ព័ត៌មានជាតិ
លោក គន់ គីម៖ ប្រតិបត្តិការសង្គ្រោះគ្រោះមហន្តរាយជាសមរភូមិដែលទាមទារការតាំងចិត្តខ្ពស់
ប្រតិបត្តិការសង្គ្រោះគ្រោះមហន្តរាយនានា គឺជាសមរភូមិមួយដែលទាមទារឲ្យមានការតាំងចិត្តខ្ពស់បំផុតសម្រាប់ក្រុមអ្នកប្រតិបត្តិការសង្គ្រោះ។ នេះជាការថ្លែងរបស់លោក គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ក្នុងន័យក្រើនរំលឹកដល់សិក្ខាកាមហ្វឹកហ្វឺនជំនាញសង្គ្រោះគ្រោះមហន្តរាយ។

ក្នុងពិធីប្រគល់-ទទួលសម្ភារៈសង្រ្គោះផ្ទៃទឹកដល់បញ្ជាការដ្ឋានទ័ពពិសេស នាព្រឹកថ្ងៃទី២៤ ខែកុម្ភៈនេះ លោកទេសរដ្ឋមន្ត្រី គន់ គីម បានថ្លែងថា «ជីវិតរបស់ជនរងគ្រោះនៅក្នុងហេតុការណ៍នៃឧប្បត្តិហេតុទាំងឡាយ គឺជាគោលដៅចម្បងបំផុតដែលអ្នកសង្គ្រោះទាំងអស់ត្រូវតែផ្តោតការយកចិត្តទុកដាក់ខ្ពស់។ ដូច្នេះ នៅពេលប្រតិបត្តិការសង្គ្រោះ គឺទាមទារឲ្យមានការតាំងចិត្តខ្ពស់ជាទីបំផុត»។
តែយ៉ាងណាក្ដី លោកទេសរដ្ឋមន្ដ្រី គន់ គីម បានវាយតម្លៃខ្ពស់ និងកោតសសើរដល់ក្រុមប្រតិបត្តិការសង្គ្រោះមហន្តរាយទាំងអស់ ពិសេសបញ្ជាការដ្ឋានទ័ពពិសេស ដែលបានខិតខំប្រឹងប្រែងយកអស់កម្លាំងកាយចិត្តក្នុងការជួយសង្រ្គោះគ្រោះមហន្តរាយ នាពេលកន្លងមក។ លោកទេសរដ្ឋមន្ដ្រី បានលើកឡើងថា រាជរដ្ឋាភិបាលកម្ពុជាក្រោមការដឹកនាំដឹកនាំរបស់សម្តេចតេជោ ហ៊ុន សែន ដែលជានាយករដ្ឋមន្ត្រី និងជាប្រធានគណៈកម្មាធិការជាតិគ្រប់គ្រងគ្រោះមហន្តរាយ គឺសម្តេចតែងតែយកចិត្តទុកដាក់ដល់ការជួយសង្គ្រោះគ្រោះមហន្តរាយផ្សេងៗដែលកើតឡើងជាយកថាហេតុ។

ទន្ទឹមនេះ ពាក់ព័ន្ធនឹងការបំពាក់ឧបករណ៍ សម្ភារៈបច្ចេកទេស នាពេលនេះ លោកទេសរដ្ឋមន្ត្រី បានបញ្ជាក់ថា គឺបានឆ្លុះបញ្ចាំងឲ្យឃើញយ៉ាងច្បាស់អំពីការគិតគូរមួយរបស់សម្តេចតេជោនាយករដ្ឋមន្ត្រី ក្នុងការពង្រឹងសមត្ថភាពក្រុមការងារ ជួយសង្គ្រោះពេលមានហេតុការណ៍គ្រោះមហន្តរាយផ្សេងៗ ដូចជា៖ ការបាក់រលំអគារ គ្រោះមហន្តរាយបណ្តាលមកពីធម្មជាតិ និងឧប្បត្តិហេតុផ្សេងៗទាំងលើគោក លើទឹក និងលើអាកាស។
ឆ្លៀតឱកាសនោះ លោកឧត្តមសេនីយ៍ឯក ចាប ភក្តី មេបញ្ជាការបញ្ជាការដ្ឋានទ័ពពិសេស បានលើកឡើងពីសកម្មភាពរបស់នាយទាហាន នាយទាហានរង និងពលទាហាន ព្រមទាំងការចូលរួមរបស់ស្ថាប័នអង្គភាព អង្គការ សមាគម និងសប្បុរសជនទាំងក្នុង និងក្រៅប្រទេសក្នុងពេលកន្លងមកដើម្បីបុព្វហេតុជួយសង្គ្រោះគ្រោះមហន្តរាយនៅកម្ពុជា។ លោកមេបញ្ជាការ បានចាត់ទុកការជួយឧបត្ថម្ភដល់បញ្ជាការដា្ឋនទ័ពពិសេស នាពេលនេះ ជាកាយវិការប្រកបដោយសប្បុរសធម៌ ដើម្បីជាការចូលរួមចំណែកយ៉ាងសកម្មក្នុងការត្រៀមបង្ការ និងជួយសង្រ្គោះគ្រោះមហន្តរាយផ្សេងៗដែលកើតឡើង ជាយថាហេតុ៕


ដោយ៖ ធឿន វ៉ាន់សុង

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ