ព័ត៌មានជាតិ
ឧត្តមសេនីយ៍ឯក ឌី វិជ្ជា ទាត់ចោលការលាបពណ៌របស់លោក ប៉ាង សុខឿន និងថា មិនជាប់ពាក់ព័ន្ធដីដែលព័ទ្ធរបងលើឆ្នេរឡើយ
ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងរងនគរបាលជាតិ និងជាប្រធាននាយកដ្ឋានកណ្តាលសន្តិសុខ បានចេញមកទាត់ចោលនូវការចោទប្រកាន់ និងលាបពណ៌របស់ជនពូកែលាបពណ៌ ប៉ាង សុខឿន ដែលថា ដីដែលព័ទ្ធរបងលើឆ្នេរអូឈើទាល ខេត្តព្រះសីហនុ ជាកម្មសិទ្ធិរបស់ឯកឧត្តម និងលោកជំទាវ ហ៊ុន ម៉ាណា។ ឯកឧត្តម ឌី វិជ្ជា បានទាមទារលោក ប៉ាង សុខឿន ឲ្យបង្ហាញភស្តុតាងនៃការចោទប្រកាន់របស់ខ្លួន ដោយកុំចេះតែដើរលាបពណ៌គេឯងទាំងទទឹងទិសបែបនេះ។

ឯកឧត្តម ឧត្តមសេនីយ៍ឯក ឌី វិជ្ជា បានផ្តល់សម្ភាសផ្តាច់មុខដល់សារព័ត៌មាន«កម្ពុជាថ្មី»នៅល្ងាចថ្ងៃព្រហស្បតិ៍នេះថា ការចោទប្រកាន់របស់ជន ប៉ាង សុខឿន នេះ គឺជាការចោទប្រកាន់ដែលគ្មានមូលដ្ឋាន និងគ្មានភស្តុតាងបញ្ជាក់អ្វីទាល់តែសោះ។ ឧត្តមសេនីយ៍ឯក ឌី វិជ្ជា គូសបញ្ជាក់បែបនេះថា ៖«ខ្ញុំសុំឲ្យគាត់(ប៉ាង សុខឿន) បង្ហាញភស្តុតាងទៅ ហើយបើថាដីហ្នឹងជាដីរបស់ខ្ញុំ ខ្ញុំជូនដៃ២ ហើយបើមិនមែនជារបស់ខ្ញុំទេ ហើយមកនិយាយបំផ្លើសពីការពិត បង្ខូចកេរ្តិ៍ឈ្មោះរបស់គេទេ ប្រយ័ត្នបាប!»។

ការចេញមកទាត់ចោលរបស់ឧត្តមសេនីយ៍ឯក ឌី វិជ្ជា នេះ គឺបន្ទាប់ពីលោក ប៉ាង សុខឿន ដែលជាមនុស្សរត់ទៅជ្រកកោននៅស្រុកគេ និងជាជនដែលល្បីខាងលាបពណ៌ និងមួលបង្កាច់គេឯងនោះ បានសរសេរចោទប្រកាន់លើទំព័រហ្វេសប៊ុករបស់ខ្លួនថា ដីដែលហ៊ុមព័ទ្ធរបងចូលឆ្នេរសមុទ្រក្នុងខេត្តព្រះសីហនុ មិនមែនជាកម្មសិទ្ធិរបស់ឧកញ៉ា ស៊ី គង់ទ្រី តែបែរជាមកចោទថា ជារបស់ឯកឧត្តម ហុក ឡងឌី ដែលឪពុករបស់ឧត្តមសេនីយ៍ឯក ឌី វិជ្ជា ទៅវិញ។ ជនរូបនេះ ថែមទាំងប្រឌិតទៀតថា ក្រោយមរណភាពរបស់ឯកឧត្តម ហុក ឡងឌី ដីនោះ បានក្លាយជាកម្មសិទ្ធិរបស់ឯកឧត្តម ឌី វិជ្ជា និង លោកជំទាវ ហ៊ុន ម៉ាណា។

សម្រាប់ឯកឧត្តម ឧត្តមសេនីយ៍ឯក ឌី វិជ្ជា នេះ គឺជាការប្រឌិតទាំងស្រុង ដោយសារតែឯកឧត្កម និងលោកជំទាវ មិនជាប់ពាក់ព័ន្ធសូម្បីតែបន្តិចសោះជាមួយដីនោះ។ ឧត្តមសេនីយ៍ឯក ឌី វិជ្ជា បានប្រាប់ឲ្យបុគ្គល ប៉ាង សុខឿន ឬ ខែ្មរ សុវណ្ណភូមិនេះ ឈប់ប្រើចរិត និងទម្លាប់ដ៏អាក្រក់ ដើរតែលាបពណ៌គេ គឺបើឈប់បាន ឈប់ទៅ៕
ដោយ៖ វណ្ណ សុគន្ធា

-
ព័ត៌មានជាតិ១ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៩ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម៧ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល