ព័ត៌មានជាតិ

លោកជំទាវ ម៉ែន សំអន សាទរនូវសមិទ្ធិផលថ្មីសន្លាងចំនួន ២ អគារ ដែលនឹងលេចចេញរូបរាងក្នុងពេលខាងមុខនេះ

បានផុស

២ years មុន

នៅ

ថ្ងៃចន្ទ ២០ កុម្ភៈ ២០២៣

ដោយ

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ជាប្រធានក្រុមការងារចុះជួយខេត្តស្វាយរៀង បានសម្ដែងការចូលរួមអបអរសាទរនូវសមិទ្ធិផលថ្មីសន្លាងចំនួន ២ អគារ ដែលនឹងលេចចេញរូបរាងក្នុងពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវកិត្តិសង្គហបណ្ឌិត ម៉ែន សំអន សម្ដែងបែបនេះខណៈអញ្ជើញជាអធិបតីក្នុងពិធីក្រុងពាលី បញ្ចុះបឋមសិលាសាងសង់អគាររដ្ឋបាល និងអគារសាលប្រជុំ របស់សាលាស្រុកកំពង់រោទិ៍ ស្ថិតក្នុងភូមិស្វាយអាណាត ឃុំញរ ស្រុកកំពង់រោទិ៍ ខេត្តស្វាយរៀង កាលពីព្រឹកថ្ងៃចន្ទ ១ កើត ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ២០ ខែកុម្ភៈ ឆ្នាំ ២០២៣។

សូមបញ្ជាក់ថា អគារដែលបញ្ចុះបឋមសិលាសាងសង់ថ្ងៃនេះរួមមាន ៖

១/.អគាររដ្ឋបាល ចំនួន ០១ ខ្នង ទទឹង ១៣ ម៉ែត្រ x បណ្ដោយ ២៨ ម៉ែត្រ (២ ជាន់ គឺជាន់ផ្ទាល់ដី និងជាន់ទី ១)

២/.អគារសាលប្រជុំ ចំនួន ០១ ខ្នង (១ ជាន់ គឺជាន់ផ្ទាល់ដី) ទទឹង ១៧,១ ម៉ែត្រ បណ្ដោយ ២០ ម៉ែត្រ។

ពិធីក្រុងពាលីបញ្ចុះបឋមសិលាបានដំណើរការទៅតាមកម្មវិធីដែលបានគ្រោងទុក្ខ ដោយមានការអុជធូប និងបួងសួងសុំនូវសេចក្ដីសុខសប្បាយពីម្ចាស់ទឹកម្ចាស់ដី ថ្វាយគ្រឿងសក្ការបូជា ដើម្បីឲ្យការសាងសង់ដំណើរការទៅដោយរលូន និងទទួលបានជោគជ័យ និងសុខសុវត្ថិភាព៕

អត្ថបទ ៖ វិមាន