ព័ត៌មានជាតិ
ផ្លូវល្បឿនលឿន ភ្នំពេញ-បាវិត នឹងបើកការដ្ឋានសាងសង់យ៉ាងយូរពាក់កណ្តាលឆ្នាំនេះ
លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន អះអាងថា មិនមានការពន្យាពេលសាងសង់ផ្លូវល្បឿនលឿន ភ្នំពេញ-បាវិត នោះទេ យ៉ាងយូរត្រឹមខែមិថុនា ឆ្នាំ២០២៣ នឹងបើកដំណើរការការដ្ឋានសាងសង់។ លោកថ្លែងបែបនេះ នៅក្នុង សន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងសាធារណការ និងដឹកជញ្ជូន នាព្រឹកថ្ងៃទី ១៥ កុម្ភៈ ២០២៣។

បើតាមប្រសាសន៍ រដ្ឋមន្ត្រីក្រសួងសាធារណការ និងដឹកជញ្ជូន ក្រុមហ៊ុន China Communications Constructions Company (CCCC) បានសន្យាជាមួយ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ថា នឹងបើកការដ្ឋានសាងសង់ យ៉ាងយូរនៅពាក់កណ្តាលឆ្នាំនេះ ពោលគឺខែមិថុនា ឆ្នាំ២០២៣ ហើយនឹងបញ្ចប់ការសាងសង់ នៅក្នុងឆ្នាំ២០២៧ ដើម្បីឲ្យស្របពេលជាមួយគម្រោងផ្លូវល្បឿនលឿន ហូជីមិញ-ម៉ុកបៃ។
ការលើកឡើងរបស់លោករដ្ឋមន្ត្រីនេះ គឺបន្ទាប់ពីមានមតិមួយចំនួនព្រួយបារម្ភ ពីការដែលមិនឃើញ មានការចុះហត្ថាលេខា។ លោកថា ចំពោះការចុះហត្ថាលេខារវាងក្រុមហ៊ុន និងក្រសួងសាធារណការ អាចធ្វើពេលណាក៏បាន ក៏ប៉ុន្តែក្រសួងចង់ធ្វើរឿងនេះ នៅចំពោះមុខថ្នាក់ដឹកនាំប្រទេសទាំងពីរ ដូចនេះ គឺកំពុងនៅរង់ចាំនិតិវិធីផ្ទៃក្នុង។
បើតាមលោក ស៊ុន ចាន់ថុល មូលហេតុដែលពន្យាពេលលើការចុះហត្ថាលេខានេះ គឺដោយសារតែ មានការរាំងស្ទះនៃវិបតិ្តជំងឺកូវីដ១៩ នៅប្រទេសចិន ។ លោកបន្តថា សម្តេចតេជោ ហ៊ុន សែន ក៏បានស្នើទៅភាគីចិនរួចរាល់ហើយ ដើម្បីឲ្យជួយជម្រុញនិតិវិធីនេះឲ្យកាន់តែឆាប់រហ័ស ឯគ្រឿងចក្រ គឺមានបញ្ជូនទៅទីតាំងបើកការដ្ឋានបណ្តើរៗហើយដែរ។
លោកថា គម្រោងនេះ គឺជាគម្រោងសហប្រតិបត្តិការរវាង រាជដ្ឋាភិបាល និងឯកជន Public Private Partnership (PPP) ហើយការផ្តួចផ្តើមគម្រោងនេះឡើង គឺជារឿងត្រឹមត្រូវ។
ម៉្យាងវិញទៀត ដោយសារតែក្រុមហ៊ុននេះ នឹងមានសាងសង់ផ្លូវត្រើយខាងកើត ប្រវែងប្រមាណ ១៣៥គីឡូម៉ែត្រ ទើបប្រមុខរាជរដ្ឋាភិបាល សម្រេចនឹងសាងសង់ស្ពានឆ្លងទន្លេមេគង្គមួយបន្ថែមទៀត ដោយថវិកាជាតិផ្ទាល់ តភ្ជាប់ជាមួយនឹងផ្លូវល្បឿនល្បឿន ដើម្បីឲ្យប្រជាជនអាចឆ្លងពីត្រើយខាងលិច ទៅល្វាឯមត្រើយខាងកើតបានងាយស្រួល និងពុំចាំបាច់បង់លុយ៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ