ព័ត៌មានជាតិ
ឱកាសការងារប្រមាណ២ម៉ឺនកន្លែង ត្រៀមសម្រាប់ពលករខ្មែរ ដែលត្រឡប់មកពីប្រទេសថៃ
ដើម្បីជួយដោះស្រាយបញ្ហាការងារដល់ពលករខ្មែរ ដែលបានធ្វើដំណើរត្រឡប់ពីប្រទេសថៃចូលមកក្នុងវិញ ប្រមុខរាជ រដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន បានដាក់ចេញនូវវិធានការគាំទ្រ តាមរយៈទីភា្នក់ងារជាតិមុខរបរ និងការងារ (NEA) នៃក្រសួង ការងារ និងបណ្តុះបណ្តាលវិជ្ជាជីវៈ ក្នុងការបង្កលក្ខណៈឲ្យបងប្អូនពលករយើង បានចុះឈ្មោះ ទទួលព័ត៌មាន ស្វែងរកឱកាសការងារនៅក្នុងស្រុកកាន់តែងាយស្រួល បានជួបជុំក្រុមគ្រួសារ និងចៀសវាងធ្វើចំណាកស្រុកទៅកាន់ប្រទេសថៃវិញ។
ដោយយោងតាមវិធានការនេះ ទីភ្នាក់ងារជាតិមុខរបរ និងការងារ បានបង្កើតក្រុមការងារមួយ ដែលមានភារកិច្ច ចុះ ឈ្មោះ តាមដាន និងឃ្លាំមើលជាប្រចាំពីស្ថានភាពដំណើរវិលត្រឡប់របស់បងប្អូនពលករមកពីប្រទេសថៃចូលស្រុក កំណើតតាមច្រកព្រំដែនសំខាន់ៗ ដើម្បីក្តាប់ព័ត៌មាន ផ្តល់ការគាំទ្រ និងជួយចុះឈ្មោះស្វែងរកការងារធ្វើក្នុងស្រុក បន្ទាប់ពីធ្វើចត្តាឡីស័កក្នុងរយៈពេល១៤ ថ្ងៃ ដោយសុវត្ថិភាព។
ទាក់ទងបញ្ហានេះ លោក ហៃ ហ៊ុនឡេង ប្រធានទីភ្នាក់ងារជាតិមុខរបរ និងការងារ បានអះអាងថា ទីភ្នាក់ងារNEA បានដាក់ ចេញនូវយន្តការគាំទ្រ និងត្រៀមផ្តល់ឱកាសការងារប្រមាណ២ ម៉ឺនកន្លែងជាបឋមសម្រាប់ពលករខ្មែរ ក្រោយពីបញ្ចប់ការធ្វើចត្តាឡីស័ក ទៅតាមវិធានអនាម័យ សុខភាព និងការបង្ការសុវត្ថិភាពរបស់ក្រសួងសុខាភិបាល។ ការងារដែលបានត្រៀមសម្រាប់ពលករខ្មែរមានគ្រប់ប្រភេទ នៅក្នុងវិស័យឧស្សាហកម្ម និងកម្មន្តសាល សេវាកម្ម សំណង់ និងកសិកម្ម។
បើតាមលោក ហៃ ហ៊ុនឡេង ក្រុមការងារ NEA ត្រូវចុះសហ ការសម្របសម្រួល ព្រមទាំងបង្កើតជនបង្គោលទំនាក់ទំនងជាមួយអាជ្ញាធររាជធានី ខេត្ត ស្រុក ខណ្ឌ ឃុំ សង្កាត់ ភូមិ ដើម្បីប្រមូលទិន្នន័យបងប្អូនពលករដែលបានវិលត្រឡប់មកពីប្រទេសថៃ ដោយធ្វើបច្ចុប្បន្នភាព និងចងក្រងជាមូលដ្ឋានទិន្នន័យ ដើម្បីងាយស្រួលក្នុងការស្វែងរកព័ត៌មានពីការងារ ព្រមទាំងសំដៅឆ្លើយ តបឲ្យបានទាន់ពេលវេលាក្នុងការផ្តល់សេវាការងារ និងជួយស្វែងរកការងារធ្វើគ្រប់ប្រភេទ ជូនដល់បងប្អូនពលករទាំងអស់ដែលចង់បានការងារពិតប្រាកដ។ បន្ថែមលើនេះ ក្រុមការងារនេះ ក៏ត្រូវចុះធ្វើការផ្សព្វផ្សាយអំពីសេវាការងារ និងព័ត៌មានទីផ្សារការងារ ឲ្យបានជ្រួតជ្រាបទូលំទូលាយដល់បងប្អូនពលករតាមមណ្ឌលចត្តាឡីស័កនីមួយៗ ដោយធ្វើការចងក្រង ប្រមូល ជ្រើសរើសកម្លាំងពលកម្ម និងតម្រូវការកម្លាំងពលកម្មពីគ្រប់ប្រភេទ និងផ្សព្វផ្សាយឲ្យបានទូលំទូលាយ ព្រមទាំងផ្តល់ការគាំទ្រ សម្របសម្រួលដល់រោងចក្រ សហគ្រាស និងវិនិយោគិន ដើម្បីងាយស្រួលផ្គូផ្គង និងផ្តល់ឱកាសការងារជូនដល់បងប្អូនពលករដោយផ្ទាល់ទាន់ពេលវេលាផងដែរ។
លោក ហៃ ហ៊ុនឡេង អះអាងថា ក្នុងករណីបងប្អូនពលករ ខកខានមិនទទួលបានព័ត៌មានអំពីឱកាសការងារ ដែលក្រុមការងារ NEA បានចុះទៅផ្សព្វ ផ្សាយ ដល់ទីតាំងមណ្ឌលចត្តាឡីស័កនោះ បងប្អូនអាចធ្វើការទំនាក់ទំនងដោយផ្ទាល់ ក៏បានតាមរយៈលេខទូរស័ព្ទ របស់មជ្ឈមណ្ឌលការងារទាំង១៣ កន្លែង ដែលមាននៅតាមបណ្តារាជធានី-ខេត្តមួយចំនួនរួមមាន៖
– មជ្ឈមណ្ឌលការងារខេត្តបន្ទាយមានជ័យ៖ ទូរសព្ទ ០១៦ ៣២ ៦៦ ៥៥។
– មជ្ឈមណ្ឌលការងារខេត្តបាត់ដំបង៖ លេខទូរសព្ទ ០១៦ ៩២ ៦៦ ៥៥/ ០៥៣ ៧៣ ៣១ ១១។
– មជ្ឈមណ្ឌលការងារខេត្តសៀមរាប៖ លេខទូរសព្ទ ០១៦ ៥៣ ៦៦ ៥៥/ ០៦៣ ២១០ ២៧៧។
– មជ្ឈមណ្ឌលការងារខេត្តព្រះសីហនុ៖ លេខទូរសព្ទ ០៨១ ៨៥ ៦៦ ៥៥។
– មជ្ឈមណ្ឌលការងាររាជធានីភ្នំពេញ៖ លេខទូរសព្ទ ០៧៧ ២៣ ២៣ ៧៨/ ០១៦ ៧៨ ៦៦ ៥៥/០២៣ ៦៣៣ ៦០០២។
– មជ្ឈមណ្ឌលការងារខេត្តកំពង់ធំ៖ លេខទូរសព្ទ ០១៦ ៨៣ ៦៦ ៥៥/ ០៦២ ២១ ០២ ៧៧។
– មជ្ឈមណ្ឌលការងារខេត្តព្រៃវែង៖ លេខទូរសព្ទ ០៨១ ៧៨ ៦៦ ៥៥/ ០៤៣ ២១០ ២៧៧។
– មជ្ឈមណ្ឌលការងារខេត្តតាកែវ៖ លេខទូរសព្ទ ០១៦ ៦៧ ៦៦ ៥៥/ ០៣២ ២១០ ២៧៧។
– មជ្ឈមណ្ឌលការងារខេត្តកំពត៖ លេខទូរសព្ទ ០១៦ ៥០ ៦៦ ៥៥/ ០៣៣ ២១០ ២៧៧។
– មជ្ឈមណ្ឌលការងារខេត្តពោធិ៍សាត់៖ លេខទូរសព្ទ ០១០ ៧០ ៦៦ ៥៥/ ០៥២ ៧៤០ ២៧៧។
– មជ្ឈមណ្ឌលការងារខេត្តស្វាយរៀង៖ លេខទូរសព្ទ ០១៦ ៦៤ ៦៦ ៥៥/ ០៤៤ ៧១៥ ២៧៧។
– មជ្ឈមណ្ឌលការងារខេត្តកំពង់ចាម៖ លេខទូរសព្ទ ០១៦ ៨៥ ៦៦ ៥៥/ ០៤២ ២១០ ២៧៧។
– មជ្ឈមណ្ឌលការងារខេត្តស្ទឹងត្រែង៖ លេខទូរសព្ទ ០១០ ៧៤ ៦៦ ៥៥/ ០៧៤ ២១២ ២៧៧ ឬទំនាក់ទំនងមកកាន់ទីភ្នាក់ងារជាតិមុខរបរ និងការងារ តាមរយៈលេខទូរស័ព្ទ៖០៧៧ ២៣ ២៣ ៧៨/០១៦ ៧៨ ៦៦ ៥៥៕
អត្ថបទ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ