ព័ត៌មានជាតិ
បុរសជាចុងភៅម្នាក់ នៅក្រុងសួង ខេត្តត្បូងឃ្មុំ មានសំណាងបានឈ្នះរង្វាន់ធំ ១០០ លានរៀល ពីភេសជ្ជៈប៉ូវកម្លាំងខារ៉ាបាវ
ត្បូងឃ្មុំ ៖ បន្ទាប់ពីប្រគល់រង្វាន់ធំដល់អ្នកឈ្នះរង្វាន់ធំ ១០០ លានរៀល ដែលជាកម្មករសំណង់រស់នៅខេត្តព្រៃវែងរួចកាលពីពេលកន្លងទៅថ្មីៗនោះ នៅក្នុងសប្ដាហ៍នេះ ក្រុមហ៊ុនភេសជ្ជៈប៉ូវកម្លាំងខារ៉ាបាវ បានបន្តរកឃើញអ្នកដែលមានសំណាងបានក្លាយជាសេដ្ឋីថ្មីមួយរូបទៀត ដែលមានមុខរបរជាចុងភៅធ្វើម្ហូប រស់នៅភូមិព្នៅ សង្កាត់វិហារលួង ក្រុងសួង ខេត្តត្បូងឃ្មុំ។
![](https://www.kampucheathmey.com/wp-content/uploads/2023/01/IMG_4757-1024x768.jpg)
លោក ចាប ចេន អាយុ ៤២ ឆ្នាំ ដែលជាអ្នកមានសំណាងបានឈ្នះរង្វាន់ធំនូវទឹកប្រាក់សុទ្ធចំនួន ១០០ លានរៀល ពីភេសជ្ជៈប៉ូវកម្លាំង ខារ៉ាបាវ និងមានអាសយដ្ឋានដូចបានជម្រាបជូនខាងលើនេះបានប្រាប់ឲ្យដឹងថា ដោយសារតែកម្រិតជីវភាពគ្រួសារមានភាពខ្សត់ខ្សោយ ជារៀងរាល់ថ្ងៃក្រៅពីធ្វើស្រែចម្ការបន្តិចបន្តួចនៅជុំវិញផ្ទះ លោកតែងចេញធ្វើការរកចំណូលបន្ថែមជាមួយនឹងជំនាញជាចុងភៅធ្វើម្ហូបតាមកម្មវិធីផ្សេងៗ ដើម្បីផ្គត់ផ្គង់ជីវភាពគ្រួសារ។
![](https://www.kampucheathmey.com/wp-content/uploads/2023/01/IMG_4758-1024x768.jpg)
ដោយឡែកសម្រាប់ការត្រូវរង្វាន់នេះ គឺជារឿងដែលមិននឹកស្មានដល់នោះឡើយ ដោយកាលពីថ្ងៃចុងសប្ដាហ៍កន្លងទៅនេះ នៅពេលលោកចេញទៅធ្វើជាចុងភៅម្ហូបក្នុងពិធីមង្គលការ លោកបានទិញភេសជ្ជៈប៉ូវកម្លាំង ខារ៉ាបាវ ចំនួន ១ កំប៉ុងទទួលទាន លុះពេលគាស់ក៏បានឃើញរង្វាន់ ១០០ លានរៀលតែម្ដង។
![](https://www.kampucheathmey.com/wp-content/uploads/2023/01/IMG_4759-1024x768.jpg)
លោកបានបន្តឲ្យដឹងទៀតថា នៅពេលគាស់ឃើញរង្វាន់ភ្លាម លោកពិតជាមានអារម្មណ៍រំភើបរីករាយជាខ្លាំង ប៉ុន្តែមិនបានប្រកាសប្រាប់អ្នកនៅក្បែរគ្នានោះទេ ព្រោះខ្លាចមានការភ្ញាក់ផ្អើលខ្លាំង លុះក្រោយពេលត្រឡប់មកដល់ផ្ទះវិញក៏និយាយប្រាប់ប្រពន្ធ-កូន និងម្ដាយក្មេកដែលស្ថិតក្នុងបន្ទុករបស់លោក ហើយក៏ទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមាននៅនឹងក្រវិលកំប៉ុងតែម្ដង។
![](https://www.kampucheathmey.com/wp-content/uploads/2023/01/IMG_4760-1024x768.jpg)
លោក ចាប ចេន បានបញ្ជាក់ប្រាប់ថា ទឹកប្រាក់ ១០០ លានរៀលនេះ ពិតជាមានសារសំខាន់ខ្លាំងណាស់សម្រាប់ជីវិត និងក្រុមគ្រួសាររបស់លោក ហើយក្រោយពេលទទួលបាន លោកនឹងយកមួយចំនួនសាងសង់ផ្ទះឲ្យបានសមរម្យ ព្រោះផ្ទះដែលកំពុងរស់នៅសព្វថ្ងៃមានភាពទ្រុឌទ្រោមខ្លាំង ហើយទុកមួយចំនួនទៀតសម្រាប់បង្កើតមុខរបររកស៊ីនៅផ្ទះ ដើម្បីអាចរកបានចំណូលផ្គត់ផ្គង់ជីវភាពគ្រួសារទៅថ្ងៃអនាគត។
![](https://www.kampucheathmey.com/wp-content/uploads/2023/01/IMG_4761-1024x768.jpg)
ជាចុងក្រោយ លោក ចាប ចេន ក៏បានថ្លែងអំណរគុណចំពោះក្រុមហ៊ុនភេសជ្ជៈប៉ូវកម្លាំង ខារ៉ាបាវ ដែលបានបង្កើតកម្មវិធីផ្ដល់រង្វាន់នូវទឹកប្រាក់យ៉ាងច្រើនសន្ធឹកសន្ធាប់ និងបានជួយកែប្រែនូវជីវភាពគ្រួសារប្រជាពលរដ្ឋដែលធ្លាប់តែក្រលំបាកឲ្យមានជីវភាពធូរធារ មានលុយគ្រប់គ្រាន់៕
![](https://www.kampucheathmey.com/wp-content/uploads/2023/01/IMG_4762-1024x768.jpg)
![](https://www.kampucheathmey.com/wp-content/uploads/2023/01/IMG_4763-1024x768.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?