ព័ត៌មានជាតិ
រដ្ឋមន្រ្តីឲ្យការពារទីតាំងដីមួយកន្លែង មើលឃើញសមុទ្រឈើតាមផ្លូវជាតិលេខ ៤៨
រដ្ឋមន្រ្តីក្រសួងសាធារណការនិងដឹកជញ្ជូន បានស្នើឲ្យអាជ្ញាធរខេត្តកោះកុងថែរក្សាទីតាំងដីមួយកន្លែងតាមបណ្ដោយផ្លូវជាតិលេខ ៤៨ ដែលមានទេសភាពអាចមើលឃើញសមុទ្រឈើយ៉ាងស្រស់ស្អាត។
ក្នុងពេលចុះត្រួតពិនិត្យការដ្ឋានស្ថាបនាផ្លូវជាតិលេខ ៤៨ នៅខេត្តកោះកុងកាលពីម្សិលមិញនេះ លោក ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនបានបញ្ជាក់ថា លោកបានប្រទះឃើញទីតាំងដីមួយកន្លែងតាមផ្លូវជាតិលេខ ៤៨ ដែលស្អាតអាចមើលឃើញសមុទ្រឈើ ដែលថ្ងៃក្រោយអ្នកទេសចរអាចឈប់ថតរូបកម្សាន្ត ពេលធ្វើដំណើរមកលេងខេត្តកោះកុង។
បើតាមលោករដ្ឋមន្រ្តី ទីតាំងដីនោះជាផ្លូវចាស់ក្រោយពេលផ្លូវជាតិលេខ ៤៨ ត្រូវបានកែលម្អពង្រីកដោយពង្វាងទៅធ្វើផ្លូវថ្មី។
លោកស្នើឲ្យអាជ្ញាធរការពារទីតាំងដីនោះឲ្យខានតែបានមិនត្រូវឲ្យមានការរំលោភ ហើយលោកសង្ឃឹមថាទីនោះថ្ងៃខាងមុខនេះនឹងក្លាយជាគោលដៅទាក់ទាញអ្នកទេសចរ។
គម្រោងសាងសង់ផ្លូវជាតិលេខ ៤៨ មានប្រវែងសរុប ១៤៨ គីឡូម៉ែត្រ ចាប់ផ្តើមពី PK ១៤១+៧៥០ (ចំការហ្លួង) ត្រង់បំបែកផ្លូវជាតិលេខ ៤ រហូតដល់ក្រុងខេមរភូមិន្ទខេត្តកោះកុង មកទល់បច្ចុប្បន្ននេះសម្រេចការសាងសង់បានជិត ២២%។ បើតាមលោក ស៊ុន ចាន់ថុល ការដ្ឋានស្ថាបនាផ្លូវនេះមានភាពយឺតយ៉ាវជាងផែនការ ប៉ុន្តែក្រុមហ៊ុនបានសន្យានឹងបន្ថែមគ្រឿងចក្រដល់ ៣០០ គ្រឿង និងបញ្ជូនកងកម្លាំងធ្វើការពី ៤ ក្រុមទៅ ៨ ក្រុម ដើម្បីសម្រេចឲ្យទាន់ផែនការដែលបានគ្រោងទុក។
ឆ្លើយតបនឹងពាក្យចចាមអារ៉ាមដែលលើកឡើងថា ក្រុមហ៊ុនម៉ៅការសាងសង់បានដកខ្លួនចេញពីគម្រោងការងារ លោករដ្ឋមន្រ្តីបានគូសបញ្ជាក់ថា គឺមិនមានរឿងដូចដែលលេចឮនោះឡើយ។ ជាក់ស្តែងក្រុមហ៊ុនម៉ៅការសាងសង់ ILSUNG & HANIL កំពុងបន្តអនុវត្តការងារយ៉ាងសកម្មទៅតាមផែនការ បើទោះបីជាមានភាពយឺតយ៉ាវបន្តិចក៏ដោយ។
គម្រោងសាងសង់ផ្លូវជាតិលេខ ៤៨ បានបើកការដ្ឋានកាលពីថ្ងៃទី០៣ ខែមករា ឆ្នាំ២០២២ ក្នុងផែនការត្រូវចំណាយរយៈពេលសាងសង់ចំនួន ៣២ ខែ ជាប្រភេទផ្លូវបេតុងកៅស៊ូ (AC) កម្រាស់០៧ស.ម និងជាប្រភេទបេតុងសរសៃដែក ត្រង់ផ្លូវប្រសព្វ ដែលមានកម្រាស់ ២៥ស.ម ក្រោមទំហំទឹកប្រាក់ប្រមាណជាង ៧៨ លានដុល្លារអាមេរិក៕
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា