ព័ត៌មានជាតិ

ខេត្តក្រចេះ មានតំបន់សេដ្ឋកិច្ចពិសេសមួយកន្លែង ទាក់ទាញវិនិយោគពីបរទេស

បានផុស

២ years មុន

នៅ

ថ្ងៃព្រហស្បតិ៍ ២ កុម្ភៈ ២០២៣

ដោយ

បើតាមការឱ្យដឹងរបស់លោក វ៉ា ថន អភិបាលនៃគណៈអភិបាលខេត្តក្រចេះបានឲ្យដឹងថា ខេត្តក្រចេះមានតំបន់សេដ្ឋកិច្ចពិសេសមួយកន្លែង ដែលបច្ចុប្បន្នមានរោងចក្រមួយចំនួនកំពុងដំណើរការផលិតកម្មទំនិញនាំចេញទៅក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទស្ដីពី «ភាពជោគជ័យរយៈពេល ៥ ឆ្នាំកន្លងមករបស់រដ្ឋបាលខេត្តក្រចេះ» កាលពីសប្ដាហ៍មុននេះលោក វ៉ា ថន អភិបាលខេត្តក្រចេះបានបញ្ជាក់ថា រដ្ឋាភិបាលបានអនុញ្ញាតិបង្កើតឲ្យមានតំបន់សេដ្ឋកិច្ចពិសេសមួយកន្លែងក្នុងខេត្តក្រចេះ ដែលមានទីតាំងស្ថិតនៅឃុំ ២ ធ្នូ ស្រុកស្នួល ដែលវិនិយោគលើផ្ទៃដី ៨១៧ ហិកតា។

បច្ចុប្បន្ននេះបានសាងសង់រោងចក្រ សហគ្រាស អគារអគារស្នាក់ចំនួន ៩ ទីតាំង ដំណើរការផលិតចំនួន ២ ក្រុមហ៊ុន និងកំពុងបន្តសាងសង់រោងចក្រសហគ្រាសអភិវឌ្ឍន៍ចំនួន ៤ ក្រុមហ៊ុន ព្រមទាំងក្រុមហ៊ុនចំនួន ៧ បន្ថែមទៀត បានចុះកិច្ចសន្យាដើម្បីវិនិយោគនៅតំបន់រដ្ឋបាលពិសេសនេះ។

លោកអភិបាលខេត្តបន្តថា តំបន់រដ្ឋបាលពិសេសខេត្តក្រចេះ សព្វថ្ងៃកំពុងរៀបចំដាក់ឱ្យមានមន្ត្រីចម្រុះប្រចាំការ បង្កើតជាការិយាល័យច្រកចេញចូលតែមួយដើម្បីសម្រួលដល់ការនាំទំនិញចេញ។

បើតាមលោកអភិបាលខេត្ត ខេត្តក្រចេះក្រៅពីមានតំបន់សេដ្ឋកិច្ចពិសេស ខេត្តក៏មានផែស្ងួតមួយកន្លែងស្ថិតនៅក្នុងស្រុកស្នួល ដែលជាកន្លែងដ៏សំខាន់សម្រាប់ចរាចរណ៍ផ្ទេរទំនិញចេញចូលតាមច្រកទ្វារព្រំដែនអន្តរជាតិត្រពាំងស្រែជាមួយប្រទេសវៀតណាម៕

ដោយ៖ ថារី

Related Topics:តំបន់សេដ្ឋកិច្ចពិសេស ខេត្តក្រចេះ