ព័ត៌មានជាតិ

ក្រសួងសង្គមកិច្ចគាំទ្រ ចំពោះសកម្មភាពរបស់អង្គការម៉ារីណុល ដែលបានចូលរួមការពារសិទ្ធិកុមារនៅកម្ពុជា

បានផុស

៤ years មុន

នៅ

ថ្ងៃពុធ ១៣ មករា ២០២១

ដោយ

លោក ឈួរ សុបញ្ញា បានថ្លែងនូវការសាទរចំពោះសកម្មភាពរបស់អង្គការម៉ារីណុល បានចូលរួមជាមួយក្រសួងសង្គមកិច្ច ក្នុងការការពារសិទ្ធិទប់ស្កាត់អំពើឧក្រិដ្ឋកម្មលើកុមាររួម នឹងការជួយបណ្តុះបណ្តាលកុមារនៅកម្ពុជាពិសេស ដោយធ្វើការសហការជាមួយនគរបាលជាតិកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម ថ្លែងបែបនេះ ខណៈចូលរួមប្រជុំជាមួយអង្គការម៉ារីណុល ស្តីពី កាធ្វើបទបង្ហាញរបាយការណ៍វឌ្ឍនភាពនៃការអនុវត្តសកម្មភាពគម្រោងកម្មវិធីរបស់អង្គការផ្ទាល់នាល្ងាចម្សិលមិញនេះ។ តំណាងអង្គការបានបង្ហាញថា តួនាទីរបស់អង្គការម៉ារីណុលបានចូលរួមប្រយុទ្ធប្រឆាំងរាល់ឧក្រិដ្ឋកម្មធ្ងន់ធ្ងរលើកុមារដោយធ្វើការសហការជាមួយនគរបាលជាតិកម្ពុជា ដើម្បីស៊ើបអង្កេត ទប់ស្កាត់ និងរារាំងឧក្រិដ្ឋកម្ម ដែលបានប្រព្រឹត្តលើកុមារ ផ្ដល់វគ្គបណ្តុះបណ្ដាល និងបង្កើតឱកាសសម្រាប់កិច្ចសហប្រតិបត្តិការនិងផ្លាស់ប្ដូរជំនាញអន្តរជាតិ។

ជាមួយគ្នានេះដែរ ក៏បានផ្ដល់ជំនួយវេជ្ជសាស្ត្រ តំណាងផ្នែកច្បាប់ និងផ្គត់ផ្គង់ស្បៀងអាហារ និងសេវាសុខុមាលភាពផ្សេងៗដល់កុមាររងគ្រោះនិងគ្រួសាររបស់គេ។ ការជួយបន្ទុកចំណាយទាំងនេះពីគ្រួសាររបស់គេ គឺមិនត្រឹមតែបានជួយពួកគេ ក្នុងពេលលំបាកប៉ុណ្ណោះទេ តែក៏បានលើកទឹកចិត្តពួកគេឡើងវិញនិងឲ្យពួកគេរាយការណ៍ពីបទល្មើសផ្សេងៗទៀតផងដែរ ដូចជាបទល្មើសផ្លូវភេទ និងបទល្មើសផ្សេងៗទៀត៕

អត្ថបទ៖ វិមាន

Related Topics:កិច្ចប្រជុំ