ព័ត៌មានជាតិ

ក្មេងស្រីពីរនាក់ យកក្រដាសប្រាក់ដុល្លារក្លែងក្លាយចាយនៅផ្សារច្បារអំពៅ

បានផុស

៤ years មុន

នៅ

ថ្ងៃអង្គារ ១២ មករា ២០២១

ដោយ

មានការភ្ញាក់ផ្អើលទាំងព្រឹកព្រលឹម ខណៈដែលកម្លាំងការពារសន្តិសុខបេនឡានផ្សារច្បារអំពៅ ឃាត់ខ្លួនក្មេងស្រីវ័យ១២ទៅ១៣ឆ្នាំ ចំនួនពីនាក់ ដែលយកក្រដាស់ប្រាក់ដុល្លារក្លែងក្លាយមកចាយលើទីផ្សារ។

លោក ឡោ សុផល ប្រធានគ្រប់គ្រងបេនឡានច្បារអំពៅ បានឲ្យដឹងថា សកម្មភាពយកប្រាក់ដុល្លារក្លែងក្លាយ ប្រភេទក្រដាស់ប្រាក់៥០ដុល្លារ គឺប្រព្រឹត្តិធ្វើឡើងនៅវេលាម៉ោង៥ និង១០នាទីព្រឹកព្រលឹម ថ្ងៃទី១២ ខែមករា ឆ្នាំ២០២១នៅចំណុចបេនឡានច្បារអំពៅ ស្ថិតក្នុងភូមិកណ្តាល សង្កាត់ច្បារអំពៅទី២ ខណ្ឌច្បារអំពៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប្រធានគ្រប់គ្រងបេន បានបន្តថា នៅពេលកើតហេតុ គេបានឃើញក្មេងស្រី២នាក់ មានវ័យពី១២ ទៅ១៣ឆ្នាំបានយកលុយមកទិញត្រី ពីអ្នកលក់ត្រី ដោយយកក្រដាស់ប្រាក់៥០ដុល្លារមកទិញ។ពេលអ្នកលក់យកលុយពីក្មេងស្រីរួចអាប់ជាប្រាក់រៀល។ ដោយមានការសង្ស័យអ្នកលក់បានយកក្រដាស់ប្រាក់ដុល្លារ ដែលក្មេងស្រីទាំងពីរយកមកទិញនោះ ឃើញមានខ្នាតតូចជាងក្រដាស់ប្រាក់ត្រឹមត្រូវហើយនាំគ្នាភ្ញាក់ផ្អើល ខណៈនោះកម្លាំងសន្តិសុខបេន បានឃាត់យកមកសាកសួរ និងបានធ្វើការដកហូតលុយក្លែងក្លាយ ។

លោក ឡោ សុផល បានបញ្ជាក់ទៀតថា ដោយឃើញក្មេងស្រីក្នុងវ័យក្រោមអាយុ១៣ឆ្នាំ ក៏អនុញាតិ ឲ្យត្រឡប់ទៅផ្ទះវិញ ។

លោកប្រធានគ្រប់គ្រងបេន សំណូមពរដល់អាជ្ញាធរមានសមត្ថកិច្ចជួយចាត់វិធានការបង្ក្រាបជនដែលបានប្រើឲ្យក្មេងៗយកប្រាក់ដុល្លារក្លែងក្លាយមកចាយវាយលើទីផ្សារដែលបង្កឲ្យខាតបង់ដល់ប្រជាពលរដ្ឋដែលពុំស្គាល់ក្រដាស់ប្រាក់ដុល្លារនេះ៕

អត្ថបទ ៖ នរា

Related Topics:ខណ្ឌច្បារអំពៅ