Connect with us

ព័ត៌មានជាតិ

ខេត្ត​កំពង់ធំ​ជាប់លេខ​ ១ ទូទាំង​ប្រទេស ផ្តល់​​សេវា​សាធារណៈ​​​ច្រើនជាងគេ​

បានផុស

នៅ

ក្នុង​សន្និសីទ​សារព័ត៌មាន​ស្តីពី «ភាព​ជោគជ័យ​រយៈពេល​ ៥​ ឆ្នាំ របស់​រដ្ឋបាលខេត្តកំពង់ធំ» នា​ព្រឹក​ថ្ងៃ​ទី១៤ ខែ​កុម្ភៈ​នេះ លោក ងួន​ រតនៈ​ អភិបាល​​នៃ​គណៈអភិបាល​ខេត្ត​កំពង់ធំបាន​អះអាង​ថា បន្ទាប់​ពី​រដ្ឋបាល​ខេត្តបាន​ដាក់​ឱ្យ​ដំណើរ​ការ​អង្គភាព​ច្រក​ចេញ​ចូល​តែ​មួយ​​រយៈ​ពេល ២ ​ឆ្នាំ​ចុង​ក្រោយ​ ខេត្ត​កំពង់ធំ​ទទួល​បាន​ចំណាត់​ថ្នាក់​លេខ ១​ ជា​ខេត្ត​ផ្ដល់​សេវា​សាធារណៈ​បា​នច្រើន​ជាង​គេ​ទូទាំង​ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែង​ក្នុង​ឱកាស​នោះ លោក ងួន រតនៈ បាន​មាន​ប្រសាសន៍​ថា ចំពោះ​កម្មវិធីកំណែ​ទម្រង់​ ខេត្ត​បាន​ទទួល​មុខ​ងារក៏ដូច​ជាការ​​​ប្រតិភូកម្ម​លើ​ ១៤ ​វិស័យរបស់​ស្ថាប័ន​ពាក់ព័ន្ធ។

លោក​អភិបាល​ខេត្ត​បាន​បញ្ជាក់ថា មក​ទល់​បច្ចុប្បន្ន​នេះរដ្ឋបាល​​ខេត្ត​បាន​រៀប​ចំ​ដាក់​ដំណើរ​ការ​អង្គភាព​ច្រក​ចេញចូល​តែមួយខេត្ត និង​ការិយាល័យ​ច្រកចេញចូល​តែ​មួយ​បាន​គ្រប់​ក្រុង/ស្រុក រហូត​ដល់​ថ្នាក់​ ឃុំ/សង្កាត់។ ​អ្វីដែលជាចំណុចគួរឱ្យសម្គាល់​បំផុត គឺ​ខេត្តកំពង់ធំទទួលបានចំណាត់ថ្នាក់លេខ ១ ជា​ខេត្ត​ដែល​បាន​ផ្តល់​សេវាសាធារណៈ​ដល់​ប្រជាពលរដ្ឋបានច្រើន​ជាង​គេ​នៅ​ក្នុង​ប្រទេស​ ក្នុង​រយៈពេល ២​ ឆ្នាំ​ចុង​ក្រោយនេះ។

ក្នុង​រយៈ​ពេល ៥ ឆ្នាំ​កន្លង​មក​នេះ អង្គភាព​ច្រក​ចេញចូល​តែ​មួយ​របស់​រដ្ឋបាល​ខេត្ត បាន​ផ្ដល់​សេវា​ដល់ប្រជាពលរដ្ឋ​នៅក្នុង​ខេត្ត​សរុប​ចំនួន ១៩៨.៦៥៨ សេវា ស្មើ​​ថវិកា​ចំនួន ៨.៥៣៧.១៣០.៤៥៧រៀល។ បើ​តាមលោក​អភិបាល​ ចំណុច​ដែល​នាំ​ឱ្យ​រដ្ឋបាល​ខេត្ត​អាច​ទទួល​បាន​ចំណាត់​ថ្នាក់​លេខ​ ១​ ក្នុង​ពេល​ ២​ឆ្នាំ​ចុង​ក្រោយ​ ក៏​ព្រោះ​​មន្ត្រីរាជការ​ទាំង​អស់​របស់​ខេត្ត​បាន​ខិតខំប្រឹងប្រែង​អនុវត្ត​បាន​យ៉ាង​ល្អនូវ​​នីតិវិធី គោល​ការណ៍​នានា ដែល​ក្រសួង​មហា​ផ្ទៃ​ព្រម​ទាំង​ក្រសួង​ស្ថាប័ន​បាន​ដាក់​ចេញ ពិសេស​ទាក់ទង​បរិបទ​ការងារ ដែល​អាច​ឱ្យ​ប្រជាពលរដ្ឋ​មាន​ការ​ចូលរួមបាន​យ៉ាង​ច្រើន​​ជា​មួយ​សេវា​ច្រក​ចេញ​តែ​មួយ​របស់​ខេត្ត៕

​​

ដោយ៖ ថារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Guo Jiakun
នយោបាយ១១ នាទីutes មុន

ប្រទេសចិនមិនអនុញ្ញាតឱ្យមានការប្រមាថណាមួយប៉ះពាល់ដល់មិត្តភាពជាមួយកម្ពុជា

ព័ត៌មានជាតិ៤០ នាទីutes មុន

អ្នកនាំពាក្យ និងមន្រ្តីផ្នែកព័ត៌មានជាង៣ពាន់នាក់ក្នុងខេត្តចំនួន៩ ទទួលបានការបណ្តុះបណ្តាលក្នុងឆ្នាំ២០២៤

ព័ត៌មានជាតិ១១ ម៉ោង មុន

នៅរាត្រីថ្ងៃសៅរ៍ទី០៨ ខែកុម្ភៈ​នេះ ភ្ញៀវជាតិ-អន្តរជាតិមកដើរលេងកំសាន្តនៅផ្លូវថ្មើរជើង (Walk Street) ច្រើន បើប្រៀបធៀប សប្តាហ៍មុន

ព័ត៌មានជាតិ១២ ម៉ោង មុន

លោក ឃួង ស្រេង ៖ សិទ្ធិមនុស្ស ត្រូវ​បាន​សម្តេចតេជោ ហ៊ុន សែន ផ្តល់ជូនប្រជាជនកម្ពុជាតាំងពីឆ្នាំ១៩៧៩មកម្ល៉េះ

ព័ត៌មានជាតិ១៣ ម៉ោង មុន

តុលាការដោះលែង បុគ្គល ពេជ ពិសិដ្ឋ ឱ្យមានសេរីភាពឡើងវិញ បន្ទាប់ពីទទួលស្គាល់កំហុសថាបានប្រមាថថ្នាក់ដឹកនាំរដ្ឋាភិបាល

Sokha Hotels

ព័ត៌មានពេញនិយម