ព័ត៌មានជាតិ
ប្រធានមន្ទីរផែនការខេត្តរតនគិរីត្រូវបានផ្ទេរមកក្រសួង ក្រោយព័ត៌មានអាស្រូវពុករលួយ
ក្រសួងផែនការនៅថ្ងៃទី ២៤ ខែមករា ឆ្នាំ ២០២៣នេះ បានចេញប្រកាសមួយសម្រេចផ្ទេរ លោក ខេង វុទ្ធី ប្រធានមន្ទីរផែនការខេត្តរតនគិរីឱ្យមកបម្រើការងារនៅទីស្ដីការក្រសួងផែនការវិញ ដោយចាត់ទៅឱ្យបម្រើការងារនៅអគ្គលេខាធិការដ្ឋានប្រជាជន និងការអភិវឌ្ឍ ក្រោយធ្លាយលិខិតអនាមិកមួយពាក់ព័ន្ធនឹងរឿងអាស្រូវពុករលួយ។

កាលពីពេលថ្មីៗនេះសារព័ត៌មានជាច្រើនបានចុះផ្សាយព្រោងព្រាតពាក់ព័ន្ធនឹងលោក ខេង វុទ្ធី ប្រធានមន្ទីរផែនការខេត្តរតនគិរី ប្រព្រឹត្តអំពើពុកលួយនៅក្នុងអង្គភាព។
លិខិតបណ្តឹងអនាមិកមួយកញ្ចប់បានផ្ញើតាមរថយន្តឈ្នួលទៅរាជធានីភ្នំពេញ ដែលក្នុងខ្លឹមសារនោះមានសរសេរថា យើងខ្ញុំជាមន្ត្រី នៃមន្ទីរផែនការខេត្តរតនគិរី រស់នៅក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី សូមគោរពជូន សម្តេច តេជោ ហ៊ុន សែន នាយករដ្ឋមន្ត្រីឱ្យជួយបើកការស៊ើបអង្តតលើប្រធានមន្ទីរផែនការខេត្តរតនគិរី ដែលបានប្រព្រឹត្តអំពើពុករលួយនៅក្នុងអង្គភាពតាំងពីលោកមកកាន់តំណែងរហូតមកដល់បច្ចុប្បន្ន។

យោងតាមពាក្យបណ្ដឹង លោក ខេង វុទ្ធី មិនឱ្យមន្ត្រីធ្វើការដោយសន្យាផ្តល់ក្របខណ្ឌជូន រីឯប្រាក់ខែគាត់ (ប្រធានមន្ទីរ) ជាអ្នកយក ចំពោះមន្ត្រីដែលមិនមកធ្វើការមានចំនួន១២នាក់។
ទាក់ទិនបញ្ហាខាងលើនេះ លោក ខេង វុទ្ធី បានច្រានចោលការផ្សព្វផ្សាយមិនពិតហើយអះអាងថា លិខិតអនាមិកមួយច្បាប់ នៅថ្ងៃទី ២ ខែមករា ឆ្នាំ២០២៣ ចោទមន្ត្រី នៃមន្ទីរផែនការខេត្តរតនគិរីទាំងអស់នោះ ភាពអំពើពុករលួយមកលើរូបលោក។
លោកមិនហាមឃាត់មិនឲ្យមន្ត្រីទាំងនេះមកធ្វើការទេ ធម្មតាមន្ត្រីគេប្រលងមានក្របខ័ណ្ឌ យើងចង់បានមន្ត្រីមកធ្វើកិច្ចការងារនៅតាមខេត្តក្រុង-ស្រុក។ បើសិនយើងហាមឃាត់មិនឲ្យមកធ្វើការ យើងនឹងមានរឿង បន្ទាប់ពីក្រសួងបានជ្រើសរើសមន្ត្រីប្រលងរួចមកហើយ។

លោកបានបញ្ជាក់ថា មន្ត្រីមួយចំនួនលោកក៏បានបែងចែកចុះទៅតាមក្រុង-ស្រុក ហើយមន្ត្រីដែលផ្ទេរលោកមិនបានកាត់ប្រាក់ខែទេលោកហ៊ានស្បថជូន ហើយមន្ត្រីទាំងអស់នោះ អ្នកខ្លះមកពីរាជធានីភ្នំពេញនិងនៅតាមបណ្ដាខេត្ត។ហើយលោកក៏ចង់ហៅមន្ត្រីទាំងអស់នោះ មកស្បថស្បែរនៅកន្លែងណាដែលស័ក្ខិសិទ្ធ។
លោកថា ពាក់ព័ន្ធរឿងកិបកេងប្រាក់បេសកកម្មរបស់មន្ត្រី លោកសូមបដិសេធថាជារឿងមិនពិត លោកនិយាយដោយស្មោះរឿងកាហ្វេគុយទាវបន្តិចបន្តួចគឺមានមែន នេះទឹកចិត្តរបស់កូនចៅទេ។ លោកបដិសេធទាំងស្រុង លើលិខិតនោះថា ជារឿងមិនពិតឡើយ៕







-
សន្តិសុខសង្គម៧ ថ្ងៃ ago
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៧ ថ្ងៃ ago
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ ago
អគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ ago
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ ago
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ ago
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៧ ថ្ងៃ ago
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង