ព័ត៌មានជាតិ

អ្នកនាំពាក្យក្រសួងអប់រំ៖ការបើកដំណើរការសិក្សាឆ្នាំថ្មីដំណើរការជាប្រក្រតី

បានផុស

៣ years មុន

នៅ

ថ្ងៃចន្ទ ១១ មករា ២០២១

ដោយ

លោក រស់ សុវាចា អ្នកនាំពាក្យក្រសួងអប់រំយុវជន និងកីឡា បានឲ្យដឹងនៅព្រឹកថ្ងៃទី១១ ខែមករានេះថា ការបើកដំណើរការឆ្នាំសិក្សាថ្មីនេះគឺកំពុងដំណើរការជាប្រក្រតីទេ។

លោកបានបន្តថា ចំពោះគ្រឹះស្ថានសិក្សាដែលស្ថិតក្នុងតំបន់មានហានិភ័យខ្ពស់ក្នុងការឆ្លងជំងឺកូវីដ-១៩ ឬត្រូវបានកំណត់ជាមណ្ឌលចត្តាឡីស័ក ត្រូវអនុវត្តឲ្យបានខ្ជាប់ខ្ជួននូវវិធានការសុវត្ថិភាពសុខភាពសិក្សានិងសេចក្តីណែនាំដែលនៅជាធរមាន ហើយគណៈគ្រប់គ្រងគ្រឹះស្ថានសិក្សាត្រូវវាយតម្លៃហានិភ័យនៃការឆ្លងរីករាលដាលជំងឺកូវីដ-១៩ និងស្នើសុំយោបល់ពីប្រធានមន្ទីរអប់រំយុវជន និងកីឡារាជធានី ខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តទៀតថា ប្រធានមន្ទីរអប់រំ យុវជន និងកីឡារាជធានី ខេត្តមានសិទ្ធិក្នុងការសម្រេចចាត់វិធានការឆ្លើយតប ដោយមានភាពទន់ភ្លន់ និងទាន់ពេលវេលានិងត្រូវរាយការណ៍ជាប្រចាំតាមឋានានុក្រម មកក្រសួងអប់រំ យុវជននិងកីឡា ។

លោកបានបន្ថែមថា ក្នុងបវេសនកាលឆ្នាំសិក្សាថ្មីនេះគ្រឹះស្ថានសិក្សាដែលបានប្រើប្រាស់ជាមណ្ឌលចត្តាឡីស័កនៅតែដំណើរការចុះឈ្មោះសិស្សចូលរៀនដោយ ១). សាលារៀនដែលមានសិស្សតិចបានផ្ញើសិស្សនៅសាលាផ្សេងក្បែរ។ ២).សាលារៀនដែលមានសិស្សច្រើន ត្រូវបានរៀបចំឱ្យរៀនតាមបណ្តុំតូចៗ និងរៀនតាមអនឡាញ។ ៣).សាលាខ្លះទៀតបានប្រើប្រាស់ផ្ទះនាយក នាយករង

ឬផ្ទះគ្រូបង្រៀនដែលនៅជិតដើម្បីចុះឈ្មោះសិស្ស៕

អត្ថបទ ៖ សំអឿន