ព័ត៌មានជាតិ

កោះចំនួន ១៧ នៅខេត្តកោះកុង ទទួលបានគម្រោងវិនិយោគ

បានផុស

២ years មុន

នៅ

ថ្ងៃសៅរ៍ ២១ មករា ២០២៣

ដោយ

Dy Bunnara

បើតាមរដ្ឋបាលខេត្តកោះកុងបានឲ្យដឹងថា ក្នុងចំណោមកោះតូចធំចំនួន ៣៥ ក្នុងខេត្តកោះកុង មានកោះចំនួន ១៩ ដែលទទួលបានគម្រោងវិនិយោគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសុន្ទរកថារបស់លោកស្រី មិថុនា ភូថង អភិបាលខេត្តកោះកុងកាលពីថ្ងៃ ១៧ មករា ២០២៣ បានបញ្ជាក់ថា ខេត្តកោះកុងមានកោះតូចធំចំនួន ៣៥ ក្នុងនោះមាន ០៩ កោះដែលមានផ្កាថ្ម និង១៧ កោះត្រូវបានវិនិយោគដោយក្រុមហ៊ុនចំនួន ០៩។

ខេត្តកោះកុងជាខេត្តមានសក្តានុពលលើធនធានធម្មជាតិ។ ខេត្តនេះមានឆ្នេរសមុទ្រវែងបំផុត រួមទាំងមានកោះជាច្រើនដែលអាចអភិវឌ្ឍបម្រើដល់វិស័យទេសចរណ៍។

ប៉ុន្មានឆ្នាំចុងក្រោយនេះ រដ្ឋាភិបាលបានយកចិត្តទុកដាក់លើការស្តារហេដ្ឋារចនាសម្ព័ន្ធ ជាពិសេសគម្រោងអភិវឌ្ឍព្រលានយន្តហោះថ្មីមួយនៅស្រុកបុទមសាគរដែលកំពុងដំណើរការស្ថាបនាគ្រោងបញ្ចប់និងដាក់ឲ្យដំណើរការនៅពេលខាងមុខ ដែលនឹងជំរុញដល់ការអភិវឌ្ឍសេដ្ឋកិច្ចបន្ថែមដល់ខេត្តដែនសមុទ្រនេះ ដែលត្រូវបានប្រសិទ្ធនាមជាខេត្តតារារះនៃទិសនិរតី៕