លោក ស ថេត៖ ក្នងនាមជានគរបាលជាតិត្រូវតែគោរព និងអនុវត្តវិន័យឲ្យបានត្រឹមត្រូវ

ក្នុងនាមជាកងកម្លាំងនគរបាលជាតិ គឺត្រូវតែគោរព និងអនុវត្តវិន័យរបស់កងកម្លាំងឲ្យបានខ្ជាប់ខ្ជួន ដើម្បីមុខម៉ាត់ និងកិត្តិយសរបស់នគរបាលជាតិ។ នេះជាការណែនាំរបស់លោក ស ថេត អគ្គស្នងការរង និងស្នងការនគរបាលរាជធានីភ្នំពេញ។

ក្នុងពេលដឹកនាំកងកម្លាំងប្រជុំជួរ និងគោរពទង់ជាតិ នៅព្រឹកថ្ងៃចន្ទនេះ លោក ស ថេត បាន ណែនាំដល់កងកម្លាំងទាំងអស់ត្រូវកាត់សក់ឲ្យខ្លី និងស្លៀកពាក់ស្អាតបាត សមរម្យជាកងកម្លាំងនគរបាលជាតិ។ លោក  ស ថេត បន្ថែមថា កត្តាដែលសំខាន់នោះ គឺការចូលរួមគោរព និងអនុវត្តវិន័យរបស់កងកម្លាំងឲ្យបានខ្ជាប់ខ្ជួន ដើម្បីមុខម៉ាត់ និងកិត្តិយសរបស់នគរបាលជាតិ។

ការណែនាំបែបនេះគឺមិនមែនជាលើកទី១ឡើយ តែជារឿយៗ ជាពិសេសក្នុងពេលដឹកនាំការគោរពទង់ជាតិនៅស្នងការ ដ្ឋាននគរបាលរាជធានីភ្នំពេញ លោក ស ថេត តែងតែបានណែនាំដល់លោក-លោកស្រីជាស្នងការរង លោក-លោកស្រីនាយការិយាល័យ និងកងកម្លាំងនគរបាលរាជធានីភ្នំពេញត្រូវប្រកាន់នូវវិន័យ និងបំពេញភារកិច្ចប្រកបដោយការទទួលខុសត្រូវ ​មាន​សាមគ្គីភាព​ផ្ទៃក្នុង​ ដើម្បីធានារក្សាបាននូវសេចក្ដីថ្លៃថ្នូរក្នុងនាមជាកងកម្លាំងនគរបាលជាតិ៕

ដោយ៖ ធឿន វ៉ាន់សុង