ព័ត៌មានជាតិ
កាន់តែពិសេស អង្គរសង្ក្រាន្តឆ្នាំនេះនៅខេត្តសៀមរាប រៀបចំទស្សនីយភាព ៨ កម្មវិធីធំៗ
ព្រឹត្តិការណ៍អង្គរសង្ក្រាន្តនៅឆ្នាំ ២០២៣ នេះ ឬអាចហៅម្យ៉ាងទៀតថា «ភូមិខ្ញុំ» នឹងមានរៀបចំកម្មវិធីកម្សាន្តព្រមទាំងបង្ហាញទស្សនីយលើសឆ្នាំមុនៗ ក្នុងពេលវេលាខួប ១០ឆ្នាំនៃព្រឹត្តិការណ៍អបអរឆ្នាំថ្មីនេះ។
លោក សុខ សង្វារ អនុរដ្ឋលេខាធិការក្រសួងទេសចរណ៍ និងជាប្រធានគម្រោងកម្មវិធី «ភូមិខ្ញុំ» បានមានប្រសាសន៍ថា «ភូមិខ្ញុំ» ឆ្នាំនេះ ត្រូវបានគិតគូររៀបចំឡើងដោយផ្ចិតផ្ចង់ និងអស្ចារ្យជាងឆ្នាំមុនៗទាំងអស់ ដោយសារតែឆ្នាំនេះ ជាខួប ១០ឆ្នាំនៃព្រឹត្តិការណ៍អង្គរសង្ក្រាន្តផង និងជាឆ្នាំដែលបានសម្រេចរៀបចំព្រឹត្តិការណ៍អង្គរសង្ក្រាន្តឡើងវិញក្រោយពីវិបត្តិកូវីដ ១៩ ដែលបានអាក់ខានដល់ការមកលេងកម្សាន្តសប្បាយរបស់ប្រជាជនកម្ពុជាកន្លងមក។ តាមរយៈព្រឹត្តិការណ៍មួយនេះ ក៏អាចជាទាក់ទាញភ្ញៀវទេសចរជាតិ និងអន្តរជាតិ មកទស្សនានៅខេត្តសៀមរាបកាន់តែច្រើនកុះករផងដែរ។
លោកបានគូសបញ្ជាក់ទៀតថា «ភូមិខ្ញុំ» ឆ្នាំនេះ គ្រោងរៀបចំទស្សនីយភាពចំនួន ៨ កម្មវិធីសំខាន់ៗគឺ តំបន់ខួប ១០ឆ្នាំនៃភូមិខ្ញុំដែលប្រមូលផ្តុំដោយវត្ថុយក្សទាំងអស់ឡើងវិញ និងជាស្នាដៃរបស់កូនខ្មែរពិតៗ។
ទស្សនីយភាពសំខាន់ៗ ដែលនឹងមានរៀបចំក្នុងកម្មវិធីអង្គរសង្ក្រាន្ត«ភូមិខ្ញុំ» មានដូចជា៖
-គម្រោងផ្ទះមរតកដូនតា ដែលនឹងបង្ហាញនូវការសម្ដែងចាប៉ីដងវែង ពិណបុរាណ តួអង្គលម្អិតល្ខោនខោល ការប្រគំភ្លេងខ្មែរបុរាណ គួបផ្សំទាំងការរាំកម្សាន្តប្រជាប្រិយដោយក្រុមស្គរដៃផងដែរ។
-គម្រោងផ្ទះសេដ្ឋី ក៏មាននូវសកម្មភាពទាក់ទាញដូចជា ការដង្ហែក្បួនសេដ្ឋីក្នុងភូមិ ការប្រកួតគុន ល្បុក្កតោ តំណាងឲ្យកងការពារលោកសេដ្ឋី សកម្មភាពប្រចាំថ្ងៃរបស់ភរិយា និងអ្នកបម្រើក្នុងផ្ទះសេដ្ឋី។
-ផ្ទះនំខ្មែរ នេះក៏ជាគម្រោងមួយដែលទាក់ទាញមហាជនផងដែរ។ ដោយអ្នកជំនាញធ្វើនំខ្មែរ នឹងបង្ហាញពីដើមដល់ចប់អំពីរបៀបធ្វើនំបញ្ចុកខ្មែរ ការស្លទឹកនំ របៀបធ្វើនំផ្លែអាយ នំច័ក្កច័ន ដាល់អំបុក។ ល ។ ហើយកម្មវិធីទាំងនេះ ជាការនាំមកវិញនូវសកម្មភាព និងស្នាដៃរបស់ខ្មែរបុរាណមកបង្ហាញឡើងវិញ។
-សាលាឆទាន ជាអគារសាសនាតំណាងការគោរពបូជា ភាពស្មោះត្រង់ និងប្រពៃណីទម្លាប់ដ៏ល្អឥតខ្ចោះរបស់បុព្វបុរសខ្មែរក្នុងតំបន់អង្គរ ដែលកំពុងបន្តរស់នៅនាពេលបច្ចុប្បន្ន។ បន្ថែមពីនេះក៏មាន កម្មវិធីពូនភ្នំខ្សាច់ កម្មវិធីលើកទង់ ឆាកហ៊ោ ក្មេងៗកោរជុក ទុកកំប៉ោយរត់លេង ជិះសេះធាងចេក យាយៗ ស្លៀកក្បិន ពិសាស្លាម្លូ លក់ធូបក្រអូប ចាក់ចេក។ ល។ ដែលសុទ្ធសឹងនាំមកបង្ហាញជូនក្នុងសាលាឆទានទាំងអស់។
-ផ្សារខ្មែរ ជាកូនផ្សារតូច ក្នុងភូមិ ដែលនឹងដាក់តាងលក់ម្ហូបអាហារ នំចំណី ជារបៀបខ្មែរបុរាណ និងហាងសិប្បកម្មចម្លាក់ សំលៀកបំពាក់ខ្មែរ អបអរពិធីចូលឆ្នាំ ក៏មាននៅក្នុងផ្សារខ្មែរទៀតផង។
-ឆាកធំ ជាកម្មវិធីប្រមូលផ្តុំដោយការសម្ដែងរបាំបុរាណ ច្រើនទម្រង់ ទស្សនីយភាពល្ខោនយីកេ ល្ខោនបាសាក់ ល្ខោនខោល អក្សរសិល្បនិទានរឿង សិល្បៈសៀកខ្មែរ និងផ្សេងៗទៀត ដែលប្រមូលផ្តុំដោយសិល្បករ សិល្ប ការិនីអាជីពរាប់ រយនាក់ សម្ដែងរយៈពេល ៣ថ្ងៃជាប់គ្នា។
ជាងនេះទៀត ក៏មានរោង DJ ដែលនឹងចាក់បទរាំងវង់ រាំចង្វាក់ប្រជាប្រិយខ្មែរ គ្រប់ប្រភេទ ជូនមហាជនរាំលេងកម្សាន្តផងដែរ៕
ដោយ៖ ថារី
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២៤ ម៉ោង agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ១ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៥ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី