ព័ត៌មានជាតិ

ចុះពីរថយន្តទិញអីវ៉ាន់មិនពន្លត់ម៉ាស៊ីន ចោរឡើងបើករត់គេចផ្អើលទាំងយប់

បានផុស

៣ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

មានការភ្ញាក់ផ្អើលមួយបានកើតមានឡើងនាវេលាម៉ោង៨ និង២០នាទីយប់ ថ្ងៃទី១៣ ខែមករា ឆ្នាំ២០២១ នៅចំណុចស្តុបអ៊ីនធើខន តាមបណ្តោយផ្លូវព្រះមុនីរ៉េត សង្កាត់បឹងសាឡាង ខណ្ឌទួលគោក ខណៈបុរសម្នាក់ចុះពីរថយន្តមិនបានពន្លត់ម៉ាស៊ីន ត្រូវបានចោរឡើងបើករត់គេចជាច្រើនគីឡូម៉ែត្រ។

សមត្ថកិច្ចឱ្យដឹងថា នៅមុនពេលកើតហេតុ ម្ចាស់រថយន្តម៉ាក ម៉ាស្តា ពណ៌កណ្ដុរល្មេះ ពាក់ស្លាកលេខរដ្ឋ13. 2-2688 បានឈប់រថយន្តដោយមិនបានពន្លត់ម៉ាស៊ីន រួចដើរទៅទិញអីវ៉ាន់មួយភ្លែត( ទិញតុក្កតា)ស្រាប់តែមានជនសង្ស័យម្នាក់ឡើងបើកចេញទៅ។ ឃើញបែបនេះម្ចាស់រថយន្តក៏ស្រែក ចោរៗ បង្កការភ្ញាក់ផ្អើលដល់ប្រជាពលរដ្ឋដេញតាមចាប់។

ចំណែកជនសង្ស័យបានព្យាយាមបើករត់រហូតទៅដល់ផ្លូវលេខ៣១៥ កែងផ្លូវលេខ៥៩៨ ក្នុងសង្កាត់បឹកកក់២ ខណ្ឌទួលគោក ទើបជនសង្ស័យឈប់រថយន្តហើយចុះរត់គេចខ្លួនបាត់។

ក្រោយកើតហេតុសមត្ថកិច្ចមូលដ្ឋានបានចុះទៅដល់ និងនាំជនរងគ្រោះទៅដាក់ពាក្យបណ្តឹងនៅអធិការដ្ឋានគរបាលខណ្ឌទួលគោក ដើម្បីកំណត់មុខសញ្ញាជនសង្ស័យ៕

អត្ថបទ ៖ ស្រីរ័ត្ន

Related Topics:សន្តិសុខសង្គម