ព័ត៌មានជាតិ

នាវាទេសចរណ៍ខ្នាតធំ១គ្រឿងផ្ទុកអ្នកដំណើរ ៣៣៨នាក់ បានចូលចតនៅកំពង់ផែស្វយ័តក្រុងព្រះសីហនុ

បានផុស

២ years មុន

នៅ

ថ្ងៃអាទិត្យ ២៩ មករា ២០២៣

ដោយ

កាលពីថ្ងៃម្សិលមិញនេះ នាវាទេសចរណ៍ខ្នាតធំ ១គ្រឿង ដែលអាចផ្ទុកភ្ញៀវទេសចរប្រមាណ ៣៣៨នាក់ មាន ២២សញ្ជាតិ មានឈ្មោះថា SEABOURN ENCORE សញ្ជាតិ BAHAMAS បានចូលចតនៅកំពង់ផែស្វយ័តក្រុងព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នងការដ្ឋាននគរបាលខេត្តព្រះសីហនុ បានឲ្យដឹងថា នាវាទេសចរណ៍ខ្នាតធំ SEABOURN ENCORE គឺមាននាវិកចំនួនប្រមាណ ៤៤២នាក់ ស្រី៧២នាក់ មាន ៤៨សញ្ជាតិ ព្រមទាំងមានភ្ញៀវទេសចរចំនួន ៣៣៨នាក់ ស្រី ១៦៧នាក់ មាន ២២សញ្ជាតិ ក្នុងនោះ មានសញ្ជាតិអាមេរិកច្រើនជាងគេ ចំនួន ១២៧នាក់ អង់គ្លេសចំនួន ៧៨នាក់ និងអូស្រ្តាលីចំនួន ៣៣នាក់។។ នាវាមួយនេះ បានចេញមកពីប្រទេសថៃ ចូលមកប្រទេសកម្ពុជានៅថ្ងៃទី២៨ ខែមករា ឆ្នាំ២០២៣នេះ និងបន្តចេញទៅប្រទេសវៀតណាម។

ជាការកត់សម្គាល់ នេះ គឺជាការចូលចតលើកទី៥ហើយរបស់នាវាអន្តរជាតិធំៗ បន្ទាប់ពីអាក់ខានដោយសារវិបត្តិនៃជំងឺកូវីដ១៩ អស់រយៈពេលជាង ០២ឆ្នាំកន្លងមកនេះ។ នេះ គឺជាសញ្ញាវិជ្ជមានបញ្ជាក់ថា វិស័យទេសចរណ៍កម្ពុជាធានាបានភាពធន់ និងការត្រៀមខ្លួនរួចជាស្រេចសម្រាប់ស្វាគមន៍ភ្ញៀវទេសចរមកពីគ្រប់ទិសទីទាំងផ្លូវអាកាស ផ្លូវគោក និងផ្លូវទឹក៕

ដោយ៖ ថារី