Connect with us

ព័ត៌មានជាតិ

អាជីវករផ្សារអូរឬស្សីថា ឆ្នាំនេះ គ្រឿងតុបតែងចូលឆ្នាំចិនលក់ដាច់ជាងឆ្នាំមុនបន្តិច

បានផុស

នៅ

នៅសល់តែ ៤ថ្ងៃ ទៀតប៉ុណ្ណោះ ពិធីបុណ្យចូលឆ្នាំប្រពៃណីចិននឹងឈានចូលមកដល់ហើយ បងប្អូនជនជាតិចិន ឬអ្នកដែល​មាន សែស្រឡាយចិន រស់នៅលើទឹកដីកម្ពុជា នឹងមានរៀបចំសែន នៅមុនថ្ងៃចូលឆ្នាំ ១ថ្ងៃ ដែលត្រូវថ្ងៃសៅរ៍ ទី២១ មករា ឆ្នាំ២០២៣ ខាងមុខនេះ។ បើតាមអាជីវករលក់ក្រដាសសែនក្នុងផ្សារអូរឬស្សី អ្នកស្រី មុំ អះអាងថា ការលក់ក្រដាស​សែន និងគ្រឿងប្រដាប់ប្រដា​ចូលឆ្នាំ​ប្រពៃណីចិន​ឆ្នាំនេះ លក់ដាច់ជាងឆ្នាំមុនបន្តិច រីឯតម្លៃទំនិញវិញ មិនមានការឡើងថ្លៃ​អ្វីឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រីមុំ បញ្ជាក់ថា បើធៀបនឹងឆ្នាំមុន ការលក់ដូរនៅឆ្នាំនេះ ដូចជាគ្រាន់បើជាងមុនបន្តិចបន្តួច ដោយសារតែមិនទាន់ដល់​ថ្ងៃចូលឆ្នាំចិនទេ តែមានមនុស្សច្រើនមកទិញអីវ៉ាន់ត្រៀមទុក។ អាជីវកររូបនេះ បន្តថា “ជាធម្មតា មនុស្សមកសម្រុក​ទិញនៅមុន ២ថ្ងៃ ឬ ១ថ្ងៃ ដូច្នេះមានតែចាំមើល ២-៣ថ្ងៃទៀត ថាលក់ដាច់ប៉ុនណា” ។

ចំណែកអាជីវករលក់ក្រដាសសែន ហាង ហាក់ សេងហុង អះអាងស្រដៀងគ្នាដែរថា គិតចាប់ពីសប្តាហ៍មុន គឺមានអ្នក​មក​ទិញក្រដាសសែន និងគ្រឿងប្រដាប់ប្រដាជាបណ្តើរៗហើយ រហូតមកកៀកនឹងថ្ងៃសែននេះ ហាងរបស់គាត់ មានភ្ញៀវ​មក​ទិញច្រើន​ជាងមុនបន្តិច ប៉ុន្តែក៏មិនជាច្រើនពេកនោះដែរ គឺប្រហាក់ប្រហែលនឹងឆ្នាំមុនៗដែរ។ ចំពោះតម្លៃទំនិញ ក្នុងឆ្នាំនេះ គឺមិនមានការតំឡើងថ្លៃ​អ្វី​នោះឡើយ ម្ចាស់ហាងរូបនេះ អះអាងថា “បើសម្រាប់ទំនិញក្នុងហាងខ្ញុំ ឆ្នាំនេះ គឺមាន​តែ​លក់​ក្នុងតម្លៃទាបជាងឆ្នាំមុន” ។

ម្ចាស់ហាងរូបនេះ បានឱ្យដឹងដែរថា ចំពោះទំនិញដែលហាងអ្នកស្រីលក់ដាច់ច្រើនបំផុត គឺរួមមានក្រដាសសែនគ្រប់មុខ ក្រដាសបិទអបអរចូលឆ្នាំច្មី អាំងប៉ាវ និងគ្រឿងប្រដាប់ប្រដាតុបតែងលម្អជំនាងផ្ទះ ក៏ដូចជាកុងម៉ាជាដើម៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៣ ម៉ោង មុន

អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត 

ព័ត៌មានអន្ដរជាតិ១០ ម៉ោង មុន

មនុស្ស៥៥នាក់ស្លាប់ក្នុងហេតុការណ៍រថយន្តក្រុងធ្លាក់ចូលជ្រោះនៅ​ហ្គាតេម៉ាឡា

ព័ត៌មានអន្ដរជាតិ១៣ ម៉ោង មុន

ត្រាំ គំរាម​ហាម៉ាស​ឲ្យ​ដោះលែង​ចំណាប់ខ្មាំង​ទាំង​អស់​ត្រឹម​ថ្ងៃ​សៅរ៍ បើ​មិន​ដូច្នោះ​លុប​បទ​ឈប់បាញ់ រួច​វាយ​កម្ទេច​ក្រុម​នេះ​តែ​ម្ដង

ព័ត៌មានអន្ដរជាតិ៧ ម៉ោង មុន

ត្រាំ ទារឲ្យអ៊ុយក្រែន សងប្រាក់ ៥០០ពាន់លានដុល្លារ មកវិញ

ព័ត៌មានអន្ដរជាតិ៧ ម៉ោង មុន

ស្លាប់៤នាក់ និងបាត់ខ្លួន៣នាក់​ក្នុង​ហេតុការណ៍​ក្រឡាប់ទូក​ដោយសារខ្យល់​​​ខ្លាំង​និងរលក​ធំ​ៗ​​នៅ​​ឥណ្ឌូណេស៊ី

Sokha Hotels

ព័ត៌មានពេញនិយម