ព័ត៌មានជាតិ
Range rover បុករ៉ឺម៉ករួច ក៏បន្តទៅបុករថយន្តយីឌុប ធ្វើឲ្យបុរសម្នាក់ស្លាប់ និងរងរបួស២នាក់
រថយន្ត Range rover របស់មន្ត្រី បម្រើការងារនៅស្ថានីយជញ្ជីងថ្លឹងរថយន្តអូរពងមាន់ បានបុកជាមួយម៉ូតូរ៉ឺម៉ក ហើយបន្តទៅបុករថយន្តយីឌុបធ្វើឲ្យអ្នកបើកបររ៉ឺម៉កម្នាក់ស្លាប់ភ្លាមៗ ប្រពន្ធរបួសធ្ងន់ និងអ្នកបើករថយន្តម្នាក់របួសស្រាល។
ករណីគ្រោះថ្នាក់ចរាចរណ៍នេះ បានកើតឡើងកាលពីថ្ងៃអាទិត្យទី១០ ខែមករា ឆ្នាំ២០២១ វេលាម៉ោង១៨:៥០នាទី លើផ្លូវជាតិលេខ៧ ចន្លោះបង្គោលលេខ ភូមិរាជានុកូល សង្កាត់ស្ទឹងត្រែង ខេត្តស្ទឹងត្រែង។
លោកវរសេនីយ៍ទោ ឈឿន ម៉េង នាយការិយាល័យចរាចរណ៍ផ្លូវគោក បានឲ្យដឹងថា ជនរងគ្រោះបើកបរម៉ូតូមានឈ្មោះ ហាស យ៉ត ភេទប្រុស អាយុ៣៣ឆ្នាំ(ស្លាប់)មុខរបរលក់ដូរតាមម៉ូតូ ប្រពន្ធរបួសធ្ងន់ មានទីលំនៅភូមិរាជានុកូល សង្កាត់ក្រុងខេត្តស្ទឹងត្រែង ចំណែក
អ្នកបើកបររថយន្ត range rover មានឈ្មោះ ជិម សារិន ភេទប្រុស អាយុ៣៨ឆ្នាំ មុខរបរមន្ត្រីបម្រើការងារនៅស្ថានីយថ្លឹងរថយន្តរាជានុកូល(អូរពងមាន់ខេត្តស្ទឹងត្រែង)។ រីឯអ្នកបើកបររថយន្តយីឌុប មិនទាន់ស្គាល់អត្តសញ្ញាណទេ។
លោកវរសេនីយ៍ទោបានបន្តឲ្យដឹងទៀតថា នៅមុនកើតហេតុគេបានឃើញរថយន្ត Rang rover ពណ៌សពាក់ស្លាកលេខភ្នំពេញ2AK6925 បើកបរក្នុងទិសដៅពីជើងមកត្បូង បានបុកពីក្រោយម៉ូតូរ៉ឺម៉កពណ៌សគ្មានស្លាកលេខ ហើយបន្តទៅបុករថយន្តយីឌុបចង្កូតស្ដាំពាក់ស្លាកលេខPRV0033 ទិសដៅបញ្ច្រាសគ្នា ធ្វើឲ្យអ្នកបើកបររ៉ឺម៉កម្នាក់បានស្លាប់ ប្រពន្ធរបួសធ្ងន់ និងអ្នករួមដំណើរជាមួយរថយន្ត range rover ម្នាក់របួសស្រាល។ លោកបន្តថា ការគ្រោះថ្នាក់ខាងលើ បណ្តាលឲ្យមនុស្សប្រុសម្នាក់ស្លាប់ (អ្នកបើបរម៉ូតូ) ស្រីម្នាក់រងរបួសធ្ងន់ និងអ្នករួមដំណើរជាមួយរថយន្តរបួសស្រាល រថយន្តខូចធ្ងន់០២គ្រឿង ម៉ូតូខូចធ្ងន់០១គឿង មូលហេតុ បើកបរល្បឿនលឿន។
ក្រោយកើតហេតុ នគរបាលចរាចរណ៍ផ្លូវគោកបានចុះវាស់វែងនាំយករថយន្តទាំង ២គ្រឿងនិងរ៉ឺម៉កម៉ូតូ មកកាន់ការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធី៕
អត្ថបទ៖ ងិនលីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ