ព័ត៌មានជាតិ

ចង់ដឹងទេតើមានសាលាប៉ុន្មាន ដែលមិនទាន់បានចូលរៀននៅឆ្នាំសិក្សាថ្មីនេះ?

បានផុស

៤ years មុន

នៅ

ថ្ងៃអង្គារ ១២ មករា ២០២១

ដោយ

ភ្នំពេញ ៖ ទោះបីជាក្រសួងអប់រំយុវជននិងកីឡាបានប្រកាសបើកបវេសនកាលឆ្នាំសិក្សាថ្មី២០២០ ២០២១កាលពីថ្ងៃទី១១ ខែមករា ឆ្នាំ២០ ២១ក៏ដោយក៏មានសាលាចំនួន៤៤នៅរាជធានីខេត្តចំនួន៨នៅទូទាំងប្រទេសនៅមិនទាន់អាចបើកទ្វារទទួលសិស្សឲ្យចូលរៀននៅឡើ យទេដោយសារសាលាទាំងនោះជាប់ជាមណ្ឌលធ្វើចត្តាឡីស័ក។

លោក រស់ សុវាចា អ្នកនាំពាក្យក្រសួងអប់រំយុវជននិងកីឡាបានឲ្យដឹងនៅរសៀលថ្ងៃទី១២មករានេះថាសាលាចំនួន៤៤ ដែលជាប់ជាមណ្ឌលចត្តាឡីស័កនោះ មាន១សាលានៅរាជធានីភ្នំពេញខេត្តបន្ទាយមានជ័យមាន៩សាលាក្នុងនោះសាលាបឋមសិក្សា១ និងវិទ្យាល័យ៨សាលា។

ខេត្តបាត់ដំបងមាន១១សាលា ក្នុងនោះអនុវិទ្យាល័យ៤សាលានិងវិទ្យាល័យ៧សាលា។ខេត្តកណ្តាលមាន៧សាលា ក្នុងនោះអនុវិទ្យាល័យ១និងវិទ្យាល័យ៦។ ខេត្តសៀមរាបមាន៣ក្នុងនោះសាលាបឋមសិក្សា១ អនុវិទ្យាល័យ១និងសាលាគរុកោលស្យ១។ ខេត្តឧត្តរមានជ័យមាន១០សាលា ក្នុងនោះសាលាបឋមសិក្សា២ អនុវិទ្យាល័យ១និងវិទ្យាល័យចំនួន៧និងខេត្តត្បូងឃ្មុំមាន១វិទ្យាល័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ទោះបីជាសាលាទាំងនោះជាប់ជាមណ្ឌលចត្តាឡីស័កក៏បវេសនកាលឆ្នាំសិក្សាថ្មីនេះនៅតែដំណើរការចុះឈ្មោះសិស្សចូលរៀនជាធម្មតា ដោយសាលារៀនដែលមានសិស្សតិចបានផ្ញើសិស្សឲ្យរៀននៅសាលាផ្សេងដែលមានទីតាំងនៅក្បែរៗនោះហើយសាលារៀនដែលមានសិស្សច្រើន ត្រូវបានរៀបចំឱ្យរៀនតាមបណ្តុំតូចៗ និងរៀនតាមអនឡាញ។ចំណែកសាលាខ្លះទៀតក្រសួងបានអនុញ្ញាតឲ្យប្រើប្រាស់ផ្ទះនាយក នាយករង ឬផ្ទះគ្រូបង្រៀនដែលនៅជិតដើម្បីចុះឈ្មោះសិស្ស។

បច្ចុប្បន្ននេះកម្ពុជា មានគ្រឹះស្ថានមត្តេយ្យសិក្សា គ្រឹះស្ថានសិក្សាចំណេះទូទៅនិងគ្រឹះស្ថានឧត្តមសិក្សាទាំងសាធារណៈ និងឯកជនមានប្រមាណ ១៨១២៥កន្លែងដោយមានសិស្សនិស្សិតសរុបប្រមាណជិត៤លាននាក់។

ក្នុងចំណោមសាលាទាំងនោះសាលាមត្តេយ្យសិក្សាសហគមន៍មាន ៣ពាន់កន្លែង គ្រឹះស្ថានសិក្សាចំណេះទូទៅសាធារណៈ ១៣,៥០០និងគ្រឹះស្ថានសិក្សាឯកជន ១,៥០០៕

ដោយ ៖ សំអឿន