​​​ក្រុមហ៊ុន​ធំៗ ៦ វិនិយោគ​​ដំណាំ​កសិ-ឧស្សាហកម្ម និងកៅស៊ូ ក្នុង​ខេត្ត​កោះកុង

វិស័យ​កសិកម្ម​នៅ​ខេត្ត​កោះកុង​មាន​ភាព​រីកចម្រើន​គួរ​ឱ្យ​កត់សម្គាល់​។ ​ជា​មួយ​គ្នា​នេះ​ដែរ មិន​មែន​តែ​វិស័យ​កសិកម្ម​តែ​មួយ​មុខ​ប៉ុណ្ណោះ​ទេ​ដែល​បាន​ចូល​មក​វិនិយោគ​ តែ​ក៏​នៅ​មាន​វិស័យ​ផ្សេងៗ​ជា​ច្រើន​ទៀត​ផង​ដែរ​​មានដូច​ជា​ វិស័យ​ទេសចរណ៍ ថាមពល និង​នៅ​តំបន់​សេដ្ឋកិច្ច​ពិសេស​ជា​ដើម។

ដោយឡែក​​​វិស័យ​កសិកម្ម​-ឧស្សាហកម្ម​ និង​ដំណាំ​កៅស៊ូ មានក្រុមហ៊ុនធំៗ​ចំនួន ៦ ដែលបានបោះទុន​រាប់​សិបលានដុល្លារ​វិនិយោគលើ​ដំណាំ​ដ៏មាន​សក្តានុពលនេះ​សម្រាប់​បម្រើលើការ​នាំចេញ​។ នេះ​បើ​យោងតាម​របាយការណ៍​របស់រដ្ឋបាល​ខេត្តកោះកុង​ក្នុង​សន្និសីទ​ក្នុង​សប្តាហ៍​នេះ។

​

ក្រុម​ហ៊ុនទាំង​ ៦ ដែល​បាន​ដាក់​ទុន​វិនិយោគ​លើវិស័យ​កសិកម្ម​-ឧស្សាហកម្ម​ និង​ដំណាំ​កៅស៊ូក្នុង​ខេត្ត​កោះកុង​​មាន​ដូច​ជា៖

-ក្រុមហ៊ុន LIM LONG Co.,Ltd ​ដែល​បាន​ដាក់​ទុក​វិនិយោគ​នៅ​ឃុំ​ដងពែង ស្រុក​ស្រែអំបិល ខេត្ត​កោះកុង

-ក្រុមហ៊ុន LY.P Group Co.,Ltd ​ធ្វើ​ការ​វិនិយោគ​នៅ​ឃុំ​អណ្ដូងទឹក ស្រុក​បុទុមសាគរ ​នា​ខេត្ត​កោះកុង

-ក្រុមហ៊ុន CAMAGRA INVESTMENT GROUP Co.,Ltd បាន​បណ្ដាក់​ទុក​វិនិយោគ​ នៅ​ឃុំ​ដងពែង ស្រុក​ស្រែអំបិល
 -ក្រុមហ៊ុន GREEN RICH GROUP Co.,Ltd នៅ​ឃុំ​ជ្រោយប្រស់ ស្រុក​កោះកុង

 -ក្រុមហ៊ុន SINOMEIMINVESTMENT Co.,Ltd នៅ​ឃុំ​អណ្ដូងទឹក​ ស្រុក​បុទុមសាគរ

 -ក្រុមហ៊ុន KOH KONG SEZ Co.,Ltd នៅ​ឃុំ​ព្រែកខ្សាច់ ស្រុក​គីរីសាគរ ខេត្ត​កោះកុង

ដោយ៖ ថារី