Connect with us

ព័ត៌មានជាតិ

សម្តេចតេជោ ហ៊ុន សែន នឹងជួបអ្នកសិល្បៈ អបអរសាទរ ទិវាវប្បធម៌ នៅថ្ងៃទី២ មីនា

បានផុស

នៅ

មន្ត្រីជាន់ខ្ពស់ នៃក្រសួងវប្បធម៌ និងវិចិត្រសិល្បៈ បានឱ្យដឹងថា សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នឹងជួបសំណេះសំណាលជាមួយសិល្បករ សិល្បការិនីគ្រប់ទម្រង់ នៅថ្ងៃទី០២ ខែមីនា ឆ្នាំ២០២៣ ដើម្បីអបអរទិវាវប្បធម៌ជាតិ ៣មីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទសារព័ត៌មាន ស្ដីពី ការរៀបចំទិវាវប្បធម៌ជាតិ ៣ មីនា លើកទី២៥ ឆ្នាំ២០២៣ នៅទីស្ដីការក្រសួង នារសៀលថ្ងៃទី២៧ ខែកុម្ភៈនេះ លោក សោម សុគន្ធ រដ្ឋលេខាធិការប្រចាំការ ក្រសួងវប្បធម៌ និងវិចិត្រសិល្បៈ បានឱ្យដឹងថា ថ្វីដ្បិតតែ ៣ឆ្នាំចុងក្រោយនេះ មិនមានមហោស្រពប្រឡងសិល្បៈទូទាំងប្រទេស យកពានរង្វាន់ ទិវាវប្បធម៌ជាតិ ៣ មីនា ដោយសារការបង្ការវិបត្តិសាកល នៃការរាតត្បាតជំងឺកូវីដ-១៩ ប៉ុន្តែសម្ដេចតេជោ នៅតែគ្រោងជួបសិល្បករទូទាំងប្រទេស។

លោក សោម សុគន្ធ មានប្រសាសន៍ថា សម្ដេចតេជោ ហ៊ុន សែន នាយករដ្ឋមន្ត្រីកម្ពុជា និងសម្ដេចកត្តិព្រឹទ្ធបណ្ឌិត ប៊ុន រ៉ានី ហ៊ុនសែន នឹងជួបសំណេះសំណាលជាមួយសិល្បករ សិល្បការិនី បុរាណ សម័យគ្រប់ទម្រង់ នៅថ្ងៃទី២ ខែមីនា ខាងមុខ ដែលកិច្ចសំណេះសំណាល មានសារសំខាន់ និងជាឱកាសជំនួបដ៏កម្រ ផ្សារភ្ជាប់ទំនាក់ទំនងរវាងថ្នាក់ដឹកនាំកំពូល ជាមួយសិល្បករគ្រប់ទម្រង់។

លោក សោម សុគន្ធ មានប្រសាសន៍បញ្ជាក់ថា ទិវាវប្បធម៌ជាំតិ ៣ មីនា ឆ្នាំ២០២៣នេះ មានប្រធានបទ “យុវជនដើម្បីវប្បធម៌ជាតិ” ដោយនៅក្នុងពិធីសំណេះសំណាលនោះ សម្ដេចតេជោ ហ៊ុន សែន នឹងផ្ដល់ការវាយតម្លៃសកម្មភាពវប្បធម៌ ព្រមទាំងអនុសាសន៍អ្វីគួរអភិរក្ស និងអ្វីគួរអភិវឌ្ឍជាដើម។

លោក ឡុង ប៉ុណ្ណាស៊ីរីវត្ថ រដ្ឋលេខាធិការ  និងជាអ្នកនាំពាក្យ ក្រសួងវប្បធម៌  និងវិចិត្រសិល្បៈ មានប្រសាសន៍ថា ពិធីសំណេះសំណាលនេះ នឹងមានសិល្បករសិល្បការិនីទាំងបុរាណ និងសម័យគ្រប់ទម្រង់ដែលមានចំនួនជាង ៣ពាន់នាក់។

លោក ឡុង ប៉ុណ្ណាស៊ីរីវត្ថ បញ្ជាក់បន្ថែមថា ក្នុងនោះមានអ្នកសិល្បបុរាណចាស់ៗ និងនៅខេត្តឆ្ងាយចូលរួម ព្រមទាំងមានចម្រៀង របាំ និងផ្ទាំងទស្សនីយភាពជាច្រើនទម្រង់ផងដែរ។ សិល្បករ សិល្បការិនីមិនមែនតែជាអ្នកចម្រៀង អ្នករបាំ អ្នកភ្លេង ឬអ្នកសម្ដែងទេ រួមទាំង ជាងចម្លាក់ឈើ លោហៈ ថ្ម, ជាតម្បាញ, ជាងគំនូរជាដើម…។

គួរបញ្ជាក់ថា តាម សារាចរ ស្តីពី ការរៀបចំទិវាវប្បធម៌ជាតិ ៣ មីនា លើកទី២៥ ឆ្នាំ២០២៣ សម្ដេចតេជោ ហ៊ុន សែន បានមានប្រសាសន៍ថា ទិវាវប្បធម៌ជាតិ ៣ មីនា ជាទិវាដ៏សំខាន់មួយ របស់ប្រទេសជាតិ ដែលជានិច្ចកាល រាជរដ្ឋាភិបាលបានយកចិត្តទុកដាក់រៀបចំប្រារព្ធជារៀងរាល់ឆ្នាំ ដើម្បីរំលឹកគុណូបការៈ និងស្នាដៃដ៏វិសេសវិសាល របស់បុព្វបុរសនៃយើងដែលបានបន្សល់ទុក នូវមរតកវប្បធម៌ដ៏សម្បូរបែប និងមានតម្លៃមិនអាចកាត់ថ្លៃបាន ដល់កូនចៅជំនាន់ក្រោយ។ សម្តេចតេជោ ហ៊ុន សែន បានបន្ថែមទៀតថា ការប្រារព្ធវប្បធម៌ជាតិ ជាការជំរុញការផ្សព្វផ្សាយ ការផ្ទេរចំណេះដឹង ចំណេះធ្វើ ជំនាញបច្ចេកទេស និងទេពកោសល្យវប្បធម៌ ក៏ដូចជាក្រើនរំលឹក បំផុសស្មារតីស្រឡាញ់ វប្បធម៌ជាតិ និងមនសិការស្នេហាជាតិ ដល់ប្រជាពលរដ្ឋទាំងអស់ ជាពិសេសយុវជនដែលជាទំពាំងស្នងឫស្សី ដែលមានកាតព្វកិច្ចថែរក្សាការពារ ឲ្យសិ្ថតស្ថេរគង់វង្ស នូវសម្បត្តិវប្បធម៌ជាតិ និងវប្បធម៌ចម្រុះ នៃសហគមន៍ជាតិ នៅព្រះរាជាណាចក្រកម្ពុជា សំដៅរក្សាបាននូវឯកភាពជាតិ សាមគ្គីភាព សន្តិភាព និងការអភិវឌ្ឍ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៥ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៦ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៨ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ១០ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានអន្ដរជាតិ១២ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ព័ត៌មានជាតិ២២ ម៉ោង មុន

បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព

ក្រុងប៉ោយប៉ែត
សន្តិសុខសង្គម១០ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១២ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១១ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម