ព័ត៌មានជាតិ
អណ្ដូងទឹកខ្នាតធំទំនើបនៅជីផាត អាចផ្គត់ផ្គង់ទឹកស្អាតបានមួយភូមិ
អណ្តូងទឹកខ្នាតធំដ៏ទំនើប បានផ្គត់ផ្គង់ទឹកស្អាតដល់ភូមិមួយនៅសហគមន៍ទេសចរណ៍ជីផាត ស្ថិតនៅក្នុងស្រុកថ្មបាំង ខេត្តកោះកុង ដែលអាចឲ្យពលរដ្ឋទទួលបានទឹកស្អាតប្រើប្រាស់ប្រចាំថ្ងៃដោយសុវត្ថិភាព។
កញ្ញា ស៊ូវណ្ណា ហ្គោនឡែត ស្ថាបនិកនិងជានាយិកាប្រតិបត្តិនៃអង្គការសម្ព័ន្ធមិត្តសត្វព្រៃបានឲ្យដឹងថា អណ្ដូងទឹកនេះគឺជាអណ្ដូងទឹកធំជាងគេ ដំណើរការដោយថាមពលព្រះអាទិត្យមានចំណុះ ១០.០០០ លីត្រ ដែលអាចផ្គត់ផ្គង់ទឹកស្អាតជូនប្រជាពលរដ្ឋប្រមាណ ១៧៦ គ្រួសារ ស្មើនឹងជាង ៨០០នាក់ ក្នុងភូមិកំឡូតស្ថិតនៅក្នុងសហគមន៍ទេសចរណ៍ជីផាត ក្នុងស្រុកថ្មបាំងខេត្តកោះកុង។
ស្ថាបនិករូបនេះបន្តថា នៅចន្លោះពីឆ្នាំ ២០២១ ដល់ឆ្នាំ ២០២២ គម្រោងរេដបូកជួរភ្នំក្រវាញខាងត្បូង បានចូលរួមចំណែកក្នុងការសាងសង់អណ្តូងទឹកចំនួន ៤៣ រួមមានទាំងអណ្ដូងទឹកដ៏ធំបំផុតដែលបានសម្ពោធនៅក្នុងភូមិកំឡូត ដែលបានបម្រើអត្ថប្រយោជន៍ជូនដល់ប្រជាពលរដ្ឋរាប់រយគ្រួសារដោយផ្ទាល់។
គម្រោងរេដបូកជួរភ្នំក្រវាញខាងត្បូង មានក្រសួងបរិស្ថានគឺជាម្ចាស់គម្រោង និងអង្គការសម្ព័ន្ធមិត្តសត្វព្រៃជាអ្នកអនុវត្តគម្រោង។ គម្រោងរេដបូកជួរភ្នំក្រវាញខាងត្បូងបង្កើតឡើងក្នុងឆ្នាំ ២០១៥ ដែលមានគោលបំណងលើកកម្ពស់កាត់បន្ថយការប្រែប្រួលអាកាសធាតុ និងការបន្សំទៅនឹងការប្រែប្រួលអាកាសធាតុ ដោយការការពារព្រៃឈើនៅតំបន់ទេសភាពព្រៃរងទឹកភ្លៀងជួរភ្នំក្រវាញ មានន័យថាកាត់បន្ថយការបំភាយកាបូននៅក្នុងតំបន់ទេសភាពព្រៃរងទឹកភ្លៀងជួរភ្នំក្រវាញ ជាថ្នូរទទួលបានការគាំទ្រដល់ការអភិវឌ្ឍហេដ្ឋារចនាសម្ព័ន្ធ និងឱកាសក្នុងការទ្រទ្រង់ជីវភាពរស់នៅសម្រាប់សហគមន៍។
លោក ជួប ប៉ារីស៍ អនុរដ្ឋលេខាធិការក្រសួងបរិស្ថាន និងជាជនបង្គោលរេដបូកជាតិបានឲ្យដឹងថា កាលពីពេលមុន នៅពេលដែលពុំទាន់មានការគាំទ្រពីគម្រោងរេដបូកតំបន់ជួរភ្នំក្រវាញខាងត្បូង ប្រជាសហគមន៍ទាំងអស់គ្នាធ្លាប់មានកង្វល់នឹងបញ្ហាចម្បងមួយចំនួនដូចជាបញ្ហាទឹកស្អាតសម្រាប់ប្រើប្រាស់ និងផ្លូវថ្នល់សម្រាប់ធ្វើដំណើរ។ ប្រជាពលរដ្ឋមួយចំនួនបានជួបប្រទះនឹងការលំបាកជាច្រើនដូចជា ការខ្វះខាតទឹកស្អាតសម្រាប់ប្រើប្រាស់ ការចំណាយថវិកាសម្រាប់ទិញទឹកបរិភោគដែលជាការចំណាយដ៏ធំមួយនៅក្នុងគ្រួសារ និងគ្មានផ្លូវសម្រាប់ធ្វើដំណើរ។ នៅរដូវវស្សា ផ្លូវមានភក់នាំឲ្យមានការលំបាក ហើយពេលខ្លះបង្កឱ្យមានភាពរអិលឬបង្កជាគ្រោះថ្នាក់ផ្សេងៗថែមទៀតផង។
លោកបន្តថា តាមរយៈសមិទ្ធផលអណ្ដូងទឹកខ្នាតធំ និងផ្លូវដែលបានស្ថាបនាដាក់ឲ្យដំណើរការ នឹងផ្តល់អត្ថប្រយោជន៍ជាច្រើនដល់ប្រជាពលរដ្ឋរាប់ពាន់នាក់ ដើម្បីជួយពង្រឹងនូវលទ្ធភាពសេដ្ឋកិច្ច និងសុខុមាលភាពដែលពាក់ព័ន្ធជីវភាពរស់នៅក្នុងតំបន់៕
កាលពីម្សិលមិញនេះ មានបារព្ធពិធីសម្ពោធសមិទ្ធផលអណ្ដូងទឹកសហគមន៍ដ៏ធំមួយដំណើរការដោយថាមពលព្រះអាទិត្យ និងផ្លូវភូមិក្រាលក្រួសក្រហមចំនួន ៣ខ្សែ នៅសហគមន៍ទេសចរណ៍ជីផាត។ សមិទ្ធផលនៃការសាងសង់នេះអាចធ្វើទៅបានគឺអាស្រ័យដោយមានគម្រោងរេដបូកតំបន់ជួរភ្នំក្រវាញខាងត្បូង ដែលបានលក់ឥណទានកាបូនទៅដល់សាជីវកម្មធំៗ៕
ឯកឧត្តម ហ៊ុន ម៉ានី ៖ ការសម្រេចចូលរួមជាមួយគណបក្សប្រជាជន គឺជាការសម្រេចមួយដ៏ឆ្លាតវៃ និងត្រឹមត្រូវ
វិហារអ៊ិស្លាមតម្លៃ ៧ ម៉ឺនដុល្លារត្រូវបានសម្ពោធដាក់ឱ្យប្រើប្រាស់ នៅស្រុកអូរគ្រៀងសែនជ័យ
រដ្ឋមន្រ្តីកសិកម្ម៖ បន្តធ្វើដើម្បីប្រជាជនយើង កុំខ្វល់ពីអ្នករិះគន់អគតិទាំងនោះ
មន្ត្រី៖ ប្រតិភូបណ្តាញយុវជនលើកទី៤ បានចាកចេញពីកម្ពុជាពោរពេញដោយស្នាមញញឹម ភាពស្ញប់ស្ញែង
ព្រះមន្ត្រីសង្ឃខេត្តសៀមរាប ណែនាំបុគ្គលឈ្មោះ អេន ចរិយា ឱ្យបញ្ឈប់សកម្មភាពដែលប៉ះពាល់ដល់តម្លៃសាសនា
អាមេរិកចង់ឲ្យអ៊ុយក្រែនរៀបចំការបោះឆ្នោតរើសមេដឹកនាំថ្មីនៅចុងឆ្នាំ២០២៥
ក្រោយស្ថាបនារួច ផ្លូវជាតិលេខ២៣ នឹងជំរុញសេដ្ឋកិច្ចស្រុកកោះធំ និងស្រុកលើកដែក
លើកនេះ! អង្គរវត្ត វ៉ាដាច់ បារាំង និងអូស្រ្តាលី ក្លាយជាទីកន្លែងទស្សនាដ៏ល្បីបំផុតក្នុងពិភពលោក
ព្រះមន្ត្រីសង្ឃខេត្តសៀមរាប ណែនាំបុគ្គលឈ្មោះ អេន ចរិយា ឱ្យបញ្ឈប់សកម្មភាពដែលប៉ះពាល់ដល់តម្លៃសាសនា
ហ្សេលេនស្គី៖ ការចរចារវាងរុស្ស៊ី-អាមេរិក ដោយគ្មានវត្តមានអ៊ុយក្រែន គឺគ្រោះថ្នាក់ណាស់
-
ព័ត៌មានជាតិ៤ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម២ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ៧ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានអន្ដរជាតិ៥ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
បច្ចេកវិទ្យា២ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានជាតិ៦ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»