ព័ត៌មានជាតិ
សម្តេចតេជោ ស្នើក្រសួងបីបណ្តុះបណ្តាលវិជ្ជាជីវៈដូនតាដល់និស្សិតក្រីក្រឆ្ពោះទៅសម្រេចគោលដៅសេដ្ឋកិច្ចផ្អែកលើចំណេះដឹង
សម្តេចតេជោ ហ៊ុន សែន នាយករដ្ឋមន្រ្តី បានស្នើដល់ក្រសួងអប់រំ ក្រសួងសេដ្ឋកិច្ច និងក្រសួងការងារ ផ្តល់ការបណ្តុះបណ្តាលវិជ្ជាជីវៈដូនតា ដូចជា តម្បាញ ចម្លាក់ គំនូរ ស្មូន និងផ្សេងៗទៀត រង្វង់ ២-៤ភាគរយ ក្នុងចំណោមសិស្ស និស្សិតក្រីក្រ ១លាន ៥សែននាក់ ដែលជំនាញនេះ ទទួលបន្ទុកដោយក្រសួងវប្បធម៌ និងវិចិត្រសិល្បៈ។

សម្តេចថ្លែងដូច្នេះថា« ឥឡូវនេះ អាចបែងចែកវិជ្ជាជីវៈនៃសិស្សក្រីក្រសម្រាប់សកលវិទ្យាល័យនានា ដែលបាននិងកំពុងទទួលការបណ្តុះបណ្តាលស្រាប់…ព្រោះអ្នកទទួលបានការបណ្តុះបណ្តាលទាំង ១លាន ៥សែននាក់ បណ្តុះបណ្តាលដោយឥតបង់ថ្លៃ ហើយថែមទាំងទទួលបាននូវប្រាក់ឧបត្ថម្ភពីរដ្ឋថែមទៀត»។
ថ្លែងក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យធនធានមនុស្ស ថ្ងៃទី២០ ខែកុម្ភៈ ឆ្នាំ២០២៣ សម្តេច ហ៊ុន សែន ស្នើដល់លោក ហង់ ជូនណារ៉ុន រដ្ឋមន្រ្តីក្រសួងអប់រំ ពិនិត្យមើលចំនួនសាលាដែលកំពុងធ្វើការបណ្តុះបណ្តាលវិជ្ជាជីវៈ ដោយមានការលើកទឹកចិត្ត និងបន្តខិតខំបំពេញបេសកកម្មនេះ ដើម្បីងាយរកកាងារធ្វើ រួមចំណែកផ្តល់ចំណេះដឹងវិជ្ជាជីវៈត្រឹមត្រូវដល់ពលរដ្ឋខ្មែរ ក្នុងបំណងបម្រើដល់ការអភិវឌ្ឍកាន់តែលឿនឆ្ពោះទៅគោលដៅសេដ្ឋកិច្ចផ្អែកលើចំណេះដឹង។
សម្តេចសង្កត់ធ្ងន់ថា ការធ្វើដូចនេះ ដើម្បីឱ្យសិស្សក្រីក្រមានឱកាសសម្រាប់ទទួលបាននូវការបណ្តុះបណ្តាល។ បើតាមសម្តេច ការបណ្តុះបណ្តាលវិជ្ជាជីវៈនេះ មិនកម្រិតលក្ខខណ្ឌខ្ពស់នោះទេ។ ការបណ្តុះបណ្តាលនេះ អាចធ្វើឡើងតាមគ្រឹះស្ថានសិក្សានានា ដែលមានកម្មវិធីបណ្តុះបណ្តាលនេះស្រាប់មិនថា គ្រឹះស្ថានរដ្ឋ ឬឯកជនឡើយ។ នេះជាការបន្ថែមរបស់សម្តេចតេជោ។
សូមបញ្ជាក់ថា រាជរដ្ឋាភិបាល នឹងបើកវគ្គបណ្តុះបណ្តាលដល់និស្សិតក្រីក្រកម្ពុជា ជាង ១លាន ៥សែននាក់ ឱ្យបានចូលសិក្សាចំណេះជំនាញបច្ចេកទេស វិជ្ជាជីវៈ នៅចុងឆ្នាំ២០២៣ និងឆ្នាំ២០២៤ ដោយទទួលបានប្រាក់ឧបត្ថម្ភពីរដ្ឋ នៅកំឡុងពេលរៀននេះផងដែរ៕



-
ព័ត៌មានជាតិ១ សប្តាហ៍ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៤ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៧ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៣ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៦ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៤ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សន្តិសុខសង្គម៦ ថ្ងៃ ago
ខ្យល់កន្ត្រាក់ និងរន្ទះបាញ់ កើតឡើងលើស្រុកចំនួនពីរក្នុងខេត្តបាត់ដំបង
-
ព័ត៌មានអន្ដរជាតិ២ ថ្ងៃ ago
ត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក