ព័ត៌មានជាតិ
ជនក្លែងបន្លំសញ្ញាបត្រវេជ្ជបណ្ឌិត បើចាប់បានអាចជាប់ពន្ធនាគារប៉ុន្មានឆ្នាំ?
សមត្ថកិច្ចកំពុងស្រាវជ្រាវរកតាមចាប់ខ្លួនជនសង្ស័យ ៣ នាក់ដែលបានក្លែងបន្លំសញ្ញាបត្រវេជ្ជបណ្ឌិតពេទ្យ នៅខេត្តកំពង់ស្ពឺ។
ការស្រាវជ្រាវតាមចាប់ខ្លួន បានធ្វើឡើងបន្ទាប់ពី គណៈគ្រូពេទ្យកម្ពុជា រកឃើញករណីក្លែងបន្លំករណីប្រើប្រាស់សញ្ញាបត្រវេជ្ជបណ្ឌិតក្លែងក្លាយ ដែលយកទម្រង់តាមសញ្ញាបត្រ របស់សាកលវិទ្យាល័យវិទ្យាសាស្ត្រសុខាភិបាល។
លោកសាស្ត្រាចារ្យ ធា គ្រុយ រដ្ឋលេខាធិការ ក្រសួងសុខាភិបាល និងជាប្រធានក្រុមប្រឹក្សាគណៈគ្រូពេទ្យជាតិ បានប្រាប់កម្ពុជាថ្មីថា បញ្ហានេះ គណៈគ្រូពេទ្យកម្ពុជា បានប្រគល់ឲ្យប្រធានក្រុមប្រឹក្សាគណៈគ្រូពេទ្យខេត្ត ចាត់វិធានការតាមផ្លូវច្បាប់ នឹងដកហូតសញ្ញាបត្រ ឈ្មោះ សាយ សុវណ្ណ ម៉ក់ សុខជា និងខា វ៉េងហួត។
លោក សម សាមួន ស្នងការនគរបាលខេត្តកំពង់ស្ពឺ បានប្រាប់កម្ពុជាថ្មីដែរថា សមត្ថកិច្ចកំពុងធ្វើចំណាត់ការលើបញ្ហានេះ។
យោងតាមមាត្រា ៦២៩ នៃក្រមហ្មទណ្ឌ ការក្លែងបន្លំឯកសារសាធារណៈ គឺជាបទល្មើសឧក្រិដ្ឋ ត្រូវផ្តន្ទាទោសដាក់ពន្ធនាគារ ពី ៥ ឆ្នាំ ដល់ ១០ ឆ្នាំ។
សូមរម្លឹកថា ជនសង្ស័យ៣នាក់ មានឈ្មោះ សាយ សុវណ្ណ ម៉ក់ សុខជា និងខា វ៉េងហួត នៅខេត្តកំពង់ស្ពឺ បានក្លែងបន្លំសញ្ញាបត្រវេជ្ជបណ្ឌិត ដែលបានយកទម្រង់តាមសញ្ញាបត្ររបស់សាកលវិទ្យាល័យវិទ្យាសាស្ត្រសុខាភិបាល ត្រូវបានក្រុមប្រឹក្សាគណៈគ្រូពេទ្យជាតិស្នើសុំការផ្ទៀងផ្ទាត់ពីសាកលវិទ្យាល័យវិទ្យាសាស្ត្រសុខាភិបាល ដោយរកឃើញថា សញ្ញាបត្រវេជ្ជបណ្ឌិតរបស់អ្នកទាំង៣ពុំមែនជាសញ្ញាបត្រដែលចេញដោយសាកលវិទ្យាល័យវិទ្យាសាស្ត្រសុខាភិបាលនោះ ទេ។
គណៈគ្រូពេទ្យជាតិ ស្នើឲ្យក្រុមប្រឹក្សាគណៈគ្រូពេទ្យខេត្តកំពង់ស្ពឺ មានវិធានការទៅលើជនសង្ស័យទាំង៣នាក់ដោយដកហូតសញ្ញាបត្រដើមរបស់ ពួកគេ នឹងចាត់វិធានការតាមផ្លូវច្បាប់ដែលមានចែងក្នុងក្រមព្រហ្មទណ្ឌ ស្តីពីការក្លែងបន្លំឯកសារ៕
អត្ថបទ៖ ឡេង ដេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ