ព័ត៌មានជាតិ
វឌ្ឍនភាពនៃកីឡាអាស៊ានហ្គេម នឹងបង្ហាញក្នុងសន្និសីទរបស់ក្លិបអ្នកកាសែតកម្ពុជា ថ្ងៃទី ២៣ កុម្ភៈ
ក្លិបអ្នកកាសែតកម្ពុជា (ក.អ.ក) នឹងរៀបចំសន្និសីទសារព័ត៌មាន ស្តីវឌ្ឍនភាពនៃការរៀបចំធ្វើជាម្ចាស់ផ្ទះកីឡាអាស៊ានហ្គេមលើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ » ដែលប្រព្រឹត្តទៅនៅថ្ងៃទី២៣ ខែកុម្ភៈ ឆ្នាំ២០២៣ នៅទីស្នាក់ការគណៈកម្មាធិការជាតិអូឡាំពិក (NOCC)។

បើតាមក្លិបអ្នកកាសែតកម្ពុជា ការរៀបចំសន្និសីទនេះ ដើម្បីផ្ដល់ឱកាសដល់អ្នកសារព័ត៌មានបានស្វែងយល់ និងទទួលបានព័ត៌មានអំពីវឌ្ឍនភាព ឬលទ្ធផលការងារ ដែលគណៈកម្មការរៀបចំព្រឹត្តិកាណ៍ស៊ីហ្គេមលើកទី៣២ សម្រេចបានរួមទាំងព័ត៌មាន ផ្សេងៗទៀតទាក់ទងនឹងការរៀបចំព្រឹត្តិការណ៍ ដែលមានអត្ថន័យជាប្រវត្តិសាស្ត្រនេះ។
លោក ថោង ខុន រដ្ឋមន្ត្រីក្រសួងទេសចរណ៍ ដែលជាប្រធានគណៈកម្មាធិការជាតិ អូឡាំពិកកម្ពុជា និងជាអនុប្រធានអចិន្ត្រៃយ៍គណៈកម្មការរៀបចំព្រឹត្តិការណ៍ស៊ីហ្គេមលើកទី៣២ និង លោក វ៉ត់ ចំរើន អគ្គលេខាធិការគណៈកម្មការរៀបចំកីឡាស៊ីហ្គេមលើកទី៣២ រួមទាំងមន្តី ជំនាញពាក់ព័ន្ធ នឹងចូលរួមធ្វើបទបង្ហាញក្នុងសន្និសីទសារព័ត៌មានខាងលើនេះផងដែរ។

បើតាមការប្រកាសព័ត៌មានរបស់ក្លិបអ្នកកាសែតកម្ពុជា បានបញ្ជាក់ថា សន្និសីទសារព័ត៌មានខាងលើនេះ ក៏នឹងផ្ដល់ឱកាសឲ្យអ្នកសារព័ត៌មានលើកជាសំនួរទៅកាន់វាគ្មិនអំពីដំណឹងដែលមិនទាន់ច្បាស់លាស់ ដែលអ្នកសារព័ត៌មានចង់ដឹងទាក់ទិននឹងព្រឹត្តិការណ៍ អាស៊ានហ្គេមលើកទី៣២ ដែលកម្ពុជាធ្វើជាម្ចាស់ផ្ទះ។

ក្លិបអ្នកកាសែតកម្ពុជា ចាត់ទុកសន្និសីទសារព័ត៌មាននេះមានសារសំខាន់ខ្លាំងណាស់សម្រាប់អ្នកសារព័ត៌មាន និងមហាជនទូទៅ ដែលកំពុងត្រៀមចូលរួមផ្សព្វផ្សាយអំពីព្រឹត្តិការណ៍កីឡាអាស៊ានហ្គេមលើកទី៣២នៅកម្ពុជា ដែលនឹងមកដល់នាពេលខាងមុខ៕



-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ