ព័ត៌មានជាតិ
អ្នកជំនាញ២រូប បង្ហាញពីហេតុផលដែលនាំឱ្យយុវជនផលិតវីដេអូប៉ះពាល់ដល់សង្គម
អ្នកជំនាញ២រូប បានលើកឡើងពីហេតុផលផ្សេងៗគ្នា ដែលបណ្តាលឱ្យយុវជនកម្ពុជាមួយចំនួនតែងតែផលិតវីដេអូ ដែលធ្វើឱ្យប៉ះពាល់ដល់កិត្តិយសសង្គម ធ្វើឱ្យប្រជាជនភាគច្រើនយកតាមគម្រូមិនល្អនោះ។
![](https://www.kampucheathmey.com/wp-content/uploads/2023/01/image-897.png)
លោកបណ្ឌិត ឈត ប៊ុនថង អ្នកជំនាញផ្នែកទស្សនវិជ្ជា និងសីលធម៌សង្គម នៃរាជបណ្ឌិត្យសភាកម្ពុជា បានលើកឡើងថា សង្គមខ្មែរមួយរយៈចុងក្រោយនេះ ហាក់សម្បូរទៅដោយអ្នកបង្កើតវីដេអូអប់រំផ្សេងៗ។ ក្នុងចំណោមនោះ ក៏មានវីដេអូអប់រំមួយចំនួនត្រូវទៅនឹងបរិបទសង្គម និងអប់រំប្រាកដមែន។ ឯវីដេអូ មួយចំនួនតូចផលិតឡើងប្រាសចាកពីក្រមសីលធមី និងសុជីវធម៌សង្គម មិនបានជួយអប់រំសង្គមអ្វីឡើយ គឺពួកគេផលិត ដើម្បីតែចង់បានការ Like និង Share ប៉ុណ្ណោះ។
![](https://www.kampucheathmey.com/wp-content/uploads/2023/01/image-894-1024x682.png)
អ្នកជំនាញផ្នែកសីលធម៌សង្គមរូបនេះ មានប្រសាសន៍ថា៖ “ក្រៅពីវីដេអូអប់រំ យើងឃើញមានវីដេអូមិនល្អមួយចំនួន ទាក់ទងនឹងភាពស៊ិចស៊ីហួសហេតុ, អាសអាភាស, បង្ហាញពីការស៊ីផឹក ឬ ជក់បារី និងការកាបចាក់គ្នា”។ លោកបណ្ឌិតក៏បានលើកឡើងនូវហេតុផល ៣ចំណុចដែលនាំឱ្យអ្នកផលិតវីដេអូមួយចំនួន បង្កើតមាតិកាទាំងនោះឡើងមក។
![](https://www.kampucheathmey.com/wp-content/uploads/2023/01/image-895-1024x572.png)
ហេតុផលទី១ គឺអ្នកផលិតវីដេអូ បង្កើតឡើងដោយមិនបានដឹងថារឿងដែលបានបង្កើតនោះ ប៉ះពាល់ដល់សង្គមបែបណាឡើយ។ ពោលគឺ ពួកគេបានខ្វល់ពីចំណុច ល្អ ឬ មិនល្អអ្វីឡើយ គឺចេះតែធ្វើតាមចិត្តប៉ុណ្ណោះ។ ទី២គឺ អ្នកបង្កើតវីដេអូ ធ្វើឡើងដើម្បីតែចង់បាន Like និង Share ច្រើនៗប៉ុណ្ណោះ។ ទី៣ អ្នកធ្វើវីដេអូ មិនយល់ និងមិនដឹងពីវិធីដែលផលិតវីដេអូត្រូវតាមស្តង់ដារឡើយ គឺពួកគេបង្កើតឡើងដើម្បីតម្រូវតាមខ្លួនឯងប៉ុណ្ណោះ។
ចំណែក អ្នកជំនាញ១រូបទៀត គឺអ្នកឧកញ៉ា គួច ម៉េងលី ស្ថាបនិកក្រុមហ៊ុន ម៉េងលី ជេ. គួច អេឌ្យូខេសិន បានអះអាងថា កត្តាដែលបណ្តាលឱ្យមានការបង្កើតវីដេអូបែបនេះឡើងមក គឺមកពីកត្តាសង្គម វិស័យអប់រំ និងការគ្រប់គ្រងជាដើម។ អ្នកឧកញ៉ាលើកឡើងថា បច្ចុប្បន្ន សម្បូរដោយគ្រួសារបែកបាក់ នាំឱ្យកូនៗមិនទទួលបានការអប់រំ និងដំបូន្មានពីអាណាព្យាបាល។ រីឯ សង្គមក៏មិនសូវមានការឱបក្រសោប វិស័យអប់រំក៏នៅមិនទាន់មានភាពទូលំទូលាយនៅឡើយចំពោះពលរដ្ឋខ្មែរ។
![](https://www.kampucheathmey.com/wp-content/uploads/2023/01/image-893.png)
អ្នកឧកញ៉ា គួច ម៉េងលី ថ្លែងថា៖ “ប្រទេសកំពុងអភិវឌ្ឍត្រូវការតម្រង់ទិសខ្លាំងណាស់ បើមិនអីចឹងទេ វាទៅជាអ្វីមួយដែលខុសប្លែក។ រាល់ថ្ងៃប្រជាជនខ្មែរកំពុងដើរខុសប្លែក ដោយសារវិស័យឱបក្រសោមនៅមិនទាន់មាន”។
លោកបានបន្ថែមថា មិនត្រឹមតែយុវជនប៉ុណ្ណោះទេដែលមានបញ្ហា សូម្បីតែអ្នកតាំងខ្លួនជាអ្នកអប់រំ និងមានឥទ្ធិពលក្នុងបណ្តាញសង្គម ក៏នៅមានកំហុសឆ្គងច្រើនចំពោះវីដេអូ ដែលពួកគេបានបង្កើតមកក្នុងន័យអប់រំ។ ទាំងនេះ ក៏ព្រោះតែកត្តាអប់រំពួកគេនៅទាប មិនទាន់មានភាពស៊ីជម្រៅ ទើបធ្វើឱ្យពួកគេមិនចេះពីពិធីសាស្ត្រធ្វើបែបណាទើបក្លាយជាវីដេអូអប់រំមួយដែលចំគោលដៅ៕
ដោយ៖ អុន ស្រីមាន
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៧ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត