏ដោយ តែអាជ្ញាធរបានរកឃើញវិញបានទាន់ពេលវេលាយកមកដាក់ក្នុងមណ្ឌលឲ្យធ្វើចត្តាឡីស័ក។
លោកជំទាវ បានលើកឡើងថា ការធ្វើចត្តាឡីស័កនេះ គឺជាភារកិច្ចដ៏ចាំបំផុត ក្នុងការបង្ការនិងទប់ស្កាត់ការឆ្លងជំងឺកូវីដ១៩ព្រោះថា បើពលករមានឆ្លងជំងឺនេះហើយ រត់គេចវេះនោះវាមិនត្រឹមតែចម្លងទៅក្រុមគ្រួសារសាច់ញាតិប៉ុណ្ណោះទេ ថែមទាំងចម្លងទៅសហគមន៍ទៀតផង។ លោកជំទាវ បានលើកឡើងពីច្បាប់មកពន្យល់ថា យោងតាមអនុក្រឹត្យចុះថ្ងៃទី១៧ ខែកញ្ញា ឆ្នាំ២០១៥ ស្តីពីវិធានការសុខាភិបាល ក្នុងការទប់ស្កាត់ការឆ្លងជាលក្ខណៈអន្តរជាតិតាមច្រកចេញចូលត្រង់ជំពូកទី៥មាត្រា ទី៨ ស្តីពីការដាក់ទោសទណ្ឌបានឲ្យដឹងថា អ្នកដំណើរឬជនណាដែលមិនសហការឬរត់គេចវេះជាមួយមន្ត្រីចត្តាឡីស័ក ត្រូវពិន័យជាប្រាក់ពី២សែនរៀលទៅ១លានរៀល។ លើសពីនេះ ជនណាក្លែងបន្លំឯកសារពាក់ព័ន្ធសុខភាព ក្នុងគោលបំណងគេចវេះធ្វើចត្តាឡីស័ក ត្រូវមានទោសព្រហ្មទណ្ឌ ដោយមន្ត្រីចត្តាឡីស័កសហការជាមួយអាជ្ញាធរមូលដ្ឋានចេញចូលក្នុងប្រទេសកម្ពុជា។
លោកជំទាវ បានបន្ថែមទៀតថា ពលករខ្មែរមកពីប្រទេសថៃ មានហានិភ័យខ្ពស់ក្នុងការឆ្លងជំងឺកូវីដ១៩ ខណៈប្រទេសថៃ មានការផ្ទុះរីករាលដាលជំងឺនេះ ព្រោះពេលដែលបងប្អូនធ្វើដំណើរត្រឡប់មកពីប្រទេសថៃ គឺត្រូវការធ្វើដំណើរតាមសេវាសាធារណៈយូរហើយយើងមិនដឹងថា នៅតាមផ្លូវបងប្អូនត្រូវប៉ះពាល់ឬជួបជាមួយអ្នកណានោះទេព្រោះថា ជំងឺកូវីដ១៩នេះ អាចចម្លងបានគ្រប់ពេលវេលាទីកន្លែងនិងគ្រប់កាលៈទេសៈ។ លោកជំទាវ បានអំពាវនាវដល់បងប្អូនពលករខ្មែរ ដែលកំពុងធ្វើការនិងស្នាក់នៅប្រទេសថៃ សូមកុំចល័តពីកន្លែងមួយទៅកន្លែងមួយបើបើមិនមានការចាំបាច់ទេកុំចេញពីកន្លែងស្នាក់នៅនិងកុំទាន់វិលត្រឡប់មកស្រុកវិញនាកាលៈទេសៈនេះ៕
អត្ថបទ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ