បញ្ចុះខណ្ឌសីមា និងឆ្លងសមិទ្ធិផលវត្តឧត្តមមានជ័យ

នៅព្រឹកថ្ងៃច័ន្ទ ទី១៦ ខែមករា ឆ្នាំ២០២៣នេះ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ប្រធានក្រុមការងាររាជរដ្ឋាភិបាល ចុះមូលដ្ឋានស្រុកស្វាយអន្ទរ និងស្រុកកញ្ជ្រៀច បានចាត់ឯកឧត្តម ប៉ុល រតនា ប្រធានក្រុមការងាររាជរដ្ឋាភិបាល ចុះមូលដ្ឋានឃុំចុងអំពិល ស្រុកកញ្ជ្រៀច ជាតំណាងដ៏ខ្ពង់ខ្ពស់ក្នុងពិធី បុណ្យបញ្ចុះខណ្ឌសីមា និងឆ្លងសមិទ្ធផលនានា នៅវត្តឧត្តមមានជ័យ ឃុំចុងអំពិល ស្រុកកញ្ជ្រៀច ខេត្តព្រៃវែង។

បន្ទាប់មក ឯកឧត្តម ប៉ុល រតនា ក៏បានអញ្ជើញចុះពិនិត្យទីតាំងសាលាបឋមសិក្សាឧត្តមមានជ័យ សម្រាប់សាងសង់អគារសិក្សាចំនួន ១ខ្នង ស្មើនឹង ៤បន្ទប់ (បណ្ណាល័យ ១បន្ទប់), បន្ទប់ទឹកអនាម័យ ១ខ្នង ស្មើនឹង ៣បន្ទប់ និងក្លោងទ្វា ដែលជាអំណោយដ៏ថ្លៃថ្លារបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ៕

អត្ថបទ៖ មករា