ព័ត៌មានជាតិ

មិត្តហ្វូន អបអរគម្រប់ខួប ១៤ ឆ្នាំ ៖ ចក្ខុវិស័យបង្កើតការអភិវឌ្ឍប្រកបដោយចីរភាព

បានផុស

២ years មុន

នៅ

ថ្ងៃសុក្រ ១៧ កុម្ភៈ ២០២៣

ដោយ

ក្រុមហ៊ុនវៀតធេល ខេមបូឌា (មិត្តហ្វូន) ជាកម្មសិទ្ធិរបស់ក្រុមហ៊ុន Viettel Group បានបើកសម្ពោធម៉ាកយីហោ មិត្តហ្វូន ជាផ្លូវការនៅថ្ងៃទី ១៩ ខែកុម្ភៈ ឆ្នាំ ២០០៩។ ក្នុងរយៈពេល ១៤ ឆ្នាំ នៃការអភិវឌ្ឍ ក្រុមហ៊ុនមិត្តហ្វូន កំពុងរីកចម្រើនកាន់តែខ្លាំង និងបានកសាងជំហរ កិត្យានុភាព និងម៉ាកយីហោរបស់ខ្លួនក្នុងវិស័យបច្ចេកវិទ្យា និងទូរគមនាគមន៍នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីមានលទ្ធភាពនៅក្នុងទីផ្សារប្រកួតប្រជែងកាន់តែខ្លាំង និងបំពេញតម្រូវការទីផ្សារអតិថិជនកាន់តែច្រើនឡើង ក្រុមហ៊ុន បានបង្កើតយុទ្ធសាស្ត្រផ្ទាល់របស់ខ្លួនបន្តិចម្តងៗ ដែលក្នុងនោះផ្តោតលើការវិនិយោគលើការអភិវឌ្ឍផលិតផល និងការអនុវត្តដំណោះស្រាយបច្ចេកវិទ្យាថ្មីៗ។

ក្នុងរយៈពេល ១៤ ឆ្នាំ នៃប្រតិបត្តិការអាជីវកម្ម មិត្តហ្វូនបច្ចុប្បន្នជាប្រតិបត្តិករទូរគមនាគមន៍ធំជាងគេក្នុងប្រទេសកម្ពុជា និងមានចំណែកទីផ្សារជិត ៥០% ដែលមានអតិថិជនប្រើប្រាស់ជាង ៩ លាននាក់។ ទោះបីជាឧស្សាហកម្មទូរគមនាគមន៍ពិភពលោកមានការកើនឡើងក៏ដោយ មិត្តហ្វូននៅតែបន្តរក្សាសន្ទុះកំណើនរបស់ខ្លួនទាក់ទងនឹងប្រាក់ចំណូល ដែលបច្ចុប្បន្នក្រុមហ៊ុនមានតម្លៃរហូតដល់ ១ ពាន់លានដុល្លារអាមេរិក។ មិត្តហ្វូន បច្ចុប្បន្នគឺជាក្រុមហ៊ុនមួយក្នុងចំណោមអ្នកបង់ពន្ធធំជាងគេទាំង ៥ សម្រាប់រដ្ឋាភិបាល និងសង្គមកម្ពុជា។

រយៈពេល ១៤ ឆ្នាំកន្លងមកនេះ ក្រៅពីសកម្មភាពអាជីវកម្ម មិត្តហ្វូន បានចូលរួមចំណែកយ៉ាងធំធេងក្នុងការអភិវឌ្ឍលើគ្រប់វិស័យក្នុងសង្គមនៅប្រទេសកម្ពុជា ដែលបានបង្កើតឱកាសការងារជាង ៣០,០០០ កន្លែង ដែលមានប្រាក់ចំណូលជាមធ្យមខ្ពស់ជាងមធ្យមភាគជាតិ។ ពិសេសមិត្តហ្វូនតែងតែចូលរួមសកម្មភាពជាមួយរដ្ឋាភិបាល និងប្រជាជនកម្ពុជាក្នុងសកម្មភាពស្ម័គ្រចិត្តផងដែរ។

រហូតមកដល់ពេលនេះ មិត្តហ្វូន បានចូលរួមចំណែកក្នុងសកម្មភាពសហគមន៍ ចែករំលែក និងចូលរួមសកម្មភាពអមដំណើរជាមួយរដ្ឋាភិបាលកម្ពុជា ក្រសួង និងប្រជាជនកម្ពុជា សរុបជាទឹកប្រាក់ចំនួន ១១៧ លានដុល្លារអាមេរិក ដោយខិតខំកសាងរួមចំណែកបង្កើតឱកាសការងារ និងជួយសម្រួលផលលំបាកដល់ប្រជាជនកម្ពុជា។ ក្នុងនោះមានសកម្មភាពមនុស្សធម៌ដែលត្រូវបានទទួលស្គាល់ និងវាយតម្លៃខ្ពស់ពីរដ្ឋាភិបាល និងប្រជាជនកម្ពុជា ដូចជា ៖ បរិច្ចាគដល់កាកបាទក្រហម ឧបត្ថម្ភជនក្រីក្រ ឧបត្ថម្ភការប្រកួតបាល់ទាត់ថ្នាក់ជាតិ ផ្ដល់សេវាអ៊ីនធឺណិតប្រើប្រាស់ឥតគិតថ្លៃសម្រាប់សាលារៀនជាដើម…។

ជាមួយនឹងលទ្ធផលលេចធ្លោក្នុងសកម្មភាពអាជីវកម្ម និងការរួមចំណែកដល់សង្គម ក្នុងឆ្នាំ ២០២២ ក្រុមហ៊ុនមិត្តហ្វូន បានទទួលពានរង្វាន់អន្តរជាតិចំនួន ៥ សម្រាប់ផលិតផលរបស់ខ្លួនក្នុងការខិតខំប្រឹងប្រែងប្រកបដោយភាពច្នៃប្រតិដ្ឋឥតឈប់ឈរកន្លងមក។

កិច្ចខិតខំប្រឹងប្រែងប្រកបដោយភាពច្នៃប្រតិដ្ឋឥតឈប់ឈររបស់មិត្តហ្វូន គឺជាចក្ខុវិស័យ នៃការអភិវឌ្ឍប្រកបដោយចីរភាព ដោយបន្តបញ្ជាក់ពីជំហររបស់ខ្លួនជាម៉ាកយីហោត្រួសត្រាយផ្លូវនៅក្នុងវិស័យបច្ចេកវិទ្យា៕

Related Topics:មិត្តហ្វូន