ព័ត៌មានជាតិ

អាវុធហត្ថរាជធានី បន្តទឹកចិត្តចែករំលែកក្តីអាណិតស្រឡាញ់ដល់ជំនួយការភូមិ ដែលធ្លាក់ខ្លួនមានជំងឺ

បានផុស

៤ years មុន

នៅ

ថ្ងៃពុធ ១៣ មករា ២០២១

ដោយ

មន្ត្រីជាន់ខ្ពស់របស់កងកម្លាំងអាវុធហត្ថរាជធានីភ្នំពេញបានថ្លែងមុននេះថា ទឹកចិត្តសប្បុរសធម៌ មេត្តាធម៌ និងវប្បធម៌ចែករំលែកក្តីស្រឡាញ់ តែងតែដក់ជាប់ក្នុងបេះដូងមេបញ្ជាការមេបញ្ជាការរងកងរាជអាវុធហត្ថរាជធានីគ្រប់ៗរូប ដើម្បីអនុវត្តជាទំនៀមទម្លាប់ប្រពៃណីដោយមិនរើសអើងក្នុងមានខ្មែរតែមួយ។

ជាក់ស្ដែងនាថ្ងៃម្សិលមិញលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាល ចុះជួយខណ្ឌដង្កោក្រោយទទួលព័ត៌មានភ្លាមក៏ចាត់ឲ្យក្រុមការងារជាតំណាងដែលមានលោក កន សុកេន ចៅសង្កាត់ព្រែកកំពឹស ព្រមទាំងសហការីបាននាំយកអំណោយ ទៅសួរសុខទុក្ខលោកស្រី ហង្ស សំបូរ ជំនួយការភូមិព្រែករទាំង ដែលមានជំងឺកំពុងសម្រាកព្យាបាលនៅគេហដ្ឋាន។ សមាជិកអាវុធហត្ថគ្រប់ៗរូប ដែលប្រតិបត្តិជាហូរហែរួចមកហើយមិនថាតែអាវុធហត្ថឬពលរដ្ឋនោះឡើយ ឲ្យតែពួកគាត់ជួបគ្រោះអាសន្នឬទុក្ខលំបាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះ ក្រុមការងារបាននាំយកថវិកាចំនួន ១,០០០,០០០រៀល (មួយលានរៀល) ក្នុងនោះថវិកាសង្កាត់ចូលរួម ៤០០,០០០៛, ទឹកសុទ្ធ និងភេសជ្ជៈចម្រុះចំនួន ០៤កែស, មី០២កេស ទៅជូនជាអំណោយសួរសុខទុក្ខ និងទុកជាការចែករំលែក សម្រាលបន្ទុកគ្រួសារក្នុងការសម្រាកព្យាបាល ផងដែរ៕

អត្ថបទ៖ វិមាន