ព័ត៌មានជាតិ

អាវុធហត្ថក្រុងសិរីសោភ័ណឃាត់ខ្លួនយុវជន២នាក់ដកហូតថ្នាំញៀន៧,៩០ក្រាម

បានផុស

៣ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

ថ្នាំញៀន ទម្ងន់៧,៩០ក្រាម ត្រូវកំលាំងអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី យ៉ាន់ សុវណ្ណ មេបញ្ជាការការកងរាជអាវុធហត្ថ ក្រុងសិរីសោភ័ណ ចុះបង្ក្រាបរឹបអូសបានក្រោយពីយុវជន២នាក់ ដែលយកមកលក់ក្នុងក្រុងសិរីសោភ័ណ កាលវេលាម៉ោង៣រសៀលថ្ងៃទី១៣ ខែមករា ឆ្នាំ ២០២១ ស្ថិតក្នុងភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ត្រី យ៉ាន់ សុវណ្ណ បានប្រាប់ឲ្យដឹងថា កាឃាត់ជនសង្ស័យទាំង២នាក់នេះ ដោយទទួលបានព័ត៌មានពីប្រជាពលរដ្ឋ ហើយកម្លាំងបានដកហូតវត្ថុតាងរួមមាន ថ្នាំញៀន មេតំហ្វេតាមីន ចំនួន១ថង់ធំកិប ទម្ងន់៧,៩០ក្រាម ម៉ូតូចំនួន១គ្រឿង ម៉ាកហុងដាឃ្លិច ពណ៌ក្រហម ផលិតឆ្នាំ២០១៣ គ្មានស្លាកលេខ និងសម្ភារៈពាក់ព័ន្ធមួយចំនួន។

ផ្អែកលើចម្លើយសារភាព និងវត្ថុតាងខាងលើ និងតាមការធ្វើតេស្តទឹកនោមពិនិត្យរកសារធាតុញៀនជាលទ្ធផលវិជ្ជមានផងនោះ ទើបកម្លាំងជំនាញអាវុធហត្ថក្រុង បានកសាងសំណុំរឿងបញ្ជូនមកការិយាល័យបទល្មើសគ្រឿងញៀនខេត្ត និងបញ្ជូនបន្តទៅសាលាដំបូងខេត្ត ចាត់ការតាមនីតិវិធីច្បាប់៕

អត្ថបទ ៖ វ៉ាន់ ណាង