ព័ត៌មានជាតិ
តម្លៃផ្លែមៀនប៉ៃលិនឆ្នាំនេះមានភាពល្អប្រសើរជាងឆ្នាំមុន
អ្នកដាំមៀនប៉ៃលិន ឬតាង៉ែនបានឱ្យដឹងថា តម្លៃផ្លែមៀននៅឆ្នាំនេះ មានភាពល្អប្រសើរជាងឆ្នាំងមុន បន្ទាប់ពីកម្ពុជាទទួលបានភ្លើងខៀវពីការនាំផ្លែមៀនស្រស់ទៅប្រទេសចិន។

លោក សួន ជុំ អនុប្រធានសមាគមមៀនប៉ៃលិនបានបញ្ជាក់ឱ្យដឹងថា ទីផ្សារផ្លែមៀនបច្ចុប្បន្នរាងធ្លាក់ចុះតិចតួចដោយសារចំនួននាំចេញទៅចិនគ្រប់ចំនួនលក់ អំឡុងពេលចូលឆ្នាំចិននេះ ទោះយ៉ាងណានឹងឡើងថ្លៃធម្មតាវិញនៅ ២ សប្ដាហ៍បន្ទាប់ពីបញ្ចប់ចូលឆ្នាំចិន។
បើតាមលោក សួន ជុំ បច្ចុប្បន្ន ទីផ្សារនាំចេញផ្លែមៀនធំជាងគេគឺលក់ចេញទៅប្រទេសចិន ប៉ុន្តែដោយសារប្រទេសចិនកំពុងរៀបចំពិធីបុណ្យចូលឆ្នាំ ទើបផ្អាកការនាំចេញ ហើយមានតែការបញ្ជាទិញក្នុងស្រុកស្តុកទុកលក់ក្រោយចូលឆ្នាំចិន ប៉ុណ្ណោះ។

លោក ឃឹម ប៊ុន ធឿន កសិករដាំមៀនបាត់ដំបង ប្រាប់ថា តម្លៃផ្លែមៀនប៉ៃលិន ឬតាង៉ែននៅឆ្នាំនេះ មានភាពល្អប្រសើរដែលលោកអាចលក់បាន ៣៥០០ រៀល ក្នុងមួយគីឡូក្រាម។
សូមជម្រាបថា មានចម្ការមៀនចំនួន ៧៤ និងរោងចក្រវេចខ្ចប់ចំនួន ៨ ដែលទទួលស្គាល់ជាផ្លូវការអនុញ្ញាតឲ្យនាំមៀនទៅទីផ្សារចិន។ ក្នុងចំណោមចំការមៀនចំនួន ៧៤ ដែលទទួលបានការអនុម័តចុះបញ្ជីជាផ្លូវការក្នុងការនាំផ្លែមៀនទៅចិន មាន ៤០ ចម្ការ នៅខេត្តប៉ៃលិន ខេត្តបាត់ដំបង មាន ២៨ ចម្ការ និងខេត្តបន្ទាយមានជ័យចំនួន ៦ ចម្ការ។
ដោយឡែក រោងចក្រវេចខ្ចប់ចំនួន នៅខេត្តកណ្ដាល ១ ខេត្តបាត់ដំបងរោងចក្រ ៣ ខេត្តប៉ៃលិនចំនួន ២ និងខេត្តព្រះសីហនុ ២ សរុបចំនួន ៨ រោងចក្រ៕
អត្ថបទ៖ ឡេង ដេត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ