ព័ត៌មានជាតិ

ពលករ ០១ នាក់ ធ្វើចត្តាឡីស័កជិតដល់ថ្ងៃចេញ ទើបប្រកាសឆ្លងកូវីដ ១៩

បានផុស

៤ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

ពលករខ្មែរម្នាក់ដែលបានតេស្តលើកទីមួយអវិជ្ជមាន រហូតដល់ថ្ងៃ ១៣ តេស្តលើកទីពីរមានវិជ្ជមានកូវីដ ១៩ ដែលបញ្ជាក់ដោយវិទ្យាស្ថានប៉ាស្ទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រ្តីរូបនោះអាយុ ៣៦ ឆ្នាំ ជាពលករមកពីថៃមានស្រុកកំណើតនៅស្រុកកំរៀង ខេត្តបាត់ដំបង។ តាមការបញ្ជាក់ពីក្រសួងសុខាភិបាល ស្រ្តីរងគ្រោះបានមកដល់ប្រទេសកម្ពុជានៅថ្ងៃ ៣១ ធ្នូ តេស្តលើកទីមួយ មិនមានវិជ្ជមានកូវីដ ១៩ទេ។ ការបន្តធ្វើចត្តាឡីស័កនៅថ្ងៃទី ១៣ តេស្តលើកទីពីរ ទើបប្រកាសឆ្លងកូវីដ ១៩ និងត្រូវបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តបាត់ដំបង។

ស្រ្តីដែលឆ្លងនេះ ស្ថិតនៅក្នុងចំណោមពលករ ០៨ នាក់ដែលក្រសួងសុខាភិបាលប្រកាសឆ្លងកូវីដ ១៩ នៅព្រឹកនេះ រួមទាំងអ្នកដំណើរមកពីក្រៅ ០៥ នាក់ទៀត សរុបទាំងអស់ ១៣ នាក់ ត្រូវបញ្ជូនទៅសម្រាកព្យាបាលនៅមន្ទីរពេទ្យ.

ក្រោយការផ្ទុះកូវីដនៅប្រទេសថៃ ប្រមុខរដ្ឋាភិបាល បានចេញបទបញ្ជាឲ្យផ្អាកការដឹកជញ្ជូនពលករចល័តក្នុងផ្ទៃប្រទេស ដោយត្រូវពង្រឹងសមត្ថភាពកន្លែងធ្វើចត្តាឡីស័កខេត្តតាមព្រំដែន ទោះបីអាចមានចំនួនរាប់ម៉ឺននាក់ក៏ដោយ ដើម្បីបង្ការការពង្រាយជំងឺដែលពិបាកគ្រប់គ្រង។

សម្តេចតេជោក៏ចេញការណែនាំឲ្យអាជ្ញាធរតាមព្រំដែន ត្រូវគ្រប់គ្រងលំហូរពលករឲ្យបានហ្មត់ចត់បំផុត ដាច់ខាតមិនឲ្យមានការលួចឆ្លងចូលក្នុងប្រទេសដោយគ្មានការត្រួតពិនិត្យ ធ្វើសំណាក និងធ្វើចត្តាឡីស័កនោះទេ៕

Related Topics: