ព័ត៌មានជាតិ

ជនបរទេស ០៨ នាក់ ធ្វើចត្តាឡីស័ករួច បញ្ជូនទៅអន្តោប្រវេសន៍ ធ្វើនីតិវិធីបន្ត

បានផុស

៤ years មុន

នៅ

ថ្ងៃពុធ ១៣ មករា ២០២១

ដោយ

សមត្ថកិច្ចអន្តោប្រវេសន៍បានឲ្យដឹងថា នៅព្រឹកថ្ងៃទី១៣ ខែមករា ឆ្នាំ២០២១នេះ ជនបរទេសជាជនជាតិវៀតណាមចំនួន០៨នាក់ ដែលឆ្លងដែនចូលមកកម្ពុជា ដោយខុសច្បាប់ ត្រូវបានរៀបចំបញ្ជូនទៅកាន់អគ្គនាយកដ្ឋានអន្តោប្រវេសន៍ក្រសួងមហាផ្ទៃ ដើម្បីអនុវត្តតាមនីតិវិធីក្រោយពីពួកគេបានបំពេញចត្តាឡីស័ករួចរាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពខាងលើបន្តថា ការរៀបចំបញ្ជូនជនបរទេសវៀតណាមចំនួន០៨នាក់ ទៅនាយកដ្ឋានជំនាញនាពេលនេះ បន្ទាប់ពីពួកគេបានធ្វើដំណើរពីក្នុងទឹកដីនៃព្រះរាជាណាចក្រថៃឆ្លងចូលមកក្នុងព្រះរាជាណាចក្រកម្ពុជា តាមច្រករបៀងក្នុងស្រុកកំរៀងខេត្តបាត់ដំបង ដោយខុសច្បាប់ហើយត្រូវបានសមត្ថកិច្ចនៅទីនោះធ្វើការពិនិត្យនិងបានដាក់ឲ្យពួកគេធ្វើចត្តាឡីស័ករយៈពេល១៤ថ្ងៃរួចរាល់ហើយ។ ក្រោយពីរយៈពេលធ្វើចត្តាឡីស័កគម្រប់១៤ថ្ងៃ ជនបរទេសវៀតណាមទាំង៨នាក់នេះ មិនមានករណីកូវីដ-១៩នោះទេ ដោយលទ្ធផល(អវិជ្ជមាន)ទើបសមត្ថកិច្ចរៀបចំបញ្ជូនពួកគេទៅកាន់នាយកដ្ឋានជំនាញ ដើម្បីអនុវត្តតាមនីតិវិធី៕