ព័ត៌មានជាតិ

សង្កាត់ព្រែកកំពឹស ក្លាយជាទីប្រជុំជនអ៊ូអរ មានផ្លូវបេតុងខ្វាត់ខ្វែង

បានផុស

៤ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

ដោយមានការយកចិត្តទុកដាក់ខ្ពស់ពីសំណាក់ប្រមុខរាជរដ្ឋាភិបាល នៃព្រះរាជាណាចក្រកម្ពុជា ក៏ ដូចជា អាជ្ញាធរគ្រប់ជាន់ថ្នាក់ ធ្វើឲ្យមានការអភិវឌ្ឍន៍លើគ្រប់វិស័យហេដ្ឋារចនាសម្ព័ន្ធ ផ្លូវ ថ្នល់ស្ពាន ប្រព័ន្ធលូបង្ហូរទឹកខ្វាត់ខ្វែង សម្រាប់បម្រើផលប្រយោជន៍ពលរដ្ឋទូទៅ ។

ជាក់ស្តែងនាពេលបច្ចុប្បន្ននេះ នៅសង្កាត់ព្រែកកំពឹស ខណ្ឌដង្កោ រាជធានីភ្នំពេញ កំពុងកើតមានផ្លូវបេតុងស្ទើរគ្រប់ទីកន្លែង ដើម្បីបម្រើផលជូនប្រជាពលរដ្ឋទូទៅ ជាពិសេសសម្រាប់ប្រជាពល រដ្ឋរស់នៅភូមិព្រែកកំពឹសតែម្តង ដែលពីដើមឡើយ ស្ថានភាពផ្លូវទាំងនេះ គឺជាផ្លូវដីតូចៗ ពិបាកធ្វើ ដំណើរខ្លាំងណាស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែរហូតមកដល់បច្ចុប្បន្ននេះ ប្រជាពលរដ្ឋទូទៅលែងលំបាកដូចកាលពីមុនទៀតហើយ ដោយ សារបានអាជ្ញាធរសង្កាត់ និងអាជ្ញាធរខណ្ឌដង្កោ ជាពិសេសសាលារាជធានីភ្នំពេញ បានខិតខំស្វះ ស្វែងក្នុងការកែប្រែស្ថាបនាពីផ្លូវដី ទៅជាផ្លូវបេតុងឲ្យមានសភាពរឹងមាំ ដើម្បីបម្រើផលប្រយោជន៍ជូនប្រជាពលរដ្ឋ ។

ជាមួយគ្នានេះអាជ្ញាធរខណ្ឌដង្កោ ក៍បានសំណូមពរទៅដល់អ្នកធ្វើដំណើរទូទៅ ក៏ដូចជាអ្នកបើកបររថយន្តដឹកទំនិញគ្រប់ប្រភេទ សូមកុំដឹកជញ្ជូនទំនិញលើសទម្ងន់កំណត់ ដែលនាំឲ្យឆាប់ខូចផ្លូវព្រោះ ការស្ថាបនាផ្លូវនីមួយៗ ត្រូវចំណាយលុយអស់ច្រើនណាស់ សម្រាប់អ្នកដំណើរទូទៅ ដូច្នេះគួរចេះស្រលាញ់ និងថែរក្សាផ្លូវឲ្យបានល្អប្រសើរ ទើបប្រើប្រាស់បានយូរអង្វែង ៕

អត្ថបទ ៖ រ៉ាវុទ្ធ