​ខេត្តកំពតមានសក្ដានុពលអ្វីខ្លះ​ទាក់ទាញកំណើនទេសចរ?

ខេត្តកំពតជាខេត្តមួយ​ប៉ូលទេសចរមួយលាតសន្ធឹងប្រវែង ៦៥ គីឡូម៉ែត្រជាប់មាត់សមុទ្រ មានតំបន់ទេសចរណ៍ ៣ ប្រភេទគឺតំបន់ទេសចរណ៍តាមភ្នំ តំបន់ទំនាបកណ្ដាល និងតំបន់ទេសចរណ៍តាមឆ្នេរ ដែលមានសក្ដានុពលទាក់ទាញទេសចរខ្លាំង។

តំបន់ភ្នំ

ដោយសារតែស្ថានភាព និងលក្ខណៈភូមិសាស្ត្រអំណោយផល នៅតាមតំបន់ភ្នំ ដែលមានទេសចរជាតិ និងអន្តរជាតិទៅលេងច្រើន ការដើរកម្សាន្ត បោះតង់ស្រូបខ្យល់អាកាសនៅលើភ្នំជាដើម ជាពិសេសនៅស្រុកជុំគិរី និងស្រុកឈូក និងតាមបណ្ដាភ្នំមួយចំនួន​។

តំបន់ទំនាបកណ្ដាល

ក្នុងខេត្តកំពតមានដៃព្រែកធំៗចំនួន ១៣ ដែលហូរធ្លាក់ពីតំបន់ខ្ពស់សំដៅឆ្ពោះទៅឆ្នេរសមុទ្រ ឆ្នេរទាំងអស់នោះ គឺមានសក្ដានុពលប្រណិត ដែលបម្រើឱ្យវិស័យទេសចរជាតិ និងអន្តរជាតិនៅតាមដងព្រែកទាំងអស់នោះ គឺបម្រើទៅឱ្យការស្នាក់នៅរបស់ទេសចរណ៍ជាតិ និងអន្តរជាតិដែល​ស្រូបយកអាកាសធាតុ និងបរិស្ថានល្អទៅលើទឹកដី នៃខេត្តកំពត​ដោយសារនៅលើដងព្រែកមានខ្យល់បរិសុទ្ធបក់ធ្លាក់មកពីកំពូលភ្នំបូកគោ។ នៅលើដងព្រែក មានសណ្ឋាគារ ភោជនីយដ្ឋាន បឹងហ្គាឡូ អាហារដា្ឋនគ្រប់បែបយ៉ាង ដើម្បី​ទាក់ទាញបម្រើការទាក់ទាញទេសចរ។

តំបន់ឆ្នេរ

កន្លងមកខេត្តកំពតមិនមានឆ្នេរទេ ឥឡូវរដ្ឋបាលខេត្ត បានអភិវឌ្ឍឆ្នេរជាប់ព្រែកកំពតដោយបានដាក់ឱ្យដំណើរការ និងកំពុងមានការពេញនិយម នៅតាមឆ្នេរនោះគឺទេសចរអាចទទួលទានអាហារពេលល្ងាច មើលថ្ងៃលិច ដែលមានលក្ខណៈប្រណិត ដែលប៉ប្រះនឹងភ្នំបូកគោប្រកបដោយខ្យល់អាកាសល្អ។ ទិសដៅពេលខាងមុខនេះ រដ្ឋបាលខេត្តនឹងបង្កើតឆ្នេរថ្មីៗទៀត ដើម្បីទាក់ទាញទេសចរ។

អំឡុងពេលបុណ្យអុំទូកនៅឆ្នាំ ២០២២ ខេត្តកំពតទទួលបានទេសចរជាតិ និងអន្តរជាតិ ៦០ ម៉ឺននាក់ ខណៈបុណ្យឆ្លងឆ្នាំសាកលទទួលបានទេសចរ ៤០ ម៉ឺននាក់ ដែលជាកំណើដ៍ខ្ពស់ ក្រោយពេលធូរស្រាលជំងឺកូវីដ១៩៕